حصل على طريق اكتوبر

**Amrrr** · 23-07-2010 04:39 PM

انا بقيت اهدي اول ماشوف حد منهم داخل على اليوتيرن او جاي من طريق جانبي وبتحصل كتير اوي على الصحراوي
بيطلعوا على الطريق الرئيسي من غير اي تقدير لسرعة او مسافة اللي ماشي في طريقه لانه واثق ان العربية الملاكي ( المرفه - الحرامي - اللي واكل حقه - اللي مضيع البلد ................... ) اكيد هيخاف ويقف
والمشكلة بتحصل لو عربية ماشي بسرعة اوي وحصلت مع واحد صاحبي على الصحراوي ماشي على 130 كم ومقطرورة واقفة عاليمين وفجأة قرر يقطع الطريق ويدخل من اليوتيرن وطبعا ولا فرامل ولا اي حاجة نفعت ودخلوا في التريللا بالعرض !!!! العربية كان فيها اتنين قدام - اتدمروا - وواحد ورا نزل سليم وحاول يوقف السواق جري منه وصاحبي رجع طبعا للي معاه في العربية وبدأوا بقى يطلعوا الناس من العربية
ربنا يستر علينا جميعا وابقى هدي بعد كدة اول ماتشوف واحد داخل في مجال طريقك وطبعا النص نقل والميكروباصات وبالذات التمنايات بتاعة اسكندرية !!! بيقطعوا الصحراوي زي مايكون حشرة طالعة من بلاعة عايزة تستخبى في بلاعة الناحية التانية قبل ماحد يدوس عليها d:

**Dr_Mido** · 23-07-2010 04:40 PM

المشاركة الأصلية كتبت بواسطة khaled_nowaihy

الحمد لله على السلامة يا دكتور .. قدر ولطف

دايماً بنقول احذر خطأ الغير ...
يعنى لاقدر الله بدل العربية النقل دى كان ممكن يكون انسان غبى قرر فجأة يعدى على رجليه أو راكب موتوسيكل أو عجلة
تخيل الموقف ممكن يكون ايه

ربنا يخليك ياباشا

بس الى حد ما لو حد بيعدى بغشم فى فرصه تفاديه حتى لو هتخبط عربيه جتنبك بس دة قفل الشارع بالعرض يعنى لو كان الشارع زحمه كان فرمله 6 او 7 عربيات

**Dr_Mido** · 23-07-2010 04:41 PM

المشاركة الأصلية كتبت بواسطة se_coralsea

ألف حمد لله علي سلامتك
و تصرفك أيجابي جدا و صحيح و ياريت الناس كلها تعمل زيك و لو كل واحد ماشي غلط لقي اللي يحاسبه أو يعرفه غلطه أو يسلمه للمرور أكيد حالنا هايبقي أحسن من كده

شكرا لك علي الفكرة

مع خالص تحياتي
م/ سمير الشهاوي

ربنا يكرمك ياباشا المفروض اى حد يعمل كدة لو كل العربيات الملاكى عملت كدة العربيات النقل هتخاف مننا اكتر مبنخاف منهم

**Dr_Mido** · 23-07-2010 04:42 PM

المشاركة الأصلية كتبت بواسطة elassar2010

حمد لله على سلامتك

الله يسلمك

**Amrrr** · 23-07-2010 04:43 PM

وانت اتصرفت صح عموما وياريت لو كل واحد مسك واحد من دول وعمل معاه كدة هيتربوا

**Dr_Mido** · 23-07-2010 04:43 PM

المشاركة الأصلية كتبت بواسطة w-m-a

الف سلامه
انا برضه عربيه القمامه فى شارع قصر العينى فرمت الباب الورانى والرفرف (والله عمات فتحات زى الشيش)
وانا واقف مكانى
برضه مسبتوش واصريت على عمل محضر مع ضابط المرور
والسواق كان عاوز يصلح العربيه مقابل ان ميتعملش محضر
طبعا رفضت
ربنا يستر على الجميع

احسن حاجه محدش يسكت عن حقه ومنخافش من عطله المحضر لازم كدة اما يقتنعو ان اى عربيه هتتخبط هيتعمل بيها محضر بعيد عن المقوله الشهيرة انا بتقبل العوض

**Dr_Mido** · 23-07-2010 04:45 PM

المشاركة الأصلية كتبت بواسطة hanyetsh

حمدالله على سلامتك اهم حاجة بس فعلا سواقين النقل والميكروياصات يستاهلوا الاعدام فعلا

الحمد الله وشكرا ليك اة المفروض يتعدمو واللى ينفذو الحكم دة هما اصحاب السيارات المتضررة

**Dr_Mido** · 23-07-2010 04:47 PM

المشاركة الأصلية كتبت بواسطة eng.geo

حمد الله علي سلامتك
خد بالك علي نفسك
تصرفك كله تمام التمام ولكن الغلطة هي انك مفهمتش هو عايز ايه
لما بتوع التريلا بيخشو يوتيرتن ويلاقي حد بعيد جاي
بيبقي عايز يخليه ينجز
فيضيق المخرج عشان انت تتخض وتجري تدخل بسرعة وهو كمان يلف بسرعة
الغلطة بقي انك دخلت يمين
هو مستحيل كان هيخبطك بوشه
بس انا عارف هي بتبقي لحظات قليلة جدا في التفكير
والفكرة اللي بتيجي بتتنفذ
ربنا يحافظ عليك

انا دخلت يمين بس لانه كان فعلا لف والشارع كله بقى مقفول يعنى مفيش منفذ الا من اقصى اليمين للا الفرامل متسعفش فى المسافه اللى بينى وبينه

**Dr_Mido** · 23-07-2010 04:48 PM

المشاركة الأصلية كتبت بواسطة midomizo

الف حمد على سلامتك يا دكتور

وخلى بالك من البيطلعو فجئة من اليمين
لانها بتحصل معايا كتير بس عادتا ربنا بيستر

لو مطلعش اتنين تلاته بالعرض كل يوم فى الهرم الصبح بالاضافه الى 50 او 60 واحد بيعدو فى الغيط بالورب فى الشارع عادى يعنى الطبيعى

**Eng.Geo** · 23-07-2010 04:53 PM

المشاركة الأصلية كتبت بواسطة dr_mido

انا دخلت يمين بس لانه كان فعلا لف والشارع كله بقى مقفول يعنى مفيش منفذ الا من اقصى اليمين للا الفرامل متسعفش فى المسافه اللى بينى وبينه

يعني شايفك وقفل عليك ؟!!!
كدة عندك حق
والحمد لله ربنا سترها

الموضوع: حصل على طريق اكتوبر

LinkBack

أدوات الموضوع

عرض

-

-

-

-

-

-

-

-

المواضيع المتشابهه

الياريس والجيتا على طريق اكتوبر ! !

مظاهرات علي طريق الواحات 6 اكتوبر

استهتار السواقين على طريق اكتوبر..الى متى ؟

من 6 اكتوبر الى طريق الاسماعيلية

احترسوا من طريق 6 اكتوبر

الكلمات الدلالية لهذا الموضوع

المفضلات

المفضلات

ضوابط المشاركة