الموضوع: هاتشتري موبيال لابنك ولا لاء ؟؟؟

لما أخلف بعد عمر طويل ممكن أجيب لولادى موبايلات بس مش أبل الاعدادى
انا عن نفسى مشفتوش غير فى الثنوى

اعتقد هجيب له موبايل ، لكن فى ظل موضه السرقة اللى حان عايشين فيها هيبقى الموبايل من ابو تلات تعريفة ، اكيد يعنى مش هجيب له موبايل اغلى من اللى معايا (انا ولا فخر معايا موبايل نوكيا 1110 ابو 200 جنيه جديد وشاشة ابيض واسود )

على فكرة الموبايل دلوقتي اصبح من الضروريات وليس من الكماليات والناس دلوقتي بتبصلو على انه حاجة عادية حتى ولو كان مع طفل عمره 11 او 12 سنة ووجوده مع اولادك اكيد هايكون ليه فايدة كبيرة ولكن مش قبل اعدادي او لو حسيت ان ابنك عاقل ويقدر يحافظ عليه. طبعاً مش هاجيبلو عدة غالية لسببي اولاً علشان مايتمنظرشي بيها ويتنمى عنده الكبر والغرور ثانياً علشان مايكونشي مطمع لولاد الحرام وفي الحالتين اكون ضريته. هية عدة ب 40 -50 جنيه حلوة اوي. وبالنسبة للرصيد خليه هو يحوش من مصروفه ويشحن لو عايز يكلم اصحابه اهو على الاقل يكون حاسس انه بيعتمد على نفسه

بصوا أنا باشوف عيال في اعدادي (قرايبي) و معاهم موبايلات و لما باباهم يكلمهم أو مامتهم و هما برا في النادي و للا بيلعبوا بلاي استيشن , يقوموا يبصوا للتليفون بقرف و يعملوه سايلانت
و لما يروحوا يقولوا ماسمعتوش
------------------------------
و ساعات تيجي تقولوا كلم اختك شوفها فين او كلمني لما يحصل كذا تسمع الاسطمبة المعتادة (ممعيش رصيد) و يعيش على كلمني شكرا و لكن يقعد يكلم اصحابه في الفاضي و المليان (يجي جون يكلم صاحبه - تيجي المصارعة يكلم صاحبه - ييجي يخرج يكلم صاحبه) و ما يمنعش يدخل على النت لأي سبب تافه زيه و زي أهله

و انا باشوف كده اتنقط
و اقول لأبوه اللي هو زي أخويا الكبير : الموبايل ده مش للمرقعة الفارغة دي , طب هو لازمته الوحيييدة انك تطمن على البيه ننوس عين امه , اذا كان هوا بيفرطك كل فرطة و التانية , ما تاخد منه الزفت ده , حتى يتربى و يعرف فايدته .
يقوللي : و منظر الولد ادام اصحابه !!!!

منطق غير سوي بالمرة
بس فيه ولاد و بنات جدعان و الموبايل معاهم مفيد الف مرة و يمكن اكتر من معا الرجالة الكبار