سؤال من مبتدئ في السواقه
عاوز اعرف خطواط طلوعي بالعربيه علي الكوبري لو كان زحمه
والطريق مقفول والعربيه مترجعش مني للخلف وشكراً مقدماً
عرض للطباعة
سؤال من مبتدئ في السواقه
عاوز اعرف خطواط طلوعي بالعربيه علي الكوبري لو كان زحمه
والطريق مقفول والعربيه مترجعش مني للخلف وشكراً مقدماً
لو مانيوال هتطلع عادى جدا لحد ما تلاقى الكوبرى وقف هتمور العربيه وتشد الهاند بريك
وياريت تتاكد انك بعد مشديتها العربيه وقفت لان ساعات الفرامل بتبقى مش شغاله
كدة انت وقفت
ربنا كرمك و الكوبرى مشى فى حلين لو انت متمرس فى السواقه هتنزل الهاند وهتنقل اولانى وتطلع من غير متريح على اللى وراك
لو لسه حركتك بطيئه هتخلى العربيه مرفوعه فرامل اليد بتاعتها وتدى الغيار واول متحس ان العربيه لقطت وبتتحرك نزل الهاند ومبروك عليك طلوع الكوبرى
ونصيحه لو مش متمرس متحاول تطلع كوبرى زحمه بالنهار علشان ميبقاش وراك عربيه غاليه وتخبطها ومتبقاش مشكله اتدرب بالليل او فى وقت مش زحمه
طب وطريقة المطالع اللى هى رجلك على الدبرياج والبنزين وبتوازن بينهم وانت مدى الأول عادي بحيث العربية تكاد تكون بتتحرك سنتيمتر لقدام ولورا
فيه طريقتين
الهاند بريك يتشد
اما هتطلع
تدوس دبرياج
تاخد غيار
تدوس فرامل عادية
تبتدى تشيل رجلك من الدبرياج سنة
لحد ما تحس ان العربية عايزة تتحرك
تشيل رجلك من الفرامل وتدوس بنزين وتنزل الهاند بيرك وتدوس بنزين سنة وتكمل طلوع
حاول تتدرب فى مكان فىه مطالع زى المقطم او حدائق الاهرام
صعب انك تعملها لو مبتدى ولو حصل وغلط العربيه هتبطل منك و هترتبك وهتريح على اللوراك علشان مش هتبق عارف تفرمل ولا تدورها تانى ولا تمورها ولا تعمل ايه بابلظبطاقتباس:
طب وطريقة المطالع اللى هى رجلك على الدبرياج والبنزين وبتوازن بينهم وانت مدى الأول عادي بحيث العربية تكاد تكون بتتحرك سنتيمتر لقدام ولورا
شكراً علي الرد والشرح الجميل ده
ممكن عادي لما تقف تدوس فرامل مع دبرياج علي الغيار الاول
و بعدين ترفع رجلك من علي الدبرياج سنة سنة لحد ماتلاقي العربية عايزة تتحرك لكن أنت موقفها بالفرامل و هاتحس برجرجة فخفيفة في الموتور
هاترفع رجلك من علي الفرامل هتلاقي العربية واقفة زي ماهيا علي المطلع
لو الطريق فتح هاتشيل رجلك من علي الدبرياج سنة سنة هتلاقي العربية أتحركت معاك لقدام مهما كان ميل المطلع من غير ماتتحرك سنة واحدة لورا
بس الموضوع ده عايز تدريب و أحساس بالعربية
مع خالص تحياتي
م/ سمير الشهاوي
مظبوط الكلام ده وأخويا كان بيعمل كده باللانسر البومه لغاية لما اسطوانة الدبرياج اتبهدلت وبقت تعمل اصوات غريبه وغيرها, الصوت راح بس مابقتش زي الاول والعربيه بقت ترج جامد. نصيحه ابعد عن موضوع البنزين والدبرياج وخليك في الاضمن انك تمور وتدي هاند بريك. وربنا معاك ان شاء الله في الزحمه ويحفظ عربيتك وعربية الي وراك :44:
وماتنساش برضو وانت طالع تخلى مسافة مناسبة بينك وبين العربية اللى قدامك بتاع متر مثلا عشان لو ريح فى الطلعة مايريحش عليك
روح منطقة هادية الاول
وقف العربية عند مطلع
شد الهاند
عشان تتحرك من غير مترجع لورا
دوس دبرياج وادى الاول وخليك دايس عليه
دوس بنزين شوية خفيفة حتلاقى صوت الموتور بيعلى معاك
ابتدى ارفع رجليك من على الدبرياج سنة سنة حتلاقى ان صوت الموتور ابتدى يهدى ولو استمريت على كده حتلاقى العربية ابتدت تترجرج وعاوزة تبطل
اول متلاقى صوت الموتور هدى نزل الهاند
اعمل الموضوع دا كتير لغاية محتلاقى نفسك تتعود تعملها بدون الاعتماد على صوت الموتور
لان فى اوقات الزحمة ممكن متسمعهوش
الطريقتين محتاجين تدريب كويس وتعود علي الدبرياج ودي أهم حاجة في بداية التعليم بشكل عام لازم رجلك تبقي حساسة عند نقطة الحركة بتاع الدبرياج
مع التمرين الكويس علي ارض مستوية الأول هتوصل لإنك تسيب الدبرياج مرة واحدة لحد النقطة بتاع بداية الحركة وبعد كدة تسيب تدريجي بالأضافة لأنك لازم تزود بنزين شوية مع بداية رفع الدبرياج ، وكونك اتعودت علي رفع الدبرياج سريعا العربية مش هتريح منك لورا ،، برضو مع مراعاة انك تزود بنزين قبل ما تسيب الدبرياج علشان متبطلش منك خصوصا في المطالع
طريقة انك تشد اليد وتمور دي لو الوقفة هتطول ماشي ، لكن لو بتتحرك وتقف بالنظام المعتاد متر في متر مش هينفع خالص انك تشد اليد وتمور كل كام ثانية ،، ممكن تشدها من غير ما تمور لو خايف العربية تريح منك بعد ما تسيب الفرامل ولما تبتدي تتحرك ارفع اليد
انت لما تتعود على العربيه هتحفظ روح الدبرياج بالمللى ان شاء الله.
