شكرا ليكو انتو الاتنين على لغة الحوار الراقية و المتحضرة و ياريت كل الاعضاء العصبيين و المتشنجين (على ايه مش عارف؟) ياريتهم يتعلموا منكو اسلوب الحوار المتحضر.... شكرا مرة تانية
العربية وهم
اولا شكرا لصاحب الموضوع على الصور الجميلة واللى مش سايبة انى نقطة فى العربية الصراحة
انا من وجهة نظرى وتعليقى على الصور :
1: السيارة منخفضة عن الارض بعكس الحالية
2: تعليق ناشف
3: سقف منخفض وواضح جدا
4: شنطة صغيرة مش كبيرة واضحة جدا
5: السيارة البلاستيك بقى عامل اساسى فى كل مكوناتها
6: الشكل جميل فى الصور بس مش عارف حاسس انها لما تنزل مش هتبقى زى الصور
7: عدادها لية خارج برة التابلوة كدة بس الصراحة شكلة جميل جدا طريقة عرضة للبيانات
صدقني هيونداي لو عملت طيارة برضه مش هتعجبك
سيدي الفاضل انت بتكره هيونداي قول كده من الاول وخلاص بدل ما كل عربيات هيونداي طلعت المهندسين اللي عملوها متخرجين من معهد خدمة اجتماعية
او حاسس ان هيونداي افضل من عربيات تانية كتير بس مش عاوز تعترف فبتحاول تثبت عكس كده!!!!!!!!!!!!!!!!!!!
الحقيقة الاختلافات بسيطة جدا بين الموديلين حضرتك شوف رابط الموضوع ده
http://www.nilemotors.net/Nile/168066-a.html
و السقف منخفض فعلا بس مش مشكل اى مشكلة حضرتك برضه بص على الفيديو ده و هتلاقى اثنين اعدين ورا و فى وسع ملحوظ فى المساحة الداخلية و السقف مش مضيق الركاب اللى ورا و كمان العربية ليست هابطة على الارض مع ان الركاب عددهم اربعة
YouTube - Avante MD, ى•„ë°کë–¼MD ëڈ™ىکپىƒپ ë“.ي…œ by ى§±ë‹ک
و على فكرة انا كان عندى نفس ملاحظاتك بس بعد مشاهدة فيديوهات عن العربية الواحد غير رايه
و ارجو اكون وضحت وجهة نظرى و شكرا لك و لذوقك
ههههههههههههه حلوة مهندسين هيونداى طالعين من خدمة اجتماعية
ياباشا وانا هاكرها لية هو لسة حد شافها ولا ركبها حتى انا بقولك وجهة نظرى من خلال الصور يعنى مش من الواقع وكلامى طلع صح الحمد لله
فعلا طلعت السيارة سقفها منخفض , وتعليقها غير مستقل يعنى تعليق ناشف ومعروفة والسيراتو دليل عندك ,والسيارة نفسها ارتفاعها منخفض عن الارض
وبعدين انا عمرى ماركب كورى ولو بقى بجنية دة مبدأى من زمان سواء بقى هيونداى او كيا او سيارة تحمل اسم كورى او صينى عشان تبقى عارف مش هيونداى بس , بس بردة انا هاكرهها لية ؟؟؟؟؟؟؟؟؟؟؟؟؟؟؟؟
دية وجهة نظرى وانا قولتها وكويس صاحب الموضوع بردة كان شايف نفس نظريتى فى السيارة يعنى مش انا لوحدى وصدقنى خليك فاكر تعليقى على العربية دية لانة هيطلع مظبوط وبكرة تشوف ياراجل دية اوطى من عربيتى اللى المفروض مافيش عربية زيها فى الانخفاض
و الله انا مش عارف اقول ايه على العموم هى فعلا عقشتها هتبقى انشف من الموديل الموجود حاليا علشان هى على نظام تعليق خلفى torsion beam و الموديل الحالى multilink بس ماتنساش ان نظام torsion beam بيشغل حيز اقل فبيدى مساحة اكبر للشنطة و المساحة الداخلية و لكن انا اعتفد ان هيونداى مش عاملة عربية علشان الكوريين فقط فمش معقول تعمل عربية على مقاس احجام الاسيويين فقط و كمان العربية مش منخفضة ابدا تقريبا نفس ابعاد الموديل الموجود حاليا و لا راى حضرتك ايه . على العموم كل شى هيبان لما تنزل
انا اعتقد ان العفشه مش هتطلع ناشفه بالصوره اللى احنا متخيلنها
الحل الوحيد اننا نستنى اما تنزل ونشوف ايه النظام