cerato sound system

**midosalah** · 23-07-2010 07:09 AM

طبعا انتو مستغربين من العنوان بتاع الموضوع
وبتقولوا هوا كاتب الموضوع بتاع السيراتو هنا ليه

انا هقولوكوا

امبارح ركبت السيراتو الجديدة مع واحد صاحبى بصراحة العربية هايلة تقفيل جميل هيا خليجى فرش جلد طارة مالتى جلد فتحة سقف بس مش هوا ده المهم

المفروض ان انا من عشاق الجين 2 وبحوش علشان اجيبها ان شاء الله زى كثيرين هنا فى القسم

نيجى بقى للمهم اكتر حاجه شدت انتباهى فى العربية ال sound system بتاعها اكثر من رائع الصراحة كنا معلين الصوت والصوت كان نقى وجميل اللى انا عايز اعرفه هل ال sound system بتاع الجين 2 زى بتاع السيراتو
انا عارف ان كل الناس هنا بتشكر فى السوند سيستم بتاع الجين 2 بس انا عايز الناس اللى سمعت الاتنين يقولوا رايهم
مين احسن ولا زى بعض ولا ايه

احنا كنا واقفين بره العربية ومعلين وسمعين الصوت ماشاء الله عالى ونقى ياريت ملاك الجين 2 يدخلو يقولو رأيهم
واللى سمع الاتنين يقول الفرق

شكرا محمد صلاح

**Tarek Gen 2** · 23-07-2010 07:50 AM

متهيألى احتمال اكون انا احسن واحد يجوبك هنا
العموم الجين احلى
اما بالأخص الجين انقى السيراتو اعلى

**midosalah** · 23-07-2010 07:54 AM

طمنتنى الله يطمنك
انا ميهمنيش اوى علو الصوت اد ميهمنى نقاءه لانى فعلا وانا قاعد جوا العربية احنا مكناش معليين وكان الصوت نقى وجميل جدا معنى كلا مك ان الجين صوتها انقى كمان كده تبقى الجين 100 100

بس ليا سؤال برضه بعد اذنك هوا السيراتو برضوا اعلى بكتير ولا مش كتير اوى؟؟

**prohossam** · 23-07-2010 07:59 AM

عن تجربة بجد انا معايا جين 2010
اكتر حاجة ممكن تستمتع بيها في العربية وانت ماشي السوند سستم بتاع العربية
مختلف عن عربيات كتيرة جدا عن تجربة مع صحابي معاهم ( سيراتو خليجي - والنترا - لانسر) الجين افضل بمراحل في نقاء الصوت على الدرجات العالية
والخرج بتاع الصوت مناسب برة العربية
اما جوا العربية فتقدر تقول متوزع في كل جزء من العربية

**Tarek Gen 2** · 23-07-2010 08:46 AM

المشاركة الأصلية كتبت بواسطة midosalah

طمنتنى الله يطمنك
انا ميهمنيش اوى علو الصوت اد ميهمنى نقاءه لانى فعلا وانا قاعد جوا العربية احنا مكناش معليين وكان الصوت نقى وجميل جدا معنى كلا مك ان الجين صوتها انقى كمان كده تبقى الجين 100 100

بس ليا سؤال برضه بعد اذنك هوا السيراتو برضوا اعلى بكتير ولا مش كتير اوى؟؟

لالا فرق مش ملحوظ
مشكلة الجين بس ان الصوت مسموع من السماعات الخلقية اكتر من الامامية اوى بس ده مش عامل مشكلة الصوت رهيب و من اكبر مميزات العربية

**khpopo** · 23-07-2010 12:43 PM

الصوت نقى جداااا وكمان مش بقدر اعليه عن 21 عشان بيقى عالى وبحس ان الناس هاتبدى تبص ... كمان الميزه الى فيه ان مهما تعلى بتلاقى الصوت لسه نقى زى ماهو (جهاز بلابونكت +سماعات جى بى ال )... انا بستعمل امبلفايرات من اكتر من 25 سنه يعنى اول نزل حاجه اسمها اوكليزر من هنا اقدر اقولك بصراحه انه ماشاء الله تحفه
ربنا يوفق

**K3A** · 23-07-2010 02:56 PM

المشاركة الأصلية كتبت بواسطة midosalah

ط
نيجى بقى للمهم اكتر حاجه شدت انتباهى فى العربية ال sound system بتاعها اكثر من رائع الصراحة كنا معلين الصوت والصوت كان نقى وجميل اللى انا عايز اعرفه هل ال sound system بتاع الجين 2 زى بتاع السيراتو
انا عارف ان كل الناس هنا بتشكر فى السوند سيستم بتاع الجين 2 بس انا عايز الناس اللى سمعت الاتنين يقولوا رايهم
مين احسن ولا زى بعض ولا ايه

بص يا استاذ محمد خير وسيلة التجربة شوف انت ساكن فين و شوف اقرب معرض بروتون ليك ايه و ممكن تروحه وتشغل ال CD اللى نفسك فيه او نفس CD اللى شغلته فى السيراتو في كاسيت الجين .... و ان ما أمكنش ذلك ممكن حد من الاعضاء اللى ساكن قريب منك يساعدك بانه يوريك عربيته و الكاسيت بتاعها و بكده انت تبقى قارنت Sound System في العربيتين ببعض بنفسك

لو انت من سكان 6 اكتوبر انا ممكن اساعدك في كده ....

تحياتي

**midosalah** · 24-07-2010 03:57 AM

انا متشكر جدا يا جماعة لكل الناس اللى ردت عليا

**tamer_aj** · 24-07-2010 07:03 PM

بص يا باشا:-

السيراتو السوند بتاعها باناسونيك (مقدرش أقول ياباني ) لإن بناناسونيك ببساطة مابقتش تصنع حاجة في اليابان, نيجه لآداءه: صوت عالي ومش نقي , يعني الباز عالي ز التربل عالي و فوكال عالي ومافيش نقاء عالي.

أما الجين تو السوند بلاوبنكت (100% ألماني) نقي جدا كل حاجة تحس إنها متظبطة مع بعضها عشان في الآخر يديك صوت نقي ما شاء الله عليه.

**Raul_7** · 24-07-2010 07:38 PM

المشاركة الأصلية كتبت بواسطة tamer_aj

بص يا باشا:-

السيراتو السوند بتاعها باناسونيك (مقدرش أقول ياباني ) لإن بناناسونيك ببساطة مابقتش تصنع حاجة في اليابان, نيجه لآداءه: صوت عالي ومش نقي , يعني الباز عالي ز التربل عالي و فوكال عالي ومافيش نقاء عالي.

أما الجين تو السوند بلاوبنكت (100% ألماني) نقي جدا كل حاجة تحس إنها متظبطة مع بعضها عشان في الآخر يديك صوت نقي ما شاء الله عليه.

يا سلام يا تامر, إنت جبت من الآخر.

هو ده كان إحساسي بالضبط لما ركبت السيراتو بتاعت صاحبي.

وعلى فكرة في الجين لو فتحت ال Loud بيخلي ال bass عالي وفرأيي بيبقى أشد من السيراتو.