حصل على طريق اكتوبر

**Dr_Mido** · 23-07-2010 04:53 PM

المشاركة الأصلية كتبت بواسطة ahmedbibo

الحل الوحيد ان يعملوا طريق خاص بالنقل ويعملوا بوابات على الطرق السريعه لمنع مرور النقل منها

وفعلا هما فالحين بس يقولك لالالالالالا فاميه شيلو يا معلم

بس انت غلطان انك ضربتوا بالقلم

عشان متعرفش كان ممكن يعمل ايه ممكن كان يطلع مطوه و حاجه او يلم كل معرفوا عليك

والف سلامه ليك وكل الى معاك وعلى فكره هما كل البنات قلبهم خفيف عارف لو بنت كانت بتسوق العربيه او مكانك

كان زمانها سابت الدركسيون وقعدت تعيط هههههههههههههه

سبب الحوادث فى مصر من حاجتين سواقه الستات و سواقه بتوع النقل لو دول اترحلوا على جزر الكاريبى الازمه فى مصر هتتحل بس الحاجه الغريبه الى شوفتها شوفت من فتر عربيه امركانى القديمه الى هيا 7 متر ديه معرفش نوعها ايه قالبت عربيه نقل

وهيا محصلهاش حجات جورهريه ياعنى الجنب الشمال كله والكابوت بس بصراحه العربيه سليمه وترجع تانى وصاحبها طالع زى الفل

المفروض فعلا يعممو الحارة اللى معموله فى طريق المحور بتاعه النقل و الميكروباصات

لا موضوع القلم دة مكنش ينفع يبق فيه كان قلم حكومه فخاف هو وعادى ربك بيستر برضه ثم لو طلع مطواة من حقى اموته حتى وهتبقى دفاع عن النفس ونبقى خلصنا من واحد

**Dr_Mido** · 23-07-2010 04:55 PM

المشاركة الأصلية كتبت بواسطة Amrrr

انا بقيت اهدي اول ماشوف حد منهم داخل على اليوتيرن او جاي من طريق جانبي وبتحصل كتير اوي على الصحراوي
بيطلعوا على الطريق الرئيسي من غير اي تقدير لسرعة او مسافة اللي ماشي في طريقه لانه واثق ان العربية الملاكي ( المرفه - الحرامي - اللي واكل حقه - اللي مضيع البلد ................... ) اكيد هيخاف ويقف
والمشكلة بتحصل لو عربية ماشي بسرعة اوي وحصلت مع واحد صاحبي على الصحراوي ماشي على 130 كم ومقطرورة واقفة عاليمين وفجأة قرر يقطع الطريق ويدخل من اليوتيرن وطبعا ولا فرامل ولا اي حاجة نفعت ودخلوا في التريللا بالعرض !!!! العربية كان فيها اتنين قدام - اتدمروا - وواحد ورا نزل سليم وحاول يوقف السواق جري منه وصاحبي رجع طبعا للي معاه في العربية وبدأوا بقى يطلعوا الناس من العربية
ربنا يستر علينا جميعا وابقى هدي بعد كدة اول ماتشوف واحد داخل في مجال طريقك وطبعا النص نقل والميكروباصات وبالذات التمنايات بتاعة اسكندرية !!! بيقطعوا الصحراوي زي مايكون حشرة طالعة من بلاعة عايزة تستخبى في بلاعة الناحية التانية قبل ماحد يدوس عليها d:

المفروض نحط مدفع فى العربيه اللى يجرى منهم نضربه طلقه نفجرة زى الافلام الاجنبى كدة

**abo_lamar** · 23-07-2010 05:01 PM

طباً لازم يسيبوا امقطورات والتريلات الكبيرة دي ... اوملا امناء الشرطة الغلابة اللي بيجروا على لقمة العيش حيسترزقوا منين ... اقسم بالله مرة واحد سائق مقطورة بيحمل سن شغال معانا في الموقع بيأكدلي ان لازم السائقين يدفعوا المعلوم لأمناء الشرطة عشان يسيبوهم في حالهم ومايخدوهمش مخالفات ... حد فيكوا فكر ازاي المقطورات دي بتجري بالسرعة الجنونية دي من غير رقيب ولا حسيب .... حد فكر ازاي المقطورات دي بتفضل تترقص على الطريق ولا اجدع رقاصة عشان تعمل غرز بين العربيات الصغيرة بتاعتنا ..
وفي الأخر الاقي واحد طول بعرض يجي يقولي انت مفيم اديني الرخصة واركن على جنب ... جاتكوا 60 ألف وكسة ونيلة .

