ايه رأيكو مبدئيا نبعت ايميل للشركه بالطلب ده ونشوف ردهم ولو فيه قبول نحدد موعد
عرض للطباعة
ايه رأيكو مبدئيا نبعت ايميل للشركه بالطلب ده ونشوف ردهم ولو فيه قبول نحدد موعد
مفيش اي جديد في الموضوع دة يا رجالة؟؟؟؟ عشان فكرة الclub هتبقى حلوة جدا"
شوف حضرتك هو انا مستنى لما اروح الصيانه و اكلمهم فى الموضوع ده بس هو ممكن احنا كمجموعه نكام شريف العالم فى الموضوع ده و فى اعتقادى هما يرحبوا بالموضوع ده اولا لانهم عارفين عقليه مالك رينو انه اكيد واحد مش ماشى مع القطيع بيقدر يتعامل مع التكنولوجيا بشكل افضل من غيره و بالتالى لازم يكون فى نوع من التواصل اكتر من مجرد صيانه و توكيل انما تبقى نوع من الثقافه و اسلوب حياه فى بلد معظم الناس فيه شايفه انه العربيات الفرنسى و خصوصا رينو عرايس ورق مش عربيات و كل ده سماعى حتى بدون تجربه و بالتالى فكره النادى هى نوع من انواعالدعايه الدائمه لرينو و طريقه كويسه لتواصل كل الملاك مش شرط بس الموجودين على نايل موتورز
طيب ما نحط اجنده واضحة لعمل الـ Owners Club علشان لما نكلم التوكيل ما يبقاش مجرد فكرة ملهاش ملامح و الموضوع يأخذ طابع الجدية
ممكن نحدد نقاط معينة للنقاش و ابداء الرأى ( وطبعا لو حد عاوز يزود بتفضل)
1- طبيعة القائمين و المشرفين على الـ Club هتكون من ملاك الرينو و لا من التوكيل ولا مكس.
2- أهداف الـ Club.
3- الفوائد العائده على المشتركين فى الـ Club.
4- مكان و مواعيد اللقاءت ثابت و لا كل مرة بظروفها.
5- طبيعة الأتصال بأعضاء الـ Club ( هتكون عن طريق المنتدي و لا هيكون فى طرق تاني)
مش عارف اجمع نقاط نتكلم فيها غير دول.
بسم الله نفتتح النقاش
معاكم ان شاء الله
اوك بالنسبه للنقط المطروحه
1- لازم يكون مكس لانه الغرض الاساسى مش الدعايه و بالتالى لو كان كله من التوكيل يبقى صوره تانيه من صور الدعايه و الاعلانات كافيه و بالتالى كملاك مفيش استفاده و لو كله ملاك يبقى زى المنتدى و مش مؤثر طبعا
2-الاهداف:
ا-تعريف الناس عموما انه فى عربيات كويسه بتطلع من بره المانيا عادى يعنى متمثله فى رينو و فى نفس الوقت دعايه غير مباشره
ب-تنظيم الملاك فى مناسبات كل فتره على الاقل مرتين فى السنه ( مواكب و مسابقات لاحسن عربيه رينو جديده او قديمه و الحكام من الملاك و التوكيل )
ج- امتيازات لاعضاء النادى و دى طبعا تحدد مع التوكيل
3- الفايده الاكبر للنادى هى تجميع كل الملاك فى كيان مرتبط بالتوكيل و يكون هو الواجهه الرسميه للماركه و خصوصا انه اغلب الناس بتحب تسمع من بعض لما تجى تشترى عربيات و قسم المقارنات يشهد على حاجات غريبه الناس بتقولها عن رينو لمجرد السمع و انا شايف انه لده فايده مباشره على رفع سعر اعاده بيع العربيه و بقترح انه كل العربيات اللى تكون فى النادى واجهه للنادى بمعنى انها تكون فى حاله ممتازه دايما بالنسبه للموديل و سنه الانتاج و دى ممكن تبقى مسؤليه التوكيل
4- نادى ملاك يعنى له مواعيد ثابته طول السنه و بيتم تحديدها مسبقا و اكيد برضه التوكيل له دور هنا
5- طبيعه الاتصال لازم تكون بره المنتدى لانه عددنا مهما كبر هو مش نسبه اصلا من ملاك رينو فى مصر و بالتالى الوسيله لازم تكون سايت رينو دىبرضه حاجه تتناقش مع التوكيل
اتمنى اكون وضحت الفكره ولو فى افكار تانيه ياريت كله يشارك