حاجة بتغيظني أوي

**dr.hazem** · 23-07-2010 02:59 PM

طب انا هسأل سؤال وجاوبوني للامانه
انتا لما بتحب تعمل كده بتدي الاشاره قبلها بفتره ولا بتدي الاشاره وانتا اساسا بدأت الانتقال من حارتك؟
ههههههههههه

لان في الحاله التانيه دي بتبقا مستفزة للي وراك جدا جدا وبيبقى عايز يقولك
السواقه فن وذوق واخلاق ومن الفن انك تدي الاشاره وتفهم اللي وراك مش الفن انك تستغل اي خرم ابره ممكن تسلك منه وتبرر ده بانك ضربت الاشاره وانتا بتطلع او قبل ما تطلع بجزء من الثانيه...

اللي يغيظ بقا فعلا
ان في ناس بيبقى ماشي على اقصى الشمال وهوا عارف انه هيروح من مخرج في اقصى اليمين والشارع سريع زي طريق العروبه مثلا
وتلاقيه زعلان ان الناس بتزمرله وبتشتمه
والعكس بقا
واحد ماسك اقصى اليمين وهوا مكمل دغري
طب اللي عايز يخش يمين يعمل ايه
وانتا مش واخد بالك انك كده بتتعطل
عموما
القياده في مصر اشبه بعملية دفاع عن النفس لا اكثر ولا اقل فمجتش على دي ياباشا!!!!!!!!! ههههههههههههه
وابقا خد بالك ولو حسيت ان اللي في الخانه اللي بعدك هيعمل فيك كده هدي انتا شويه وخليه يعدي وبعدين روح وراه

**M.ABDEEN** · 23-07-2010 03:10 PM

بصراحة مفيش فن ولا ذوق ولا احترام في السواقة والناس تحس انها عايزة تتخانق و تتنرفز وملتهبيين على طول

**omar-saad** · 23-07-2010 04:31 PM

الناس بقت بتغير من بعض اوى
وكل واحد عايز يثبت لللتانى ان عربيته احسن عربية فى الدنيا
ربنا يهدى النفوس

**Amrrr** · 23-07-2010 04:53 PM

المشاركة الأصلية كتبت بواسطة yse

فعلا ده شيء واضح

وده اتأكدت منه بنفسي لأ وكمان اقنعت حد من أصحابي

الغريب انك لو طلعت ايدك من الشباك احتمال كبير هتلاقيه بيخليك تعدي مش عارف ليه ؟؟

عشان الموضوع نفسي بحت ولما تطلع ايدك بيحس انك اديته احترامه

نفسنة يعني

وعموما في الموقف دا باقوم مهدي وطافي الاشارة ومادخلشي ولو لسة عليه شوية وممكن انزل! هانزل قدامه ولو لحق ييجي جنبي يبقى المفروض اني ماكنتش اخطيه

**MASERATI** · 23-07-2010 05:02 PM

السلام عليكم و رحمة الله و بركاته

الحركة دى أنا كنت قريت عنها , فين مش فاكر , بس أنا كنت قريت ان دى اسمها , جهل و غباوة و قلة عقل و أدب .

مش فاكر قريت ايه كمان .

مازيراتى كواتروبورتيه

**Abdo_Eldesokey** · 23-07-2010 07:47 PM

أنا بعمل عكس كده خالص

لما ألاقي واحد مزنوق في الحارة اليمين ، بهديله حتى من غير ما يضرب إشارة لسببين :
- جدعنة ، والناس لبعضيها
- عشان ميجبليش جنب عربيتي

**haroun707** · 23-07-2010 08:02 PM

ياباشا انا ححكيلك على اخر حاجة تقريبا حصلت معايه

ماشى على كوبرى قصر النيل فى اتجاهى للتحرير ومدى اشارة يمين من نص الكوبرى على اساس انى عاوز ادخل يمين ناحية سميراميس كل الناس ادتنى طريق بالعافية وبالذوق وبكل الطرق الا واحد على يمين الكبرى اوى والفتحة مقربه على الاخر وهو مدخل بوز عربيته فى اخر العربية عندى مصر انه ميعدنيش وخلاص

وعاوز اقولك انى كنت لسه مستلم العربية من السمكرة والدوكو

بس انا عندت على عنده وقررت انى حعدى يأما حاخده معايه فى الفتحة اليمين ولو لمس العربية انا حنزل افعصه

فى الاخر هو لقى ان مافيش فايده فا سابنى على الاخر اللى يغيظ فى الموضوع ده انه كان مكمل ناحية التحرير مش داخل يمين

طيب عمل كده ليه متعرفش

عالم معاقه زهنيناً

**amro1965** · 24-07-2010 08:56 AM

خدلك كورس تدريب سواقة فى منطقة عشوائية هتجد نفسك ماشى على الطريق زى السكين فى الزبدة
ابتسم انتى فى مصر بلد العجائب