لو الوقفة هاتطول يبقى طريقة الهاند بريك اما لو بتمشى سنة سنة يبقى دبرياش وبنزين بس شبعها بنزين علشان متطفيش و كله هايجى بالتعود اما بالنسبة للى وراك فى الغالب لو حس انك لسة بتتعلم هتلاقيه ساب مسافة وملزقش فيك اما اللى قدامك فده واجبك انت علشان تسيب مسافة بينك وبينه ده غير انك متبدأش حركة أول مالطريق يمشى استنى ثانيتين علشان يبقى فيه كام متر تعرف تتصرف فيهم من فرملة وشد الهاند والتموير لما الطريق يقف تانى
وربنا يستر عليك :b4_048:
السلام عليكم
طب ممكن اعرف الخلاصه ايه اصل بجد اناتهت فى الردود
وطب الرجوع الى الخلف فى واحد صحبى الذى علمنى يعنى (انا لسه بتعلم سواقة) قالى ابقى كتف العربية بالدبرياج وانت بترجع اى متشلش رجلك من على الدبرياج وانت ضاغط كمان على البنزين هل هذا برده بيوظ اسطوانة الدبرياج
أنا كنت بعانى من الحكاية دى اول ما اتعلمت السواقة لكن بفضل الله عرفت اتدرب عليها على المطالع اللى موجودة فى هضبة الأهرام لأنى من سكان المكان وكنت بنزل بالليل واتدرب على الحكاية دىوربنا يكرمك وتتعلم بسرعة
في المسافة القصيرة مفيش مشكلة (ركنة مثلاً) و الأصل انك بتعمل كده عشان تقلل من سرعة اندفاع العربية فتعرف تتحكم فيها اكتر لأن بطبيعة الحال التحكم في الرجوع للخلف اصعب من التحكم في التحرك للأمام وانت حتلاقي نفسك بتعمل كده بشكل تلقائي ...ودي خدها قاعدة عامة "كل ما زادت سرعة العربية كل ما قلت قدرتك علي التحكم فيها " وده السبب في تقليل السرعة في الملفات,المرور بين سيارتين,الركنة.....الخ
جزاكم الله خيرا
معلومات مفيدة جدا
وجزاكم الله خيرا
السلام عليكم
طب ممكن اعرف الخلاصه من الردود
اصل فهمى على قدى ولسه جديد
اسف جدا
طريقة انك تدوس دبرياج وبنزين فى وقت واحد بالتوازن
دى محتاجه سواق واخد على العربيه يعنى مستحيل مبتدء هيعرف يعملها
لان العربيه هتبطل منه وهيحتاس يدور ولا يوقف العربيه ولا يعمل ايه بضبط
ده غير ان الطريقه دى غلط
انت كده بتحمل على اسطوانه الدبرياج
احسن طريقه للمبتدء انه اما يقف فى مطلع .. يشد فرامل اليد فى نفس الوقت تبقى دايس دبرياج ومدى الغيار الاول ورجلك تبقى على البنزين عشان تستعد تطلع
اول ما السكه تفتح شيل رجلك من على الدبرياج واحده واحده وفى نفس الوقت دوس بنزين
هتلاقى العربيه بتترفع شويه يعنى هتحس انها عايزه تمشى ومش عارفه .. مخنوقه
فى ساعتها تقوم منزل فرامل اليد هتلاقيها مشيت .. وهكذا
على فكره اصعب شئ للى بيتعلم السواقه المطلعات والركنـــــات
ونصيحه حاول تتعلم الكلام ده فى مطلعات فاضيه تمامآ وتكون لوحدك فيها
جزاك الله خيرا على هذه المعلومه
انا عندنا فى القطامية مطالع كتير هههههههههههه
في عمان ما بيدوش الرخصة الا بعد اختبار " الصعدة " المماثل لوضع الكوبري في اول الموضوع
لو مانيوال هتطلع عادى جدا لحد ما تلاقى الكوبرى وقف هتمور العربيه وتشد الهاند بريك
ولما الطريق يمشى تدى اول وتزود بنزين وتشيل رجلك من على الفرامل سنه سنه
طب اتوماتيك نعمل إيه