الموضوع: تغطية بطولة العالم لسباقات الفورمولا وان موسم 2010

الملخص الرسمي لموسم 2010 الرائع الصادر من ال FIA
Download Formula1.2010 Official Review DVDRip English torrent - torrentHound.com

المشاركة الأصلية كتبت بواسطة Moh.Abdelbaset

الملخص الرسمي لموسم 2010 الرائع الصادر من ال FIA
Download Formula1.2010 Official Review DVDRip English torrent - torrentHound.com

اللي هيحمل الرابط ، فولدر Extra's فيه ملفين فيديو ممكن مايشتغلوش هما
Onboard Camera Part 1
Onboard Camera Part 2

وده فيديو قمة الاحراج لألونسو في الحفل الختامي للموسم في موناكو
بس علشان هو تنح فبيضحك

[youtube]http://www.youtube.com/watch?v=pIpcsZDnvCs[/youtube]

كنت عايز أسئل سؤال للناس الل بتابع من زمان
شفت حوار لهاميلتون قبل سباق البرازيل
و في آخر الفيديو جابوا سيرة اللي عمله ألونسو مع هاميلتون في المجر 2007
عايز أسئل بأه ألونسو عمل كده ليه !!!!!!!!
الفيديو أه

[youtube]http://www.youtube.com/watch?v=ZISW-A2_ieM[/youtube]

ده فيديو بيلخص مشوار ألونسو في موسم 2010
[youtube]http://www.youtube.com/watch?v=MSzG4AyieK0[/youtube]

بص هو طبيعى يضحك علشان هو اللى اتعمل معاه واجب ومفيش مشكلة

الشئ المقزز فعلا هو ازاى يحصل استهزاء بفيليب ماسا بالشكل ده فى الحفلة هو ايه خلاص بقا ملطشة ، انا رأى فيليب ماسا اعادة تراجيدية لحياة روبينز باراكيللو ايام مايكل شوماخر من تانى

سواق كويس هيضيع طموحه وقدرته على الفوز بسبب الظلم اللى بيتعرض له

بعيدا عن قصة الاسبانى عملاق الكتكوت بتاع فيرارى ده ، ايه رأيكم فى قوانين الموسم الجديد

سريعا كدا وهبقى اشرحهم كل تعديل لوحده وتأثيره على مجرى البطولة من رأى كمان اسبوع كدا بس نتناقش فيهم الاول

طبعا اوامر الفرق بقت مسموحة اثناء السباق ، يعنى فى اى وقت لو الظروف تتطلب هتسمع كلمة عدى زميلك والسباق شغال عادى ويمكن السواق ومدير الفريق يمسكوا فى بعض على الراديو اون لاين :)

قانون الـ 107% راجع تانى السنة دى علشان الفرق الجديدة ، بإختصار هو قانون بيمنع اى عربية حققت وقت ابطأ من 107% من وقت العربية الاسرع فى التجارب التأهيلية الاولى من انها تكمل التجارب او تدخل السباق

يعنى لو العربية الاولى فى التجارب عملت 100 ثانية ، وفى عربيات ابطأ من 107 ثانية فى اللفة كل العربيات دى مش هتدخل السباق علشان متتسببش فى حوادث على الحلبة

الفكيك اللى حط القانون ده اساسا #%$%$&*^&% ، ما علينا

دلوقتى الستيورت اللى على التراك من حقه يرشح عقوبة لسواق للحكام ويتنظر فيها ويتوافق عليها لو هو بيتكلم صح ، طبعا بقا الموضوع مفتوح بين Drive through و time penalty أو وقت محدد يقفه فى البوكس بتاعه او توصل لحرمان من السباق التالى او اكتر من سباق

الغرامات المالية على الفرق خلال الموسم زاد الحد الاقصى ليها من 100 الف دولار الى 250 الف دولار


فى الايروديناميكس ، الحاجات اللى اتمنعت السنة دى هى الـ F-Duct والـ shark fins زى بتاعة رينو وفيرارى واى تصميم ايروديناميكى او اغطية على الجنوط منهم افتكاسة فيرارى المعدن بتاعه الجنوط دى بجانب الدبل ديفيوزر خلاص مفيش منه تانى والاجنحة الامامية المرنة زى اللى حصل عليها جدال فى الريد بول السنة دى والتصميم الايروديناميكى لمسارات الهواء اللى بتبقى على شكل V فى بوز العربية ( الحقيقة انا النقطة دى مش واضحالى قوى )

الناس زهقت :) ، اكيد مش كله ممنوع فى حاجات جديدة وصلت

الديفيوزر العادى اللى هينزل السنة دى ارتفاعه بقا بحد اقصى 125 ملم بدلا من 175 ملم علشان يقل الدون فورس بتاع العربيات شوية

الجناح الخلفى بقا مرن ، ودى فيها رغى شوية ، الجناح اولا الوساق هيعدل وضعيته من الدريكسيون عادى

بس بشروط ، اولا الجناح مش هيشتغل فى اول لفتين من السباق وهيبقى متاح من اللفة الثالثة

ثانيا الجناح مش هيشتغل غير لما يكون الفرق بين العربيتين ثانية او اقل لكن مش اكتر من كدا

