مش هشارك لأسبوع كامل ومش عارف هيعدى أزاى!!

**NoRmAl** · 22-07-2010 03:40 PM

السلام عليكم

أنا إن شاء الله هسافر بكره مرسى مطروح أصيف بقى :))
ومش هينفع أشارك من هناك علشان ببقى طول مأنا فى البيت على نايل موتورز
ولو رحت هناك قعدت على كمبيوتر هيروحونى تانى :))))
أنا مش عارف مش هشارك أزاى بجد لأنى مكنتش بنقطع عن المشاركه حتى وأنا فى عز الامتحانات وفى عز مشروعى
فهتوحشونى واحد واحد الاسبوع دا
وكيا كلها هتوحشنى
والحاجه الوحيده الى مش هتوحشنى الهجوم المستمر على السيراتو :))
إن شاء الله المفروض أرجع السبت الى بعد الجاى دا - إذا أراد ربنا -
فأستودعكم الله بقى وأشوفكم على خير بإذن الله
ومش هوصيكم على السيراتو بقى :))

**waleedelpiloot** · 22-07-2010 04:04 PM

هتوحشنااااااااا يا هندسة
بس بقى عشان هعيط :(((((((

**Atrees** · 22-07-2010 04:09 PM

هههههه حبيبي يا ابو نورمال - توصل بالسلامة واجازه سعيدة

هات معاك لب ابيض :) - هههههههههههههههه

**kono** · 22-07-2010 04:13 PM

تروح وتيجى بالسلامة يا باشا
هتوحشنا تعليقاتك ومواضيعك الجامدة

متنساش بقى تنزل البحر كل يوم :))))))))

**ابو ليلى** · 22-07-2010 04:17 PM

تروح وترجع بالف سلامة يا محمد وامشى بالراحه وانت مسافر

ومتخفش السيراتو فى ايد امينة (بس هى ترجع بيتها وتستهدى بالله كده )

انا عارف انك مش هتقدر وهتتصرف انت هتلف فى مطروح كلها على سايبر

خلى بالك من نفسك ومتلعبش الرمالة احسن تيجى فى عينك

هتوحشنى يا نورمال

**م. حاتم السباعي** · 22-07-2010 06:13 PM

لا لا لا
منقدرش علي كده ابدا
المنتدي كله هيضلم من غير مشاركة نورمال باشا
ارجو منك الاحتراس من السرعات علشان فيه رادارات كتير علي طريق مطروح و لا تستسلم لاستفزازات الشباب الخرع اللي رايح ضارب فامية حتي في مرايات الجانب وجالس بجانبة بنوتة عاملة دماغ برسيم واكيد مش هتحتاج تروح سايبر في مطروح اكيد هتلاقي واحد تحت الشمسية اللي جانبك علي البحر ماسك الابتوب بتاعة وتكتشف ان من اعضاء نايل موتورز الاوفياء وطبعا هتديلوا كتف وتنزلوا الميه وتدردش معانا مثل عوايدك و عموما ان غابت مداخلاتك عن المنتدي فأكيد روحك بترفرف حولينا (هههههههه) واحترس من الميه علشان ودانك ربنا يحفظك وترجع بألف سلامة
م.حاتم السباعي

**MaZaGAngeE** · 22-07-2010 07:11 PM

طيب ما تدخل المنتدى من الموبايل
انا بعمل كده في الخباثة
اصل ممنوع اقرب من الكمبيوتر في الاجازة

**Donzi** · 22-07-2010 07:20 PM

اجازة سعيدة ان شاء الله تروح و تيجي بالف سلامة ان شاء الله

و بعدين ممكن تبقى تزوغ منهم و تروح نت كافيه ولا حاجة تتطمن على المنتدى و على السيراتو حبيبتك

الموضوع: مش هشارك لأسبوع كامل ومش عارف هيعدى أزاى!!

LinkBack

أدوات الموضوع

عرض

مش هشارك لأسبوع كامل ومش عارف هيعدى أزاى!! - انشر الموضوع فى :

-

-

-

-

-

المواضيع المتشابهه

أنا مش عارف حأقدر أعيش بعد كده أزاى

لو حد هيعدى على التوفيقيه

مش هشارك فى المنتدى تانى

بعد عام كامل و 10 الاف كم مع الجين 2 و تقييم كامل

الكلمات الدلالية لهذا الموضوع

المفضلات

المفضلات

ضوابط المشاركة