يا جمااااااااعه الخيير
العداد والله ما بقه مقياس اصلااااااااا
يعني الراجل ده ممكن يخلي ال 340 الف كيلو دي مثلا 140 الف وهتاخد العربيه وانت مكييف اوي
اهم حاجه فعلا حاله الموتور وصوته وعزمه عامل ايه
عرض للطباعة
يا جمااااااااعه الخيير
العداد والله ما بقه مقياس اصلااااااااا
يعني الراجل ده ممكن يخلي ال 340 الف كيلو دي مثلا 140 الف وهتاخد العربيه وانت مكييف اوي
اهم حاجه فعلا حاله الموتور وصوته وعزمه عامل ايه
انا روحت النهارده غيرت زيت الفتيس
حطيت ايسو 5 كيلو 5 × 19 = 95 جنيه
الموبيل كان الكيلو بحاجة و30
وقلبت العربيه بنزين 80 زي الفل عشان هو دة الصح حرام افول كل 400 كيلو ب70 جنيه
لسه عاوز اغير السماعات الاماميه بتاعت الابواب محدش غيرهم قبل كدة وحط حاجة نضيفه ؟
اوووووووووووووووووووووووو وووول مرة اسمع 53 في مكوة بصراحة:majd(4): . مادام اشتريت يبقي مبروك عليك وربنا يديك خيرها ويكفيك شرها. قولنا عاملة معاك ايه من ناحية السحب والركوبة عموما.
الله يبارك فيك بس انا عاوز اقولك ان الى اشتريت منه العربية المكوه دا واحد قريب جدا مننا ومش فارقة معاه الفلوس ولما روحنا نتمنها واحد كان هيدفعله 60 الف بس هو عمل حساب المودة الى بينا دا غير ان لسه هنقل ملكية وكدا وانا كمان مكشفتش عليها بناء على كلام ثقة من اصحابها ولا طلبت شهادة مخالفات ولا اى حاجة .
وبالنسة للعربية ماشاء الله انا مش عشاق الانسر لثباتها بعد تجربة طبعا وكمان لوسع الصالون وانا بحب التابلوة بتاعها من غير نقاش وبالنسبة للسحب هى المشكلة انها 1300 سى سى بالاضافة لانها اتوماتيك بس سحبها حلو بردو مش وحش .
وبالنسبة للبينزين انا بحط لحد دلوقتى 92 لان صاحبها كان بيفولها 92 وماشية الحمد لله كويس وربنا يستر .
يا شباب
انا بدور على عربية مكوة نظيفة
لو حد عربية بيبيعها او يعرف حد بيبيع يا ريت يبعتلي على الخاص
هو mr vambire اتوقف ليه يا جمااااااااعه؟؟
السلام عليكم
انا جديد هنا فى المنتدى كان عندى مكواه 2001 وبعتها من شهرين ومحتار بين الشارك والبوما المهم
المكواة بصراحه عربية ركوبه صالون واسع وجميل وهيا عربية شيك كنت دايما اشوفها اشيك من البوما وهى عربية مبتصرفش ربنا يبارك لكم فيها العربية دى بايعها وعدادها عامل 400000 كم كنت بطلع على الدولى كتير لينا ارض هناك العربية دى ثابته قوى وكنت بوصل لـ170 كم على الدولى اقتصادية فى البنزين واخلط 80 مع 90 مفيش مشكله وحط 80 بس مفيش مشكله بس ظبط رجلك وتوقيت النقله والا هتفضحك وهى بتكركر بصراحه مجربتش اظبط كهربتها على 80 وعمرى ما ودتها لميكانيكى هو بتاع الزيت والعفشة والكهربائى بصراحه احسن عربية ركبتها. مع حمايا لانوس 2 مش زيها خالص متتقارنش وركبت نيسان صنى 2009 وهى زيرو مع ابن خالى معجبتنيش زى المكواه انا بغير بس عشان لقيت برومه بدأت تمسك فيها من فوق الفجاوى وفى السقف من عند الازاز ساعة اما شوفت السقف وانا بغير الازاز زعلت من العربية وقررت البيع
انا مظبطتش كهربا انا حطيت 80 وش وريحت دماغي
انا رحت مركز الصفا ولاقيت الجهاز بيقول ان ظبطتها مظبوطة المهندس هناك قالي العربيات دي كانت بتجيلي زيرو تشتكي من استهلاك البنزين فقلت خلاص 80 حلال عليها
وظبطت انا الكرباتير بايديا وفي فرق شاسع شوية حتي مع 80 وهي مش موضوع صعب اوي بس محتاج تركيز وفرقت في السحب معايا كتير اوي
موضوع الرجرجه وهي بتبطل دي مبحسهاش اوي خلي بالك المهم انك تطفي كل حاجه في العربيه قبل ماتقفل الكونتاك يعني اقفل الانوار والكاسيت وهتلاقي في فرق
صحيح عندي ونة بتظهر كدة لما بلمس رجلي علي الدواسة والار بي ام يكون كحد اقصي 2000 وبعد كدة بتختفي انا معرفش ليه بقالي فترة متاكد انها بلية الكاتينة او حاجة زي كدة لان الصوت خشن فحد غيرها قبل كدة او عنده معلومة ؟؟
انا غيرت بوجيهات - فلتر هوا - سيور - زيت فتيس اوتوماتيك - زيت باور
يارب يا فامب ترجع بالسلامة ومعرفش شوتر مختفي فين...