**hondaman** · 24-07-2010 09:53 AM

كويس انك فتحت مناقشة فى الموضوع دة بس دة مش الموضوع الوحيد دة فى حجات انيل من كدة..
ما علينا انا ممكن اعمل كدة .. مديش فرصة انة يعدى فى الحلات دى
1.. الحارة اللى ماشى فيها فاضية ومفيش داعى انة يغير وينزل حارة اقصى الشمال ودة غالبا بيعملها رخامة
2.. لو عربية الشخص دة تعبانة وبتجمع بطئ وهيحشرنى وراة وهعد كتير عشان اطلع منة ودة بردو من غير سبب مقنع انة يغير حارتة..
3.. لو سواق عربية نقل جميع الاحجام لانة مش المفروض يمسك حارة الشمال
4.. طبعا لو مدنيش اشارة
اسمح امتى..
لو مزنوق هوا ورا عربية نقل/ ملاكى وماشى براحة او فى يو ترن ولو مفيش يو ترن هوة من نفسة بيدينى سكتى تانى لما بعدى العربية ايها وسعات بيتنح وبعد ما يخد حارة الشمال الاقية هدى سرعتة يكفى بس اديلة قلاب نور مرة واحدة بيفهم اما يزود او يوسع.
الكلام دة على الدائرى يوميا وطريق اسماعلاية ومدينة العبور
طبعى اول لما اخرج على الدائرى بمسك اقصى الشمال حارة ال 90 ك ومنزلش من عليها الا قبل نزلة اسماعلاية بمسافة بعيدة شوية عشان الميكروباص والنقل والملاكى اللى طاير على الطريق
حاجة رخمة هنا لما تكون ماشى قانونى وماشى ال 90 كيلو بتعوك ولو ماتيجى تذزد شويا يبقى 100 ويجى حد من ورا لازق فى ضهر العربية ويقلب فى نور يقولوك لازم توسعلى انا فاتح الحل بسيط لو انت ماشى صح تفتح الاشارة الشمال وتقولة دة طريقى ونا ماشى ب السرعة القانونية وانت لا ولما يعد جنبك ويديك النظرة ايها ابتسملة مش اكتر.
حاجة كمان بقى حرقت دمى من يومين .. لما نزلت على طريق الاسماعلاية ماشية عربية قدامى وصحبها ضرب فرامل مرة واحدة من غير اى سبب بس مش الفرامل كلبشة لا بس تهدية ذيادة عن الالازوم قلت ابعد عنة ونا معدى من جنبية الاقية حاطط بنتة على حجره وهوا سايق كان هاين عليا انزل اقولة كلمتين بس كنت متأخر على الشغل وطبعا عرفت هو ليه ضرب فرامل من غير سبب.
من الحجات المستفذة جدا
حادثة على الطريق.. والناس ماشية براحة وساعات تقف ...تمشى شوية تلاقى ان الحادثة على الجنب التانى من الطريق او بعيدة عن مسار العربية الىى قدامك واللى جنبك بس العلة هنا فى الناس كل واحد يعد يبص شوية ويقف شوية وأكنة مشافش حادثة قبل كدة او أكنة هيعمل تحليل فنى فى ساعتها ويحل سبب الحادثة ايه من منظر العربية او العربيتين المخبوطة ...
عارفين كوبر اكتوبر... قبل نزلة شبرا لو كملت يبقى التحرير الخ تلاقى بقا كل العربيات تاخد الحارة بتاعت نزلة شبرا وقبلها تقوم كسرة على بقيت الكوبرى يكمل تحرير عشان ميقفش فى الطابور الطويل وأن سبب الطابور الطويل دة الناس اللى بتعمل كدة دة غير انة يذلك بقا لما تشوف نزلة شبرا فاضية خالص وانت رايح شبرا ومفيش حد بس انت واقف عشان البية اوهمك انة نازل شبرا معاك بس وقف بعربيتة مستنى الطابور ...
غير بقا حجات كتييييييييييييير عايزة كلام كتيييير فيها..
بس اريح حاجة ..... ودة المهم ..... أنك تمشى صح حتى لو الاخر غصبك انك تمشى غلط .. لو حد جية وراك وانت ماشى صح ويقلبلك نور عدينى وكلاكس شتيمة عادى يعنى ولا تحط فى بالك ونفض حتى لو عدى جنبك وبصصلك بصة رخمة نتبصش اصلا علية لو عدى قدامك وزنق عليك بالعربية او عمل حركة عبيطة ديما بتحصل يجى قدامك ويضرب فرامل اكنة بيهتك وهو متوقع منك انك هتقولو ازاى بقا وتمسكو فى بعض على الطريق غرز ألخ تجاهل تماما الكلام دة هوة من نفسة هيعرف قد ايه انة عيل وعبيط وجاهل وساذج وانت بالطريقة هتحرق دمة
طولت يا جدعان معلش