الموضوع: اسئلة واستفسارات عن التيدا

المشاركة الأصلية كتبت بواسطة ahmed.tv

استاذ بسام

بالنسبة الى موضوع السخونة اللى فى شنطة العربية

بص يا سيدى

اطلع اليومين دول وفى اى وقت وحتى فى جو شتا , ونجس المكان ده على اغلب العربيات , حتلاقى الجزء ده سخن ناررررر عشان تحت منه الشكمان على طولللللللل

انا جسيت الفرش بتاع الارضية بتاع الشنطة ورا من الناحية الشمال , ولقيتها دافية , ولما شلت الفرش لقيت الجزء ده سخن فعلا , بس ده طبيعى جداااااااااااااااااااااا ,

حتى فى السيراتو لما الناس قالوا عليه , بردوا بعتبره طبيعى , وطبيعى فى اى عربية
ولكن
الغير طبيعى ان تلاقى الكنسول , او الفتيس او الاماكن ده فيها مشاكل وسخنة , والحمد لله مفيش اى مشكلة من الحاجات دى عندنا ,مقارنة بالعربيات الاخرى

انت خالتنى اجس كل حتة فى العربية عشان جالى هسهس ههههههههههههههههههههه

اتمتع بالعربية , والله العربية مفيش مشكلة خالص من المشاكل العويصة , اللى تقلق ملاكها , واطمن جدااا , وحتى لو تلاحظ ملاك العربية , مش بيدخلوا عشان العربية مفيهاش مشكلة ,وكل فترةبيدخلوا يشقروا علينا وعشان كدا موضوعتنا قليلة

فاطمن خالص

هاهاها والله انا مش قصدي موضوع الهسهس ده بس انا مجرد بقول الملاحظات اللي بحسها في العربيه مش اكتر

انا عارف والله انها عربيه محترمه بس انا قولت احرك المسائل ونشوف اراء الناس وملاحظاتهم برضو

ومنها نعرف هل الملاحظات دي في كل العربيات ولا لا

طب خد الكام ملاحظه دول وقولي رايك:

1- في سخونه خفيفه من تحت الدريكسيون

2- الموكيت اللى في الارضيه اللي تحت السواق مش واصل للاخر يعني لو بصيت تحت دواسه البنزين والفرامل هتلاقي ان الموكيت مش للاخر وفي لباد لونه رمادي كده

3- في التكييف التاتش لما بفتح الزرار بتاع ادخال الهواء من خارج السيارة مش بلاقي هواء داخل خالص مش عارف ليه (اللي انا بعمله اني بدوس على الزرار واطفي اللمبه عشان الهواء يدخل من الخارج)

مستني التعليقات