المشاركة الأصلية كتبت بواسطة dramr40
شكرا يا جماعه لكل اللى ردو على الموضوع
هو فعلا العطل طلع فى الموبينه كانت فيها طرف فاصل كهربا
روحت لواحد بتاع قطع غيار قالى ب 175 جنيه قولتلو الاصليه قالى ايوه قولتلو هاتها
وانا ماشى سبحان الله قولتلو لو عندك حاجه اغلى هاتها ماعنديش مشكله انا عايز الانضف
المهم روحت الميكانيكى قبل ما يركبها قالى الموبينه دى مش عاجبانى
ركبها ودورت ومشيت بيها كدا مسافه عشان اجرب فى الاول كانت العربيه كويسه لكن مافيش اقل من دقيقه ورجعت العن من الاول
رجعت للميكانيكى قالى الموبينه دى فاصله طرف هيا كمان و تقليد ومش كويسه
روحت للراجل اللى انا شاريها منو وانا ناوى على الشر
المهم ما تكلمتش قولتلو عايز الموبينه الاصليه قالى للاسف مش موجوده
قولتلو فلوسى
من غير ما يعك فى الكلام فتح الدرج ورجعلى فلوسى ,,, منو لله خلانى خدت المشوار مرتين ليه عشان جشعه كان قالى من الاول مافيش الاصليه لانى ماكد عليه انو يجيب الاصليه
المهم روحت اشتريت واحده استيراد ب 250 جنيه واتظبطت العربيه وبئت كويسه الحمد لله