'طريقه طلوع الكوبري وهو زحمه

**kashtoot** · 26-07-2010 10:15 AM

معلومات مفيدة جدا
وجزاكم الله خيرا

**م. عصام مهنى** · 26-07-2010 10:41 AM

المشاركة الأصلية كتبت بواسطة pro_samir

طريقة انك تشد اليد وتمور دي لو الوقفة هتطول ماشي ، لكن لو بتتحرك وتقف بالنظام المعتاد متر في متر مش هينفع خالص انك تشد اليد وتمور كل كام ثانية ،، ممكن تشدها من غير ما تمور لو خايف العربية تريح منك بعد ما تسيب الفرامل ولما تبتدي تتحرك ارفع اليد

تمام يا باشا
دى الكلام الصح

**rasim** · 26-07-2010 12:22 PM

السلام عليكم
طب ممكن اعرف الخلاصه من الردود
اصل فهمى على قدى ولسه جديد
اسف جدا

**Super_Star_h** · 28-07-2010 09:42 PM

طريقة انك تدوس دبرياج وبنزين فى وقت واحد بالتوازن
دى محتاجه سواق واخد على العربيه يعنى مستحيل مبتدء هيعرف يعملها
لان العربيه هتبطل منه وهيحتاس يدور ولا يوقف العربيه ولا يعمل ايه بضبط
ده غير ان الطريقه دى غلط
انت كده بتحمل على اسطوانه الدبرياج
احسن طريقه للمبتدء انه اما يقف فى مطلع .. يشد فرامل اليد فى نفس الوقت تبقى دايس دبرياج ومدى الغيار الاول ورجلك تبقى على البنزين عشان تستعد تطلع
اول ما السكه تفتح شيل رجلك من على الدبرياج واحده واحده وفى نفس الوقت دوس بنزين
هتلاقى العربيه بتترفع شويه يعنى هتحس انها عايزه تمشى ومش عارفه .. مخنوقه
فى ساعتها تقوم منزل فرامل اليد هتلاقيها مشيت .. وهكذا
على فكره اصعب شئ للى بيتعلم السواقه المطلعات والركنـــــات
ونصيحه حاول تتعلم الكلام ده فى مطلعات فاضيه تمامآ وتكون لوحدك فيها

**rasim** · 29-07-2010 01:29 AM

جزاك الله خيرا على هذه المعلومه
انا عندنا فى القطامية مطالع كتير هههههههههههه

**AmatoALLAH** · 25-08-2010 05:20 AM

المشاركة الأصلية كتبت بواسطة azmeralda

طب وطريقة المطالع اللى هى رجلك على الدبرياج والبنزين وبتوازن بينهم وانت مدى الأول عادي بحيث العربية تكاد تكون بتتحرك سنتيمتر لقدام ولورا

دي احسن طريقة بس عايزه تدريب و هتلاقيها بعد كده سهله جدا و بتعملها لا اراديا

انا في بداية سواقتي كنت اكتر شئ يرعبني مطلع الكوبري و هو زحمة

كنت بشد الهاند بريك و من رعبي رجليا علي الفرامل كمان :)

كل شئ بالتدريب بتعرفه