-
أخيرا صلحت البي ام
:Ta_clap[1]::Ta_clap[1]:أخيرا بقيت العربيه على مزاجى ...لمن لا يعلم انا اشتريت العربيه دى من حوالى شهر و كانت العفشه بتاعتها ضايعه من اول المساعدين لحد علبه الدركسيون (الاسكترا) العربيه 523 موديل 2000 بيزنس دوبل فانوس يعنى الموتور الجديد اللى هو 2500 سي سي و كانت عامله حوالى 250000 كيلو متر و اشتريتها ب 105000 هى كلفتنى حبتين بس بقت عربيه بجد ثبات و لا فى الاحلام يعنى كنت ماشى على طريق اسكندريه الصحراوي 220 و اخدت بيها حته غرزه لو كانت المرسيدس كانت اتبحترت و كنت فى خبر كان الصراحه زى الفل يا رجاله بس المشكله كانت فى حاجتين اولا التكلفه ثانيا المتابعه لانى ما بامنش لاى حد صنايعى و الميكانيكى اللى انا اشتغلت معاه اسمه حمدى السيد فى شارع الجيش و غيرنا شويه حاجات بسيطه فى الموتور حساسات العادم و حساسات تانيه كده مش فاكر بتاعه ايه بس بقت العربيه عامله زى الوحش ...:ask::ask:...ربنا يسترها و ما اموتش فيها :)) :36_1_1[1]::36_1_1[1]::36_1_1[1]:
-
مبروك عليك ياباشا وربنا يديك خيرها ويكفيك شرها
-
الف مبروك عليك بس كلمه لو كانت مرسيدس دي وحشه اوي لان المرسيدس اقوي من البي ام في كل حاجه والدليل شوف سعر البي ام بتاعتك ونفس الموديل في المرسيدس عامل كام هي البي ام عربيه محترمه طبعا بس المرسيدس افجر ودا علي مر العصور مش دلوقتي بس والف مبروك مره تانيه وياريت اعرف من حضرتك التكلفه كام عشان لو حبيت في يوم من الايام اركبها وشكرا
-
الف مبروك ياباشا وربنا يديلك خيرها ويكفيك شرها..
مع كامل احترااااااااااامي للمرسيـــــــــــــدس...
-
ما شاء الله
مبروك عليك ربنا يباركلك فيها
العربية دي فعلا ميقدرهاش صح الا اللي يجربها ، واحد قريبي لسة شاريها قريب ولما حكالي اللي حصلة وهو بيجربها مصدقتش فكرتة بيبالغ وبعدين لما سوقتها حصلتلي نفس الأعراض بالظبط هههههه مع اني زهقان من الe34 وهي حوت برضو ما شاء الله
بس خد بالك من نفسك بجد يعني هي احسن استهلاك بنزين ليها علي 140 متزودش السرعة عن كدة واعتبر انك علي طول بتتمشي :))
ويا ريت تقولنا اسعار قطع الغيار اللي اشتريتها
-
ألف مبروك يا باشا وتتمتع بيها
وربنا يديك خيرها ويكفيك شرها
والف مبروك مره أخرى
-
اه مبروووك على العربية المحترمة وبلاش نجيب سيرة المرسيدس عشان لو هنتكلم بصراحة فا العربيات كلها فئة والمرسيدس فئه تانية خالص حتاه فى التريلات وانا بكلمك وانا امتلك من المرسيدس تريلات وملاكى والف مبروك مرة تانية
-
الف مبرووك يا باشا و حمدي داه 100100 اسمراني كدا صح
و في منصور بردو عند قسم عين شمس داه لعييب
-
مبروك يا باشا
ربنا يباركلك فيها
-
ارحم نفسك من منصور ؟؟ظ يكفيك شره الا قابلك صوتوا منه ومن عمايله
نصيحه لوجه الله ليس اكثر
Content Relevant URLs by
vBSEO 3.6.0 PL2