الف شكر يا رجاله على الكلام الجامد ده
وهو كده فعلا المسائل اتحركت يا ابو حميد
بس بصراحه انتو هتخلوني خايف اسال على حاجه تاني عشان الهسهس
بس انتو ناس زي العسل بصراحه وعايزين نرتب مقابله عشان اتعرف عليكو كلكو
عرض للطباعة
الف شكر يا رجاله على الكلام الجامد ده
وهو كده فعلا المسائل اتحركت يا ابو حميد
بس بصراحه انتو هتخلوني خايف اسال على حاجه تاني عشان الهسهس
بس انتو ناس زي العسل بصراحه وعايزين نرتب مقابله عشان اتعرف عليكو كلكو
الله يخليك يا باشا يا اللي رافع معنوياتي
بس بجد انا عايز اقابلكم قريب عشان اقولوكوا على ملاحظاتي واسالتي عشان ما تبانش انها حسوكه هاهاها
اصل انا كتبت شويه حاجات كتير فوق بس بصراحه الناس قلقت مني عشان موسوس شويه ههههه
انا ان شاء الله هعمل صيانه الالف السبت الجاي عند السبع
يا ريت بقى نظبط مقبله بعد الصيانه عشان اتعرف عليكوا اولا وبعدين نشوف الاستفسارات عن العربيه
ان شاء الله ... انت بس ترجع بالسلامة من الصيانة و قلنا اية الاخبار ونرتب مقابلة....
تحت امرك وتحت امر الناس كلها واهلا بيك فى سرة نيسان
اعتقد ان مفيش افضل من كدا رفع معنويات , ارفع راسك وافتخر انك معاك عربية ممتازة جدا وترفع معنويات بلد
اسال زى ما انت عاوز
بس بلاش اسئلة بطريقة تخلى الناس تفهم غلط السؤال وتفتكر ان فى عيوب مالهاش اول من اخر لاننا فى بلد الاشاعات بتكبر فيها فى ثانية اللى يخليك ,
وبعدين انا زى ما قولتلك انا معايا العربية ومفيهاش مشكلة ولا حاجة واللى عايز يجرب احنا تحت امره ,والحمد لله اغلب ملاك التيدا اجمعوا ان العربية ممتازة جداااا والكل اشترك فى مميزات العربية وقولنا واجمعنا على كلام واحد برائ واحد وكلنا اجمعنا على عيوبها القليلة بردوا برئ واحد
وفعلا العربية تستاهل تمنها وان كان ممكن تتخفض شوية بس بردوا عربية تستحق كل تمن فيها بالامانة
وان شاء الله نشوفك على خير
وتقبل تحياتى
المهم يا استاذ بسام روح الصيانة واعمل صيانة الالف , وظبط امورك واتعرف على عربيتك هناك واسال على كل سؤال بيدور فى ذهنك لاى مهندس عشان ترتاح وتطمن انك راكب عربية محترمة , وماتورها ماتور محترم
يا جماعه انا عملت صيانه ال 1000 عند السبع والانطباع العام هو انه عادي جدا والمهندسين اللي هناك مش على خبرة عاليه قوي وخصوصا البنات بحس انهم موظفين اسقبال مش مهندسين عارفين العربيه كويس وده من كام سؤال سالتهم عن العربيه وكانت الاجابات لا تنم عن فهم كافي للعربيه
المهم اللي انا عايز اعرفه هل نوع الزيت ممكن ياثر على استهلاك البنزين لاني لاحظت ارتفاع في معدل الاستهلاك من ساعت ما خرجت من التوكيل وتقل شويه في العربيه يعني لازم ازود بنزين شويه عشان تمشي زي الاول
مع العلم اللي اتعمل جوة في الصيانه (رجلشه فرامل + زيت شل الترا + فلتر زيت ) وطبعا في حاجات قالولي انها ها تتعمل جوة زي التشييك على دورة التبريد والانوار وهواء العجل وطبعا ولا حاجه من دي اتعملت لاني كنت قاعد مراقب العربيه من ساعت ما دخلت لحد ما خرجت ولما سالت المشمهندسه اللي استلمت مني العربيه قالتلي لا مش ممكن لازم كل ده يتعمل طبعا وكيد اتعمل فعرفت من الرد انه كلام وخلاص فكبرت دماغي ومعلقتش
استاذ بسام مبروك صيانة ال1000 وعقبال صيانة المليون
بالنسبة الى تعليقك على الصيانة تعالى ونتناقش مع بعض فيها
