أنا والتيجو والمصيف

**freeman207** · 23-07-2010 12:06 PM

ههههههههههههههههههههههههه ه حمد الله على سلامتك ياباشا صيف ساخن جدا من الرمل

**Ahmed_Ramadan** · 23-07-2010 12:22 PM

المشاركة الأصلية كتبت بواسطة Evo

رحم الله امريء عرف قدر نفسه

**max_ziro** · 23-07-2010 03:11 PM

ياباشا الحمد لله انك طلعت منها ب السلامة
لاكن انا عايز اعرف حضرتك حاجتين

اولا..
الاند كروزر و النيسان باترول دول احسن عربيتين فى الصحرا بلامنازع ف متحاولش انك تقلد اى حد معاة العربيتين دول ابلا ولا بقا شيروكى ولا اى حاجة
ثانيا..
الرمل لية سواقة معينة و لازم تكون متدرب عليها و لو حضرتك راكب هامر هتغرز بيها بردو لو حضرتك مش مدرب على السواقة فى الرملة
الاخوة العرب بياخدوا المارادونة و بيخشوا بيها ف قلب الصحرا ولاو بتغرز منهم ولا الهوا و دة عشان الصحرا ليها طريقة سواقة معينة و تعامل مختلف حالص عن الاسفلت ..

اما بخصوص التخميس على الرمل
ف لو حضرتك كنت اخدت بالك كنت هتلاقى الاخ العرباوى ابو لاند كروزر
مخلاش العجل يقف خالص لازم يكون كل العجل فى حالة دوران تام و مستمر
بحيش ان حضرتك تبقى عايم على الرملة مش ماشى فيها لا ماشى فوقيها
و الدفع الرباعى مهم جدا فى حاجة الدخول فى الرملة و لا غنى عنة و للاسف التيجو تفتقر النقطة دى و حتى الاخوة بتوع الشيروكى دول للاسف فاشلين فى التصرف على الرملة
و حتى فتيس العرز بيكون فية غيارات و لكل غيار استخدام
......................
هقول لحضرتك مثال
......................
انا لفترة من الفترات كان معايا سوسزوكى فيتارا 2000 سى سى 6 سلندر v
بجد العربية دى جبارة مش قوية لا دى جبارة و بجد فتيس الغرز بتعها رائع بس محتاج انك تفهمة يعنى مثلا كان فية غيار
2L
4L
,H قريبا مش متزكر صراحة قوى و
ال N
بجد العربية دى كنت بلعب بيها على رملة العجمى و اكيد حضرتك عارف رملة العجمى عاملة ازاى ..
مقصدش اقلل من التيجو ف كلامى خالص لانها عربية جميلة و ربنا يباركلك فيها
و و انا ف مطروح كانت التيجو دى عاملة زى الرز
ولا ال 128 ..

**egypt0777** · 23-07-2010 03:51 PM

المشاركة الأصلية كتبت بواسطة mohamedhfz

يا باشا معلش متزعلش مني . الجماعه العرباويه اللي كانوا معاك دول مش فاهمين حاجه و انا مستغرب من كده بصراحه
لأن اول ما تغرس العربيه المفروض متعافرش معاها و تنزل تهوي ال 4 فرد كاوتش لحد ما تلاقيهوم بدأوا يفرشوا علي الرمله و بعد كده العربيه هتتطلع معاك بسهوله و ممكن تدخل بيها لجوه كمان
دي مبادئ السواقه علي الرمله و يكون احسن لو العربيه 4*4 ساعتها ممكن تدخل مسافه اكتر لجوه

+1111111111111111111111111111

**Msoltan** · 23-07-2010 10:20 PM

والله انت دمك زي العسل

**etsh1413202** · 24-07-2010 12:12 PM

انت المفروض متزعلش نفسك ......... مش بتقول الشيروكي غرزت برده هي والنقل ......يبقى المكان فعلا مينفعش عربية تخش فيه

بلاش تفقد الثقه في عربيتك ... بس اهم حاجه تبقى عارف قدرتها

وربنا يباركلك فيها

**aboomarahmad** · 24-07-2010 12:53 PM

السلام عليكم:

متشكر لكل الردود الحلوة اللي علقت على الموضوع وخصوصا اللي بتوضح ازاي لو غرزت تاني لا قدر الله ازاي اعرف اتصرف(موضوع تهوية العجل)
لكن انا فعلا عارف كويس قوي قيمة التيجو وقدراتها وكل يوم بأعرف جديد عنها
الغلط كان مني انا اني غامرت بيها بالطريقة دي
أما بالنسبة للعضو اللي بيسأل عن استهلاكها كـ 2000 سي سي فالحمد لله جوة البلد بتعمل من 170 لـ190 كم/الصفيحة حسب درجات الزحام
وفي الطوالي وصلت معايا وانا سايق على 90 كم/ساعة وكان معايا والدتي وابني الصغير والشنطة مش مليانة وصلت ل270كم/الصفيحة (بدون تكييف)
بالنسبة للعضو اللي بينصح بعدم شراها فمعذرة انا مع الرأي اللي بيقول ان اللي جرب هو اللي يفيد اكتر في النصيحة دي
الحمدلله العربية لحد دلوقتي(8600كم) معايا كويسة...عيوب التقفيل الداخلي(التشطيب يعني) مش قاتلة بالنسبة لسعرها...موضوع التوكيل ممكن يتحل بطريقتين
اما تروح مراكز خدمة ابوغالي لأنه واخد موزع معتمد لأبوالفتوح ودول ناس محترمين
واما تروح ورشة ابو الفتوح اللي في جسر السويس...م.خالد غنيم...الحقيقة رحتلهم مرة واحدة بس و كانوا كويسين معايا
ياجماعة لازم نصارح نفسنا
انا واخد عربية بالنسبة لإمكانياتها وشكلها تعتبر بسعر رخيص جدا جنب مثيلاتها بالسوق المصري...عيوب التشطيب للأسف بسبب التقفيل المصري والحمد لله ان ده مش ممتد للعفشة ولا للموتور والفتيس(ربنا يستر)
الحقيقة لو كنتم شفتم الصيني منها في أوتوماك 2007 (على ما أفتكر او 2008)كانت افضل بكتير في التشطيب
يعني من الآخر مانضحكش على نفسنا
انا شاري عربية رخيصة وعارف امكانياتها وراضي بكدة..وربك هو الستار فيما وراء ذلك
و أي عربية تانية مهما كانت بيطلع فيها عيوب بس المجال والوقت لا يسمح بسرد كل ده..............والله اعلم

م.ياســـر

**deebo** · 25-07-2010 03:58 PM

يا جماعة الي اعرفة ان التيجو فى منها 2000 مانيوال دفع رباعي وانها خدت مركز متقدم السنة الي فاتتت فى الرالي

http://www.contactcars.com/News_ViewStory.asp?NewsID=2649

**Hegazio** · 26-07-2010 10:13 AM

و الله تجربة زي العسل
بس علي فكرة الموضوع محتاج خبرة رمل اكتر من العربية
انا نزلت في الرمل بتاع شاطئ النخيل بالميجان قبل كده..صحيح انا معرض كاوتشها بس اقل من التيجو
الفكرة من خبرتي المتواضعة في الموضوع ده انك تفضل علي الأول و ما تهديش عن عشرين و ما تخافش الرمل بيحس بخوفك
و فعلا التيجو 2000خدت مركز رابع في رالي مصر بس كانو محترفين و كانت 4*4 مش الاوتوماتيك