**Samir Elshahawy** · 23-07-2010 05:07 PM

علي فكرة الملاكي رغم أنه عربية صغيرة بالنسبة للنقل لكنه ممكن يكون مؤذي بالظبط زي مايكون واحد ضخم عمال يجري و عاجبه طوله و فجأة يظهر له طفل صغير في سكته يكعبله و يوقعه

ده اللي كاد أن يحدث معي من كام يوم و أنا راجع من السويس واحد بتاع نقل قفل عليا و ماكانش راضي يعديني فسقطت غيار و طلعت منه بغرزة من خرم الابرة و كسرت عليه جامد و طلعت من قدامه و كاد اتزانه يختل نتيجة للحركة اللي عملتها فأضطر يهدي سرعته و فضل يلم في نفسه يمين في شمال لحد ما أخد يمينه

بصراحة أتضايقت لأن كان ممكن تحدث كارثة للعربيات الاخري اللي وراه بس مع واحد زي ده مش حرام فيه أي حاجة

**ابو فرح** · 23-07-2010 05:50 PM

الحمد الله على سلامتك

**Karim_Monir** · 23-07-2010 06:27 PM

لا حول ولا قوة الا بالله
حمد الله على سلامتك

نصيحة اخوية بحاول اطبقها
القيادة الدفاعية
انت تتفادي اخطاء الغير
اه هو غلطان
اه هو عدي غلط وده طريقك
لكن المحصلة كانت ممكن تكون كارثة
عشان كدة القيادة الوقائية او الدفاعية بتكون افيد كتير
لمحتة واقف في ملف
هو مش متخيل انك مش هاتعرف تقف
هو تقديراته مختلفة تماما وابعاده مختلفة تماما عنك
يبقي انت لمحتة تهدي عشان ماتدخلش بسرعتك القصوى
ترعش وتقلب وتكلكس وكل حاجة بس تدخل دخلة تقدر تقف
معلش كلامي ممكن يكون غير مواسي بس دي الحقيقة

لما كنت في دبي وده طريقنا وداخلين الاشارة وفاضل اكتر من 10 ثواني سواقين التاكسي كانو بيهدو مش بيسرعو عشان يعدو
ولما سالتهم قالولي ان الكاميرا هاتصورهم لو دخلو بسرعة وبيعتبرو ده عمل عدائي لان لو سرعة العربية ماسعفتكش والاشارة قفلت او لو واحد عدي في الاتجاه الاخر قبلك بثانية او اتنين هاتكون كارثة

هي دي القيادة الدفاعية او اوقائية

حمد الله على سلامتك

**tananybasha** · 24-07-2010 01:25 AM

حسبى الله و نعم الوكيل فى اللى يفكر يتلاعب بارواح البشر

**mahmoud5777** · 24-07-2010 11:56 AM

قول الحمد لله قدر الله وما شاء فعل

-

-

الموضوع: حصل على طريق اكتوبر

LinkBack

أدوات الموضوع

عرض

-

-

-

-

-

-

-

المواضيع المتشابهه

الياريس والجيتا على طريق اكتوبر ! !

مظاهرات علي طريق الواحات 6 اكتوبر

استهتار السواقين على طريق اكتوبر..الى متى ؟

من 6 اكتوبر الى طريق الاسماعيلية

احترسوا من طريق 6 اكتوبر

الكلمات الدلالية لهذا الموضوع

المفضلات

المفضلات

ضوابط المشاركة