وبعد اذنكم صحصحوا الموضوع شوية عايزين نروق عربياتنا
انا بصراحة اخاف احطلها 80 مع انها بتستهلك بنزين كتير جدى يعنى بتاع 160 كم فى الصفيحة
معلومة ع السريع كده
إلي عاوز يركب فوجات للمكوة
يجيب فنوسين شبورة بتوع العربية الــ D-Max
المستطيلة ...مش المدورة
دي بتركب في المكوة عادي...وسعرهم في الأقاليم مابين 75-90 جنيه للإتنين
أنا مستني أنزل التوفيقية أجيبهم من هناك أرخص..مع شوية حاجات تانية
نفس المقاس يااحمد متأكد ؟؟ عشان ميطلعش شكلهم بايخ
بالمناسبة انا سألت علي فلتر هوا سبور زي الي في الصورة دة ونوعه سيموتا بالتركيب ب250
عند محمد عثمان (محل جو)
http://sphotos.ak.fbcdn.net/hphotos-..._8097502_n.jpg
اولا شكرا لكل اللي سال عليا وانا موقوف وظبطني عيش وحلاوة واللي مظبطنيش عارفه بالاسم.
ثانيا انا اتوقف لمخالفة القاعدة 8 اللي بتقول الاعتراض علي قرارات المشرفين ( كل اللي قولته ياعم المشرف مسحت الكلام لييييييييييه ماكنت تسيبه نقراه وبعدها توقف العضو ) والموضوع اصلا كله هزار وتهريج واحمد فارما عارف طبعا الموضوع بيتكلم عن ايه. ثانيا لمخالفة قاعدة مش منطبقة عليا انا خااااااالص بس انا مش هسكت هستانف بس الادارة عملت زي شكاوي التليفونات ادفع وبعدين اتظلم.
يبقي انتا اللي خرطت عليا يادكتور وانا اقول الرزق جايلي منيييييييييييين اتاريك موجود ومنور.
لالالالالالالالالالالا يازورو متظلمنيش اموت انا قبل مااشوف النظرة ده في عنيك ليا:ma: وعلي فكرة الموضوع مش زي ماانتا فاكر خاااااااااااااااااالص ههههههههههه انا لو مشرف اوقفك عشان الظن السيء ده.