ثالثا الجناح هيرجع للوضعية العادية بمجرد لمس رجل السواق للفرامل حرصا على سلامة السواقين فى الملفات بدل ما واحد يجى داخل الملف من غير داون فورس خالص ويورح مكمل فى الحيطة زى هيكى كوفلاينن من سنتين لما لبس الحيطة على 245 وكان هيروح فيها

طيب الجناح لم يتعدل هيعمل ايه ؟؟ ، نفس فكرة الـF-Duct هيمنع الدون فورس خالص فالعربية تزيد سرعتها بمقدار تقريبا 15 كم فاللى ورا يعرف يعمل التخطى بتاعه اسهل من الاول

الحكاية دى على فكرة لو تخيلتوا الاعطال فيها ممكن تعمل ايه ...... هيبقى السباقات تحفة :):):)

واخيرا بقا الكيرس راجع وهيبقى وحدة واحدة لكل الفرق محدش هيفتكس من دماغ امه حاجة ، ووزن العربية هيزيد من 620 ل 640 كجم والفرق بقا ممنوع تشتغل ما بين 12 بليل ل 6 الصبح فى العربية وده معناه ان لو حد خيش فى الكوليفينج يبقى باى باى للسباق علشان مش هيلحقوا يصلحوا العربية

ايه رأيكم ؟

بالنسبة لأوامر الفريق حتى لما كانت محظورة..الفيراري دفعت كام يعني 100 ألف..مبغ تافه يعني..و العقوبة لا تؤثر على النتيجة يبقى خلاص يسمحوا بيها و يريحوا دماغهم من اعتراض الفرق على استخدام أحد الفرق لأزامر الفريق.
بس هتبقى صباح الكوميديا زي ما قلت لو السواق رفض و مسك في مدير الفريق..هي برضه هترجع لطبيعة الفريق و السائقين..يمعنى إن ماعتقدش إن مثلاً هاميلتون أو باتون هيقبلوا أوامر الفريق..أو فيتيل و ويبر..إلا لو أحدهم ضايع في المنافسة فممكن يساعد زميله في الفريق..بس برضه مش بالع إن سائق.. المدير يقوله وسع لزميلك يقوم موسعله..انا شايف إنها هتتعمل بشياكة برضه..على الأقل علشان السائق ميبانش إن هو الثاني في الفريق و إنه ملطشة.

قانون ال107% هو ظاهره كويس..لأنه ممكن يحفز فرق المؤخرة إنهم يبذلوا أقصى ما عندهم ويطورا سياراتهم و يقلصوا الفارق بينهم وبين فرق القمة..على العموم هنشوف هيطبق إزاي و تأثيره ايه على الفرق في الموسم الجديد..هو ميزته إن مش هنشوف العلم الأزرق :))

العقوبات المالية شايف إنها بتتأثرش على الناس دي عادي يعني مش هتأثر بشكل كبير.

بالنسبة للستيورت..على موقع الفيا مش كاتبين إن الستيورت يرشح عقوبة لأ مكتوب :Stewards now have the power to impose a wider range of penalties
و نفس الصيغة موجودة برضه في المادة 16

يعني اللي أنا فاهمه إن الستيورت رأيه في فرض العقوبة رأي ملزم و ليس رأي استشاري.
بس حاسس إن فاهم غلط لأن الستيورت (طبقاً لتعرف الفيا) هو واحد من ثلاثة من كبار المسؤلين يعين في كل جائزة كبرى لاتخاذ القرارات
فأنا مش عارف الصراحة من المقصود بالستيورت..هل هو الحكم و لا مراقب السباق اللى على التراك.

نخش على الأيروديناميكس :)

الجناح الخلفي المرن بدل الجناح الأمامي المرن :)
الصراحة مش مستوعب لسة هيتنفذ إزاي في السباق
يعني سائق في المركز الأول بفارق أقل من ثانية عن سائق في المركز الثاني
و اللي في المركز الثاني بيحقق زمن أسرع من اللي في المركز الأول (زي ألونسو و فيتيل في ستغافورة)
فيتيل ببساطة في آخر لفة هيستخدم الجناح الخلفي و يعدي ألونسو..في حين إن ألونسو علشان في المركز الأول
غير مسموح ليه إنه يستخدم الجناح الخلفي علشان يعادل محاولات فيتيل لتخطيه.
في مقال حلو جداً على البي بي سي عن الموضوع ده BBC Sport - F1 - How new rules could change the championship

على العموم معظم الحاجات اللي اتمنعت اتحط بدالها حاجات تانية بتأدي نفس الوظيفة تقريباً في موسم 2011
ادينا مستنين هنشوف القوانين الجديدة هتطبق إزاي خلال السباقات اللي يارب تكون ممتعة أثر من السنة دي إن شاء الله (فيه 5 أبطال عالم السنة دي).

بس أنا كنت مستني تعديل قانون سيارة الأمان اللي مفروض يسمحه فيه تخطي سائقوا المقدمة لسائقي المؤخرة في وجود سيارة الامان.
علشان اللي حصل في سباق البرازيل السنة دي ما يحصلش تاني.