الموضوع: إن كنت أنت: فهو أنا، وإن كنت تعرفه: فأخبره عني

المشاركة الأصلية كتبت بواسطة mahmoodallam

هي مبادرة حلوة منك .
بس انا عندي سؤال : هو انت متخيل ان كل الناس اللي عندها عربيات مشتركة في نايل موتورز ؟ أو ان كلهم هيقرا موضوعك ؟
مهما كانت الظروف لازم تقف تشوف ايه مدى الضرر اللي انتا سببتهولو .
وتقدر الموقف وتديلو فلوس تكلفة التصليح وحق عطلته ولفه على الورش ووقته اللي هيضيع ’ ولا انا غلطان ؟
انا في مرة من 4 سنين خبطت واحد ونزلت اختلفنا في طريقة المراضية واديتله مبلغ اقل من اللي هوا طلبو لحد انهردة ضميري بيأنبني اني ما راضيتهوش زي ما هو عايز خصوصا ان انا اللي غلطان ,.
يوم القيامة ده هياخد من حسناتي لانه ليه حق عندي .
على الاقل لو انت ما كانش معاك فلوس كنت تقف تدي للراجل رقم تلفونك وتاخد رقمه بحيث تقابله في اقرب فرصة بعد انتهاء الظرف اللي انت فيه ؟
يا جماعة دي حقوق ناس .
وانا بضايق جدا لما ألاقي واحد مسلم وبيقصر في حقوق الناس ، يا ناس حرام هتخلو الناس يكرهو الاسلام والمسلمين بسبب غلط بسيط من وجهة نظرنا الشخصية لكنه عند الله كبير .
أرجو انك تتقبل مني النصح بصدر رحب ’ وانا متأكد ان مبادرتك هنا على المنتدى هي محاولة لتصحيح الموقف وده دليل على انك راجل ضميره صاحي بس نرجو من الجميع ان يعتبر لمثل هذا الموقف حتى لايتعرض لتأنيب الضمير مدى الحياة .
وأعتقد ان هناك شبه حل انك تتصدق بمبلغ من المال نيابة عن الراجل المتضرر .

بسم الله الرحمن الرحيم (( ووهبنا لداود سليمان نعم العبد انه أوّاب ))