الموضوع: الحمد لله .اشتريت بريسونا الجميلة .وعندى اسئلة رجاء الافادة

مش عارف في البريسونا بس عندي في جين 2

مافيش ولاعة ولما سالنا قالو لنا بتنزل بدون ولاعة .. بس مكان الولاعة ورا الفتيس
اضاءة التابلوة في زرار جنب الدريكسيون من ناحية اليمين
صوت السينسور لا ضعيف ولا قوي .. معتدل ..

ده في الجين 2 ..

المشاركة الأصلية كتبت بواسطة mohamedtahaab

جزاكم الله خير .... ماهى اكبر سرعة المفروض امشي بيها قبل صيانة 1000كم

ماتعديش الـ 90 .. ويفضل من 80 الي 85 ..

المشاركة الأصلية كتبت بواسطة mohamedtahaab

بفضل الله استلمت البيرسونا امس ولكن عندى استفسارات كثيرة .وحيران .وخايف . فرجاء من الاخوي الاعضاء المحترمين الردعلي فى الاتى - حاسيس ان الدركسيون ثقيل شوية
ده عادى فى بروتون و عامل من العوامل المؤثرة فى ثبات العربية
-ابعاد العربية من امام غبر مرئية جيدا للسائق
أكيد لأنها جديدة عليك بس مع الوقت هتتعود و برده زى ما قالولك فى بكرة فى الكرسى ممكن ترفعه بيها شوية
- دواسة البنزين خفيفة بعض الشئ ( طبعا انا عارف انى لسة متعودش علي العربية)
العربية سحبها ماشاء الله عالى أوى و ده منعكس بشكل كبير على دواسة البنزين فخللى بالك عشان مغرية أوى
- نيجى للمهم اناستلمت العربية دون استلام ورق الجمارك وصاحب المعرض قللى دة بسلمهولك بعد يومين مقابل 100ج وكزا لم استلم ضمان السيارة والكاسيت وقللي هاسلمهولك بعد الترخيص وتجبلى صورة من الرخصة فهل هذا منطقى
مش فاهم حاجة طبعا من العك اللى بيقولهولك ده بس أنا استلمت الورق فعلا بعد يومين من استلام العربية بس ما دفعتش أى فلوس زيادة و موضوع الكاسيت ده مقلق جدا لأنى العربية ما بتجيش متفككة يعنى هيسلمهولك بعد الترخيص هو انت مأجر عجلة لما تسلمها تاخد شبشبك، أكيد مافيش ولا حرف من اللى قالهولك ده منطقى
-بالنسبة لزيت الموتور والهدروماتك والباور والفرامل ومياه الريداتير هل اقوم بتغير شئ بخصوصهم ام انهم مجهزين حتي صيانة 1000كم
مت تقلقش خالص من النقطة دى ما عليك إلا إنك تروح تعمل صيانة ال1000 فى ميعادها بس و ما تتأخرش

- بالنسبة لقطع الغيار هل هي غالية فعلا
ما فيش حاجة مطلقة هى غالية مقارنة بالهيونداى و الدايو و الشيفروليه و أكيد اللنسر عشان الانتشار بس رخيصة مقارنة بالباقى و تعتبر تقريبا فى مستوى أسعار الكيا تقريبا
- بالنسبة للتامين الاختيارى هل بيغطى كافة الاخطار وقطع الغيار والمصنعية معا وكم تبلغ تكلفته
التأمين الاختيارى بيغطى الحوادث ربنا يكفيك شرها و السرقة لا قدر الله بس مش بيغطى الصيانات طبعا العادية و قطع الغيار المستهلكة و المصنعيات فى المواقف دى (أقصد الصيانات طبعا مش الحوادث)
أما عن تكلفتها فدى بتتوقف على الشركة اللى انت مأمن معاها و بتبقى نسبة من سعر العربية أفتكر كانت فى الشركة اللى تبع التوكيل 3.5% من إجمالى سعر شراء العربية مش السعر المعلن يعنى أخدوا فى الاعتبار الخصم اللى خدته و دفعت حوالى 2800 جنيه
- كم تكلفة الترخيص والضريبة لثلاث سنوات
طبعا أنا مش قاكر بالظبط النقطة دى كانت الأسعار فيها مفصلة كام بس أعتقد إن فيه حد رد عليك فيها
-واخيرا أسف على الاطالة ويارب اكون اخترت العربية الصح وادعولي ربنا يكفيها شرالعين لانى مهرى من العين والحسد ...والحمد لله علي كل شيئ

إن شاء الله أكيد اخترت العربية الصح و ربنا يباركلك فيها و يحفظهالك يا رب