انت دلوقتى روحت عملت صيانة الالف , وصيانة الالف دى بسيطة ومش بيتعمل فيها حاجات كتير عشان نقدر من خلالها حتى نحكم ونقول المهندسين دول مش عندهم خبره
ازاى معندهمش خبرة واغلب الناس اللى بتتعامل معاهم وبتروحلهم بتشكر فى شغلهم وخصوصا لو كان عندهم اى مشكلة عويصة , وازاى حكمت فى صيانة الالف على انهم معندهمش خبره ؟! فين المشكلة العويصة اللى فى صيانة الالف عندك تستدعى الى وجود خبره
مهندسين الاستقبال البنات , مهما كانت عندهم خبره مش حيكون زى مهندسين الورشة , فمفروض اذا كان عندك اى استفسار تطلب تقابل اى فنى من عندهم وتسال على اللى انت عايزه وتصر على كدا واكيد حيلبو طلبك
استهلاك البنزين بيتحسن بعد ال5000 حتلاقى ادائه اتظبط
واذا مكنتش راضى عن اداء السبع فى الصيانة المرة دى , روح واعمل صيانة فى موردن المرة الجاية
وساعتها حتعرف الفرق ,
فى مودرن حتقعد ولا حتشوف اى حاجة من اللى بتتعمل فى العربية خالصصصصصصصصص , ده غير فى ناس بتطلع احيانا بتذم فى شغلهم
فى السبع ناس عندهم ضمير جدا وبيراعوا ربنا فى شغلهم , وكل الناس عندهم خبرة كبيرة ده بيشتغلوا فى الباترول والارمادا والالتيما , مش حيعرفوا يشتغلوا فى التيدا ؟!!!!!!!!!!
هو بس صيانة الالف وال5000 والحاجات البسيطة دى مش محتاجة الى اى مجهود او مشكلة
وشغل التكيف وباذن الله حتلاقى كله تمام ومفيش مشاكل
وعقبال الصيانة المليون بالتيدا ومتغيرهاش ,ويكون بينكم عشرة كبيرة
اصل التيدا عشرية ومريحة جدا واللى بياخد عليها بتحبه وبيحبها جدا
وكل سنة وانت طيب ورمضان كريم
مبدأياً مع احترامى لأراء حضرتك فى هذا المركز
اولاً الف مبروك يااستاذ بسام على صيانة الالف
ثانياً مهندسين الاستقبال بيستلمو من حضرتك العربية ولو فى اى مشاكل قابلتها بيسجلوها عندهم وبيقومو بالإشراف على الفنيين والمتابعة المستمرة وتوجيههم واحسب حضرتك كده كام عربية تيدا بتروحلهم على مدار اليوم بل على مدار السنة ده لو كان اى واحد عادى بيشتغل مكانهم كان زمان حفظ العربية حته حته مابالك بأه ناس شغاله فى تخصصهم
ثانياً لو حضرتك رايح صيانة الالف او حتى المليون فيما فوق فى حاجات اساسية لازم بيشيكو عليها فى العربية زى الانوار وهواء العجل وتربيط العفشة وحاجات تانية ممكن يكونو عملوها وحضرتك ماخدتش بالك وممكن يكونو نسيو يعملوها لضغط الشغل
وبما ان حضرتك متابعهم لحظه بلحظة كان من المفروض تنزل وتنبههم وانا عن نفسى ساعات بعمل كده لو همه نسيو حاجه بانزل للمهندس واقولو وطبعاً قليل اما بينسو
ثالثاً عايز حضرتك تروح اى مركز صيانة تانى وتشوف الفرق فى كل حاجه هاتحس بقيمة مركز السبع من اول استقبالهم للعميل لغاية استلام العربية وانا عن نفسى جربت العوض قبل كده وقررت انى مش هاروح اى مركز تانى غير السبع
ده كفاية انك بتشوف العربية لحظة بلحظة وايه اللى بيتعمل فيها ده دليل على المصداقية والاهتمام بالعميل ده انا روحت قبل كده صيانة المرسيدس اللى فى الدقى يادوب تشوف عربيتك بالعافية من شباك صغير وممكن ماتشوفهاش اساساً
رابعاً ياريت تشوف تجاربى السابقة مع السبع من مواضيعى السابقة وهاتعرف مدى اهتمامهم وحرصهم لإرضائى وبفضل الله ثم مركز السبع حبيت عربيات نيسان كلها وبالأخص التيدا
بدون تحيز مركز السبع الافضل على الاطلاق وده كان كلامى من اول صيانة روحتلهم فيها وبفضل الله بقالى سنة ونص بتعامل معاهم مفيش احسن من كده ربنا يباركلهم