الموضوع: حاجة بتغيظني أوي

مع ان Eng.Geo قام بالواجب بس عايز اوضح حاجة

اللي كان بيتكلم عليه الراجل الامريكاني ده ال Speed limiter او محدد السرعة و زي ما قال Eng.Geo كل اللي بيحصل ان العربية لا تستجيب للتسارع فوق السرعة المحددة مسبقا و كان عندي عربية كرايسلر و كان فيها الموضوع ده بتفصل عند ال 180 كم و الحوار ده موجود في ال BMW و المرسيدس بس عند 250 و المسئول عن الموضوع ده شريحة الكترونية بسيطة مفيش اسهل من شيلها و ناس كتير بتعملها

اما بقي انا لو ماشي علي الدائري و في تريلا جاي ورايا بسرعة تصرفي هيكون حسب المزاج
لو مش فاضي هوسعله و اعدية اما لو رايق بقي ههدي و اعلي ما خيلة يركبة لانه مش المفروض يمشي علي الشمال اصلا

حضرتك قام بالواجب ازاى مش فاهم عمتا سعيكم مشكور يا مان وبعدين حضرتك بالعربيتين اللى معاك مينفعش اصلا تمشى بيهم على الدائرى ههههههههههههههههههههههههه هههههههه
تانى حاجة زى مقولت الراجل لا هوة هيخسر ولا هوة هيكسب بعدين انى لما قولتلة عيب فى العربية قالى لا دة مش عيب ورصلى بقا القوانين عندهم فى الولاية بتاعتة كذا وكذا وبتختلف من ولاية للتانية ومدام بتختلف من ولاية للتانية العربيات مش بتنزل عندهم زى بعض فى كل الولايات وتبقى فى الاخر حسب قانون الولاية اللى اعد فيها ... ودة اصلا كان موضوع رد على حكاية بدعة دى ومفيش كدة فى العالم

اخر حاجة... كان نفسى بقا تشوفو الترلاا بتاعت شيل انهاردة على الدائرى الصبح قدام جى دبليو ماريوت بس اتجاة المعادى
بسبب غرزة وتخطى و الخ وستر ربنا على الناس اللى كانت وقفة ورا و ان الترلاا منفجرتش وهيا ضما على المقطورة بتاعتها

احب اولا اشكر صاحب الموضوع لانه فتح الموضوع ده لاني كان نفسي اتكلم فيه من زمان و مع اني مختلف معاه تماما

- استعمال الاشارة ده بيكون لتبيه اللي ماشي وراك في نفس الحارة مش اللي ماشي جنبك في الحارة التانية حتي لو كان وراك بمسافة لان ده طريقه و طبيعي انه يكون سريع لان طريقه فاضي و من حقه ان ماحدش يكسر عليه

- زمان في مصر من حوالي 15 -20 سنة و في العالم المتحضر لغاية داوقتي الاشارات كانت بتستخدم بس لما تكون داخل في شارع يمين او شمال علشان تنبه اللي وراك انك حتهدي و تلف مش للجنبك انك حتكسر عليه

- من هذا الموضوع و من بعض الردود عرفت فعلا ازمة السواقة في مصر جاية منين و ان الواحد لازم يجيب سواق

و تقبل تحياتي

المشاركة الأصلية كتبت بواسطة horas3000

eng.geo قام بالواجب في شرح ان الحارة الشمال للتخطي بس

موضوع الراجل الامريكاني انا بوضحلك قصده ايه لان زي ما قلنا العيب اللي يقال انه في الكروز و انها "بتبطل" ده غير اللي هو كان بيتكلم عليه و اللي انا وضحته و هو محدد السرعة
دي تويوتا اللي اتقال انها بتتسارع فجاه و عملوا عليها بالو ما بالك بعربية بتبطل فوق ال 140
و يا زعيم انا رحت امربكا و خدت فكرة بسيطة عن قوانين المرور هناك و اختلافها الجذري احيانا من ولاية لاخري و معروف ان اصعبهم كاليفورنيا

اما بقي عن موضوع البدعة فانا كنت اقصد تحديد سرعة كل حارة لان ده فعلا مش موجود الا في مصر
في باقي العالم السرعة القصوي هي اللي بتبقي محدده و ممكن تمشي بيها فاي حارة
و الدليل علي كده انك مثلا لو مشيت100 في الحارة اليمين و السرعة القصوي علي الطريق ده 100 مش ههتاخد رادار مع ان اليافطة بتقول ان الحارة اليمين سرعتها 80 او 70
اتمني تكون فهمت قصدي

يا باشا اولا كل سنة وانت طيب وكل الناس فى المنتدى طيبين وبصحة وسلام وحير ان شاء الله ..
السرعة محددة 60 و 70 فى الحراتين اليمين للنقل التقيل والخفيف و الميكروباص لاكن الملاكى ينفع يمشى فيهم بسرعتة القصوى 80 فى اى من التلات حارات وتخطى 90 فى الحارة الشمال دة على الدائرى
بس انت فكرتنى بموقف... يوم الاتنين اللى فات .... قبل بنزينة موبيل جى دبليو ماريوت ... كيا سيفيا او حاجة شبها اعزرنى عشان ملامحها ضايعة ومعرفتش احدد بياخد غرزة او بيتخطى او او نزل على اقصى حارة اليمين اللى هيا 60 وقابل على طول الناس الملتزمة بالحارة والسرعة ومش معظمهم بس الغالبية منهم كدة بتوع الجيش ايوة عربية جيش نقل جنود ماركة اوشكاش والمعلم صاحب العربية اللى ضايع ملامحها نزل تحتها بعد مضرب فرامل ملهاش اى لازمة فى الوقت دة وراح النص القدامنى اللى لفت نظرى عشان العربية الاوشكاش دى كانت جايلنا المصنع يتعملها صيانة ودة اللى وقفنى وعرفت اللى حصل من صاحب العربية .... ودة بيدنا فكرة عن حاجة صغيرة انا ليه امشى حضرتك 100 او 120 او حتى 90 فى حارة انا عارف مسبقا انها 60 او 70 ... دة حضرتك بيت القصيدة من موضوع تحديد السرعة وحضرتك لما تقرا حكاية الحادثة هتتيقن تماما ان صاحب الملاكى هوة اللى حمار مع احترامى لية عشان عرفتة خمس دقايق بس