صيانة ال 102 و مودرن موتورز

**egypt0777** · 23-07-2010 01:03 AM

انتو عارفين احلى حاجة فى توكيل نيسان

ان الناس لما تشتكى من حاجة التوكيل علطول بيغيرها فى الموديلات اللى بعدها

زى موضوع المسعدين الرياضين -- لما كنت بشترى العربية فعلا الشاب بتاع الموزع اكد المعلومة ده ان كل المسعدين بقيت واحده يعنى مسعدين السوبر بقت هى هى مسعدين ال ex عشان الناس كانت بتشتكى من المسعدين بتاعت ال ex

ده على حد قوله

**WalidAdel** · 23-07-2010 01:20 AM

المشاركة الأصلية كتبت بواسطة largeman

100% علي سردك للموضوع و عايز اقولك ان المساعدين اصبحوا رياضية من موديل 2009 يعني مساعدينك المفروض انهم رياضية

انا 2008 ياباشا و عموما انا كده كده ان شاء الله ناوي اغيرهم للاصلي لحسن kyb دا فاشل اويو شكرا لمرور حضرتك

**dramir1** · 23-07-2010 02:50 AM

شكرا لردك الوافي
د. أمير

**WalidAdel** · 23-07-2010 07:19 PM

المشاركة الأصلية كتبت بواسطة eng:mohamed

تصدق والله يا وليد...إنت ليك وحشه فى هنا فى المنتدى؟؟
بس تغيب تغيب..وترجع بحاجه زي الفل...
الله يباركلك فى العربيه...
بس هل إنت روحت مودرن لغرض معين..يعني ليه فضلته على أي حاجه تانيه؟؟؟

ياباشا ربنا يخليك والله
لا انا روحت مودرن موتورز لغرض واحد بس اني هابقي قاعد لوحدي 6 ساعات فممكن ابقي اكلم حد من صحابي يجيلي يقعد معايا و كمان لو اتزنقت في فلوس و فعلا كلمت واحد صحبي جابلي سجاير و جالي قعد معايا لحد ماستلمت العربيه

**WalidAdel** · 23-07-2010 07:32 PM

المشاركة الأصلية كتبت بواسطة conc

معلش يا اخي انا بس مستغرب من حاجة انا بايع اللانوس ١٢٠ الف مغيرتش غير بارات الدركسيون ام ١٠٠ جنيه دي حتي الطنابير خرطهم مرة واحدة قبل ما ابيعها ده كله واللانوس الطيبة ماشية وزي الفل ازاى بقي الصني تتطلب ده كله بعد ١٠٠ الف حتي لو استعمال شاق هي العربية مع حضرتك من الزيرو بالنسبة للعفشة السبور هي فعلا بداوا يركبوها من بعد العربية ١٩٠٠٠

فعلا ياباشا دا صحيح بس انا بردوا كان معايا لانوس عملت بيها 145 الف بس خالي بالك بقي من حاجه اللانوس مكنتش بزود عن 140 بالكتير علشان العربيه ثباتها مش حلو لكن في الصني انا بمشي بيها 160 اقل حاجه و ممكن اوصل ل 180 لو ابويا مش قاعد جنبي

ففي فرق سرعه جامد
و بعدين اصلا اصلا البليه دي انا بسمعها من ساعة ماستلمت العربيه و محدش اقتنع انها بليه ولا في السبع ولا في مودرن موتورز لييه معرفش وانا زهقت من كتر المناهده معاهم علي انها بليه يمين فسكت قولت هيا كده كده لما صوتها يبتدي يعلا هابقي اغيرها و خلاص و مش هقعد اقرف نفسي في مناقشات معاهم علي الفاضي
هيا كان صوتها بيبان علي سرعه لما تاخد ملف شمال في صوت خفيف اوي و هيا بليه واحده لكن باقي البلي زي ماهو كويس و الطنابير طلعت كويسه والحمد لله
العربيه معايا من الزيرو اه
بالنسبه لاخر سؤال مش فاهم ايه 19000 دي