كمين بيستهبل بس على مين !!!!!!!!!!!!
السلام عليكم ورحمة الله وبركاته
امبارح وانا رايح مصيف جمصه ومعدى على كمين منية سندوب لاقيت امين شرطه طلب الرخص اديتهاله
بيقولى العربيه بتاعتك ؟
قولتله بتاعة والدى ومعايا توكيل
قالى اركن على جنب
ركنت ورحتله بالتوكيل طلع انه بيسترزق وأخد من واحد مكانش لابس اللى جنبه الحزام 5 جنيه
اديته التوكيل بيقولى هو متشخبط فيه كده ليه؟ قولتله ده البند بتاع بيع وشراء لنفسه وللغير لانه اداره فقط بيقولى لا التوكيل ده مينفعش وبيمدلى ايديه بيقولى هات
طبعا اتنرفزت ووشى احمر قولتله اديك ايه؟ التوكيل سليم وعليت صوتى قام زميله أخد التوكيل منه واداهولى هو والرخص
بصراحه كنت هبقى قتيلهم امبارح لو كانوا عملوا حاجه عليه العوض فى البلد دى