كدة انا عرفت المكوات اللي مركبة فوجات مستطيلة جيباهم منييييييييييييييين ياولاد اللذين:shyy: بس علي فكرة يافارما في اختراع احسن وهو اغلي شوية بس نتيجة احسن. فوجات لانوس 2 تركب عليها بس محتاجة تتظبط وعلي فكرة راكبين عندي وحلوين وناس كتير بتوقفني وتسالني. وكمان ناس كتير بمكوة مركبين المستطيلة وعايزين يغيروها. ولما سالته وده جايبها منين بيقولي لاء ده بتاعتها نازلة تاني اشوفك تاني بس وانا هشردك:unhappy:
هو الموتور ده ياجماعة مخلوف او معكوس ولا انا اللي بيتهيالي:majd(2):. عموما الفلتر ده جامد او وشكله روعة بس ياسلام لو كان فالناحية التانية بدل ماياخد هو سخن من ادام المروحة كدة. مفيش حد عندكو فالزقازيق بيبيعو ياهيثم؟؟؟؟ بدل مانروح قاهرة وحوار وهو صوت بس ولا بيحسن اداء كمان. والفلتر نفسه بينضف بالهوا ولا جواه حاجة بتتغير مع الوقت؟؟؟؟ معلش كنت موقوف بقي وعايز اتكلم كتير فجت فيك:satelite:
بصراحه انا كنت بلف ولقيت الصورة فشدني فكرة الفلتر لان الواحد هيحتاج نفس الوضع لو هيركب فلتر سبور فقلت ابعت الصورة لحد واساله تتكلف كام عشان مش الف حوالين نفسي
بصراحة بفكر فيه واركب علبة شكمان بس طلعلي حاليا حوار المساعدين قارفني موووووت معرفش مرة واحدة خربوا كدة
حد يعرف تمن المساعدين كام ؟؟ وانا بفكر اسيبهم لحد ماابقي اجيب عفشه 1600 بتاعت البومة كاملة وخلاص لاني حاسس الجنط ال15 هيجيب العفشه دايما ورا ..... ومكتوب علي الباب مقاسات الكاوتش كلها لجنط 14 بس
الي مركبين جنط 15 وكاوتش عريض يقولولي ايه الحياه معاهم
الفلتر هيدخل هوا اكتر وكمان بارد لانك هتوجهه لاي حته تجيب هوا بارد فطبيعي الاداء هيكون احسن شوية لكن مش هيزود عدد احصنه وخرافات علمية يعني وهو بيتركب فى القاهره انا عندي معرفش حد بصراحه وبسترخم مشوار القاهره ده جدا في جميع الاحوال....
نفسي اغير الشبكة الرزله دي بس مش عارف اعمل ايه بالظبط وفين وهتتكلف كام بس شكلها بششششع مبحبوش
وفرش الارضيه بيتكلف كام للي عمله عنده ؟؟ والصورة الي في توقيع فارما دي انت راشش الصالون ابيض ولا عامل ايه بالظبط
فامب شوتر فارما زورو ابعتولي ماسنجرات يارجالة بدل ماانا بتوه فيكم والمكم من وسط المواضيع كسفتونا اشي بتاع مخدرات والتاني بقميص احمر عشان انا غالبا بتابع المواضيع المشترك فيها بس
المساعدين الأمامي بتوع المكوة من التوفيقية بـــ 650 جنيه
والخلفي بــ 400 جنيه
............
وبقولك ياهيثم
ركب شبكة الــ2003 ..شكلها أحلى كتيرررررررر من الــ2001
وبالنسبة للعفشة ...أنا عفشتي ناشفة شويتين
بس أنا أساسا عفشتي تعبانة علشان الطرق الزبالة إلي بمشي فيها
أنا مركب 205/50/15
وإن شاء الله هغير الكاوتش قريب ...وهركب جي تي
وأنفخهم نيتروجين....الكل بيقول إنه بيريح العفشة
انا مودود اهو يا باشا
ahmedmonir@hotmail.com
وده المسينجر بتاعي
انا موجود اهو يا باشا
ahmedmonir@hotmail.com
وده المسينجر بتاعي
إيه الحلاوة دي
مرة بالعربي .. والتانية بالصعيدي
ههههههههههههههههه
a7med_pharma@yahooooooooooooooo
ahmed_els3edy@yahoo.com
ماتظبطو ياشباب تجمع تاني مش لازم يعني في رمضان ونفطر عادي خروجة سوا ونعد في كافيه المهم نتجمع بس. انا زعلت اوي اني معرفتش اظبط معاكو فالمقابلة بتاعة رمضان.
بصوا يارجالة
معروض عليا أدخل الموتور بتاعي في موتور 1600 اوتوماتيك .من عربية 2009
إستيراد طبعا
وأدفع فرق 4000 جنيه
حاسس إن السعر عالي..
حد عنده رأي في الموضوع ده؟؟؟
اعتقد كتير اوي وكمان هيبقي في تعديلات كتيرة فالعربية ( لو عربيتك مانوال). لو عايز تسقط شوف حاجة استيراد طالعة من مكوة استيراد متقطعة متهيالي هتبقي انسب وافضل.
