متجوز ؟ يا ترى مراتك و ضرتها ( عربيتك ) علاقتهم شكلها ايه ؟

**medo2o1o** · 23-07-2010 12:51 PM

والدى الله يرحمه كان اكتر واحد شفته بيستهلك عربيات و لأ عربيات تقيله و ليها وزنها تطلع من تحت ايده عايزة عربية عشان تمشى
الكلام ده فى الامارات العربية مابتبعش اقل من كم 800000
المهم امى كانت بتقول عليه متجوز العربية و بيفسحها و مابيفسحنيش
و سمت العربية البى ام عربية بى هم من كتر ما كان ابويا بيصرف عليها
و لما طلبت انه يعلمها السواقة قلها مش فااضى قعدت شهر تدعى على العربية البى هم انها تتدغدغ و الحمدلله و قد كان بس الحمدلله ابويا طلع سليم
فعلا امى و العربية ضراير

**Evo** · 23-07-2010 02:06 PM

واحد صاحبي كان عنده المشكلة دي وكل مايعمل حاجة للعربية مراته تعملها قصة

لحد ما اداها العربية وجاب هو عربية تانية

الوضع تحول 180 درجة واصبح نص كلامها عن حبها '' لعربيتها '' وإنها عاوزة تجيب اكسسوارات كذا وستيكر كذا ودبدوب كذا ومعطرات غاليةوإنها بتموت في العربية دي و..و ..و ...... '' سبحان الله ''

**omaroof** · 23-07-2010 02:24 PM

مراتك على حسب ماتعودها
انا لما اتجوزنا مكانتش تعرف اى حاجه عن العربيات غير الادا
دلوقتى من كتر اهتمامى بالعربيات وماركاتها بقت عرفه كلا الموديلات وكام سى سى واسعارها كمان من اول الاكس 6 والموستينج والجاكوار الى ال128
دا هى كمان اللى بتختار اكسسوارات العربيه

**ahmed88hassan** · 23-07-2010 03:48 PM

والله موضوع جامدا يا مان ومستمتع ونا بقرأ كل الردود
بس انا مليش رد في الموضوع
عشان بعت العربية
مع العلم اني مش متجوز اساسا !

**amro1965** · 24-07-2010 09:48 AM

طبعا فى فرق بين سيارتك ومراتك
مبتعملش حساب وانتى بتطلع على العربية عكس وانتى بتطلع لمراتك وانا شايف ان ده سبب العداوة بين الاثنين
رغم ان السيارة بتعين الزوجه
وعجبى

**mahmoud5777** · 24-07-2010 11:08 AM

العلاقة مبين مراتى والعربية علاقه ملهاش حل مراتى تبوز فورا العربية تبوظ وبحس بنوع من الشماته لما العربية تبوظ !!!!
ده غير الحجات اللى ممكن هى تعملها يعنى مرة اتخانقنا نزلت رزعت الباب راح مفتوح تانى وكانت الساعة 11 باليل حفيت على سمكرى علشان يصلح الكالون
ومرة تانى نزلت اشترى حجات طبعا كانت موش موافقة عليها رجعت لقيت العربية مبطله وهى قاعدة مبتسمة والكونتاك مفتوح طبعا جابت اجل الابلاتين ومش فاهم ليه بتعمل كده مع ان العربية لما بتبوظ بنتدحوس انا وهيه موش انا لوحدى

**AmatoALLAH** · 24-07-2010 06:40 PM

المشاركة الأصلية كتبت بواسطة mahmoud5777

العلاقة مبين مراتى والعربية علاقه ملهاش حل مراتى تبوز فورا العربية تبوظ وبحس بنوع من الشماته لما العربية تبوظ !!!!
ده غير الحجات اللى ممكن هى تعملها يعنى مرة اتخانقنا نزلت رزعت الباب راح مفتوح تانى وكانت الساعة 11 باليل حفيت على سمكرى علشان يصلح الكالون
ومرة تانى نزلت اشترى حجات طبعا كانت موش موافقة عليها رجعت لقيت العربية مبطله وهى قاعدة مبتسمة والكونتاك مفتوح طبعا جابت اجل الابلاتين ومش فاهم ليه بتعمل كده مع ان العربية لما بتبوظ بنتدحوس انا وهيه موش انا لوحدى

لا كده مرات حضرتك فيها حاجه لله :)

**human** · 24-07-2010 07:25 PM

the solution is one go and one stays...
or as mahmod abd el aziz said
"فيكم واحد طابب"

**MaZaGAngeE** · 24-07-2010 07:37 PM

المشاركة الأصلية كتبت بواسطة human12

the solution is one go and one stays...
Or as mahmod abd el aziz said
"فيكم واحد طابب"

المصيبة انهم يتفقوا عليك و تطب انت

الموضوع: متجوز ؟ يا ترى مراتك و ضرتها ( عربيتك ) علاقتهم شكلها ايه ؟

LinkBack

أدوات الموضوع

عرض

-

-

-

-

-

-

-

المواضيع المتشابهه

تتجوزي واحد متجوز ؟

عاوز تفسير للكلام ده شمعني ظباط الجيش والشرطة والنيابة وايه علاقتهم بسيارات المعاقين

تعديل جنوط النيو سيراتو بالكاربون و تغيير شكلها قول رايك(سلسلة عدل عربيتك بنفسك).

ما هى .... عربيه احلامك.....عربيتك الحاليه... عربيه نفسك تشتريها...عربيه تحب شكلها ؟

عايز توطي عربيتك و تبقى شكلها رياضي ؟ مجانا بدون قص ولا سوست و لا لعب في اي حاجة !

الكلمات الدلالية لهذا الموضوع

المفضلات

المفضلات

ضوابط المشاركة