تيدا منيوال

**khaled308** · 22-07-2010 10:17 AM

ارجوا لو فى حد معاه التيدا المنيوال يفيدنى عن العربيه لانها عجبانى و أن شاء الله أشتريها قريب

**BassamHafez** · 22-07-2010 02:32 PM

على فكرة لا يوجد تيدا مانيوال زيرو حاليا

**BassamHafez** · 22-07-2010 04:37 PM

المشاركة الأصلية كتبت بواسطة khaled308

أشكرك على الرد بس فعلا مفيش مينوال ايه السبب مش هتنزل تانى

واضح ان المستقبل للاوتوماتيك لان في عربيات دلوقتي مش بينزل منها مانيوال خالص

**egypt0777** · 22-07-2010 10:39 PM

دلوقتى الاستربتونك غطى على كل المانول

طب الناس تجيب ليه مانيوال

**khaled308** · 23-07-2010 02:27 PM

المشاركة الأصلية كتبت بواسطة hacker5

انا معايا تيدا مانيوال حضرتك
تحت امرك فى اى استفسار

شكرا لحضرتك
أنا عجبانى العربيه عشان واسعه وعائليه بس ياريت تفدنى عن كل شئ فيها الصيانه و قطع الغيار و البنزين و هى فعلا عاليه عن الارض
و لو مفيش منيوال اجيب الاتوماتيك انا سوقت عربيات منيوال بس و بخاف من الاتوماتيك عشان لو عطلت العربيه عاوزه ونش و وحع دماغ
وانا اصلا بحب السواقه الهاديه مليش فى الجرى ولو مفيش منيوال اجيب صنى
شكرا للرد

**Ahmed.TV** · 24-07-2010 12:47 AM

اخى الكريم
انا كنت زيك بخاف من سمعة الاتومايتك ومن الاعطال , وكل الاشعات اللى بتطلع دى
ولكن
لما بعت عربيتى البولو واللى كانت مانيول وسوقت الاتوماتيك , حسيت بفرق كبيررررررررررررررر فى السواقة والراحة , والاتوماتيك عملى جدا

وسيبك من الكلام اللى بيتقال بتاع الاعطال والكلام الفارغ ده

اغلب العربيات الحديثة الحمد لله مفيش فى الفتيس بتعها مشاكل , ولا عطل ولا اى حاجة , الكلام اللى كان بيطلع ده على العربيات القديمة , وكمان بردوا مفيش فيها مشاكل اوى , ولو عايز تجر العربية بتجرها عادى جداااااااااااااااااا

وبعدين انت راكب عربية يابانى وغير كدا طالما مداوم على صيانتها فى التوكيل يبقا اطمن وفى الاول والاخر سيب الموضوع على ربنا سبحانه وتعالى

الناس فى التوكيل على دراية كبيرة بصيانة السيارات لانهم بياخدوا قرصات بره وبيواكبوا كل التطورات فى السيارات , وعشان كدا بقولك تنتظم مع التوكيل فى صياناتك

بالنسبة بقا للصنى اذا كنت من هواة السرعة فوق ال160 يبقا اختارها عشان الثبات بتعها

ولكن لو مش فارق معاك السرعة الجنونية , وحابب تسوق عربية محترمة يابانى من كله , وجية من اليابان على طوللللللللل يبقا خاليك فى التيدا

خامات يابانى ماتور وتقفيل وكلهههههههههههه وغير كدا احسن عربية فى 1600 موفرة فى استهلاك البنزين ,
فعلا مع الاتوماتيك فى التيدا حاجة تانية خالصصصصصصصصصصصصصصصصص
ولما بتعمل كيك دون بتحس بشغل عالى جدااا

لالالالالا بجد التيدا فى الاتوماتيك روعةةةةةةةةةةةةةةةة
ولو عايز اقابلك واخليك تشوففففففففف انا تحت امرك
وتوكل على الله وعن تجربة والله مفيش احسن من الاتوماتيك فى البلد دى

**khaled308** · 24-07-2010 03:30 PM

لو أمكن الافاده أشترى العربيه منين خصوصا انى عاوز اشتريها تقسيط مباشر عاوز ادفع فى حدود 67 الف و قسط الباقى
كمان عاوز اعرف ايه الفرق بين الاتوماتيك سيدان اول فئه و اللى بعدها و السعر كام دلوقتى
أكون شاكر لو فى حد يفدنى