السلام عليكم يارجاله
امبارح كنت هبقى ضحيه من ضحايا المقطورات و كت هبقى خبر فى صفحه الحوادث ولا هياثر على حاجه مع اشباة البشر اللى سايقين الكوارث المتحركه دى
الساعه 8 باليل وراكب جنبى واحد صاحبى و راكب ورا اتنين تانى اخت صاحبى وصاحبتها
المهم فى ملف من ملفات اليوترن مقطورة واقفه محمله فى عربيه زلط صغير ومحمله فى العربيه اللى ورا رمله ومش مغطى اى حاجه من الاتنين
البيه واقف مصدر العربيه وعايز يلف انا جاى بسرعه ومقلبله نور ومعلق ايدى على الكلاكس وهو واقف عادى ومرة واحد طلعت فى دماغه انه يعدى مرة واحدة بدون اى مراعاة لاى حد ماشى ولا الكلاكس ولا النور اصبح قدامى حلين لو ضربت فرامل المسافه اللى فاضله استحاله توقفنى من غير مخبط فى تنك البنزين او انزل تحت المقطورة اللى ورا
معرفش ازاى ربنا الهمنى اا اسقط غير و اخد اقصى اليمين واعدى من قدامه قبل ميفرمنى والحمد لله عديت بس بعد مدمر جنب العربيه كله و المرايه اتكسرت وواحدة من اللى راكبين معايا اغمى عليه
انا بعد معديت منه هديت وشديت الهاند ونزلت ناوى اما ااقتله اواحطه تحت المقطورة وادوس عليه
حظه ان كان معايا السلاح الشخصى الخاص بيا نزلته من العربيه وكلته قلم معرفش ضربتهوله ازاى من الغل والغيظ اللى انا كنت حاسس بيه كنت متعصب لدرجه بشعه وخدت منه الرخصه ومشيته ورايا لحد مسلمت الرخصه لكمين كان واقف بعديها بشويه كدة وممشتش غير اما اتعمله محضر ومسبتوش غير اما اقتنعت ان الظابط هينفخه بس لو طلت كنت ربطته فى العربيه وجريته ورايا ابن التيت دة طبعا الباشا خاف وكان فاكرنى وكيل نيابه تقريبا او ظابط علشان كدة مطولش كتير المفروض العربيات دى بسواقينها تتعدم وربنا حرام كدة اساسا عمارات ماشيه على الطريق فين قانون المرور ولا هو خلاص بقى حزام ومرايه و زينون ومش قادرين غير على كدة و فاميه ومش فاميه بلا نيله معلش متغاظ وحبيت اقلكو على اللى جرالى علشان انا من امبارح بغلى انا ايدى بتترعش لحد دلوقتى بسبب الموقف دة