لا فيه مكوة 1600 و 1800 و 2400 بس وارد امريكا لو سالت عند بتوع الاستيراد هتلاقي كتير بالفتيس وبالعفشة كاملة.
من ناحية تانية متهيالي هتلعب فالعربية جامد كدة هتقلل سعرها لو فكرت تبيع فبيع واشتري بومة 1600 اوتوماتيك بقي ( علي الاقل هتبقي اوتوماتيك اورينجال )بدل ماتجيب وميكانيكي يعك ويشيل ويحط. الا بقي لو انتا مصمم عالتمسك بالمكوة كشكل وعايز تحسن الاداء ومبتفكرش في بيع.
التسقيط اليومين معتش مشكله زي زماان
وبصراحه المكوه عربيه شرسه اوي وشكلها شد من البومه لما بتتظبط بس الفرق كبير ياعم احمد اعتقد
لف لفه برده لو ناوي يعني انزل الحرفيين شف وانزل بورسعيد برده فوكك من بتوع الاقاليم بيغلوا في كل حاجه عشان المعروض قليل فكل محل بيضرب سعر مع نفسه
تصدقوا انها في الشد بتبقي جميلة اوي
والله بشد بيها جامد جدا جدا ومش بتقولي لا
في يوم كنت انا وابن عمي طالعين علي طريق المحلة الكبري وشدينا سوا هو معاه اوبل فيكتر 2000 سي سي اوتوماتيك وانا بالمكواة 2003 اوتوماتيك لعبت جامد معاه بس لما الطريق اتفتح يدوبك كنت شايف الفوانيس بتاعته
بس ده خلاني متمسك بها وبثباتها وسرعتها الممتازة وتجميعها الفوق الفظيع ولا كأنها اوتوماتيك
السعر ده بالمكنة كامله بفتيسها الاوتوماتيك 1600 ولا لا ؟؟
انا سالت عادل وجدي قالي نفس السعر بس متكلمتش معاه في تفاصيل والسعر دة شامل التركيب بس معرفش هي نفس المكنة ولا لا
ياريت تقولي التفاصيل يااحمد عشان انا برضه نفسي اركب المكنة ال1600 بتاعت البومة بفتيسها عندي ومكنتي سليمة عامله 100 الف بس انا مليش خلق علي 1300 خالص بجد ولا الكرباتير والخرف دة
أنا كنت عند الكهربائي بتاع شريف bmya
وكان بيقولي إن واحد من زباينه كان مسقط 1600 اوتومايتك للمكوة
ودخل الموتور القديم في الجديد .. ودفع فرق 4000 جنيه
بس الموتور القديم بتاعه كان مهلوووووووك
وأنا الموتور بتاعي كويس
فأنا مستغلي الموضوع ده بصراحة ...
أول فرصة هنزل الحرفيين ..هشوف الحوار ده عامل كام هناك
انا موتوري كويس برضه وعامل 100 الف كيلو
بس بأمانة العربيه مغرية نفسي في شد احلي من كدة فعشان كدة مهتم في موضوع المكنة دة عشان اعمل حسابي واظبط عشان اتوكل علي الله فيها خصوصا لسه في موضوع عفشه متنساش وبأمانة لو في abs يبقي خربت
بس ربنا يسترها في خراب الجيوب
بمناسبة خراب الجيوب انا حطيت زيت فيسيكو 2000 المرادى قلت اجرب والتجربة حتي الان عســـل
الجركن بتغيير الزيت ب76 تقريبا وهنا بيقولوا بيقعد 10 الالاف كيلو والراجل قال 3000 وعموما انا كدة كدة من قبل مايوصل 3 هتابعه لحد مااعرف اخره كام وفي جميع الاحوال لو هيقدر يصمد ل5 يبقي جامد
وتوبة اني احط موبيل اكس نيله دة لانه فعلا بيشحرر المكنة من بعد اول الف زي مايكون ماشي عليها الف زيادة و105 كتير عليه بجد
كويس أوي أنكوا فتحتوا موضوع الزيت
زي ماهيثم قال ..105 جنيه+الدخان
كتير عليه...وأنا حاسس فعلا إنه بيسود بعد أول ألف كيلو
ولزوجته بتخف
جربو ا موبيل 1 بيتغير كل 10000 كيلو
وأداء كويس اوى