عتريس وصيانة 10000 ابو رواش 2 سيراتو :))))))
صباح الفل علي الرجالة
كعادتنا في المنتدي نقدم تقارير الصيانة وانطباعاتنا عنها - حكون مختصر عشان مطولش
المكان ابو رواش
الزمان امش - وصلت الساعة 11 صباحا عشان مبصحاش بدري ابدا :)
السيارات 2 كيا سيراتو زي ما نتو عارفين - صيانة ال 10000 كم
1 - المكان كان زحمه تيييييت - 10%
2- الاستقبال محترم جدا جدا - مهندس صغير كدة بس ظريف جدا 85%
3 - اخدت رقم 6 للعربيتيت مع بعض عشان يخلصوا مع بعض 80%
4 - الاستراحه رغم انها كبيرة لكن عدد الكراسي قليل جدا للعدد الموجود 10%
5- الزمن - ساعتين لعربية منهم - و4 ساعات للاخري :( 20%
6- الصيانة + غسيل فوم 400 جنية شاملة كل حاجة للسيارة الواحدة 5%
7- جودة الصيانه والتعامل مع المشكلات 70%
المشكلة اني موضوع الصفارة دة معملوش - دخلت العربيية 3 مرات وخرجت يقولي مس سامعين حاجة رغم ان المهندس الاستقبال قالي اه سامعها ومش عارف دي ايه :11:
وكل ما يدخل يخرج ويقولي الصوت بيختفي جوه ومش عارفين يسمعوه - المهم عشان المكان زحمة وانا كنت قرفت قولتلهم خلا ابقي اجي يوم تاني وخلاص - واتاكدت ان روكسي ممكن يعملها
وسالت كذا فني ومهندس جوه وقالولي ان روكسي اتغير الطقم بتاعه وبقي كويس وقولت اجرب :)
خالد فاروق كان موجود لكن انا مكلمتوش الصراحة ومحتولتش اقابلة ( قولت اخلية للتقيلة )
حالة العربيات بعد الصيانه
1 نظافة زفتتتتتتتتتت
2- صوت المواتير هدي جدا جدا جدا
3- السحب في الهاي لاين ( عربيه اختي ) بقي مرعب والفرامل كمان - لكن عربيتي مش حاسس بفرق
4- استهلاك البنزين في ال sx عنجي كان هبل ( الفول تانك 385 كم :( بمعدل استهلاك 12-14 لتر لكل 100 كم ) ودة كان عالي - بصراحه قل عندي جدا واول مرة اشوف رقم معدل استهلاك في عربيتي 9.5 كان بعد مخلصوها - لكن لما فولت لقيت بردو الاجمالي 392 كم للفول تانك
5- العفشة اختلفت تمااااااااااااااماااااااا ااااااااااااااااااا عندي انا كنت ماشي بعربية نقل مش ملاكي :(
الدب والتخبيط والتنطيت اختفي فجاة - هههههههههه
الاجمالي - العربيات تحسنت جدا لكن بردو مش زي ما كنت عايز
6- الفرامل زي ما هيا لا اختلاف - ماكانش عندي مشكلة فيها لكن حاسس انها بتقف ابطاء ممكن عشان العربية فاقت وبقت تجري اكتر - هههههههههههههههههه
وصباحكم فل وانا جاهز لاي استفسار نسيت اقولة :)