عرض للطباعة
انا ركبت جهاز انزار و وحدة رفع زجاج امامى من نوع ولف من حوالى شهرين وكانوا شغالين تمام .
المشكلة دلوقت انى لما بقفل السيارة من الريموت ويكون الزجاج مفتوح بيحصل الأتى :
1- السنتر بيقفل عادى
2-الزجاج بيبتدى يرفع للنهاية عادى
3- بمجرد ما الزجاج يترفع للنهاية تشتغل سارينة الإنزار كأن حد بيحاول يفتح العربية و يضىء الإنتظار
اما لو كان الزجاج مقفول من البداية قبل ما اقفل السيارة من الريموت ما بيحصلش حاجة من دى و الدنيا بتبقى طبيعية
يا ريت لو حد يقدر يفيدنى فى الحكاية دى وشكرا لجميع الإعضاء
يبقى معنى كده ان وحدة الرفع مابتفصلش لما الازاز يوصل للاخر
روح لحد يراجعلك التوصيلات فى فرده واصله غلط
عندى بردو نفس الانزار ووحدات الرفع لما بترفع الازاز بتعمل نفس الصوت كأن حد خبطها مثلا و دة عشان تنبهك ان الازاز كان مفتوح و اللع اعلم ..
الأنذار بتاعى وولف ووحده الرفع بردو وولف وما بيعملوش كدا ربنا يستر عليهم هههههههههههههههههه
الظاهر انها فره
زى ما قلتلك التوصيلات فيها حاجه غلط
يأما بقى لو انت مركب زرار للشنطه او الكبوت ممكن يكونو علقو وهو اللى بيخليهم كدا
يأما انت بتبقى سايب نور الصالون مفتوح
او فى زرار من زراير النور بتاعت البيبان بايظه دعبس كويس وانت هتوصل
التوصيلات ما اتغيرتش من ساعة ما ركبت الإنزار وكان كله تمام بدون مشاكل !اقتباس:
المشاركة الأصلية كتبت بواسطة m.mostafa80
انا عندي نفس الفيلم دا بالملي
القزاز يرفع وهب الانذار يديها ههههههههههههه
اه انا عندي مفتاح شنطه في الريموت
طيب ياريت تراجع على زرار الكبوت والأبواب الأول قبل ما تلعب فى اى اسلاكاقتباس:
المشاركة الأصلية كتبت بواسطة waleed_home
انا زارار الكبوت عندى كان بيعمل التهييسه دى
لو تمام
يبقى ياريت تبص جوا وحده الأنذار نفسه هل فى مياه دخلت جواه مع الغسيل من غير ماتاخد بالك
او لوحده الرفع نفسها
اقتباس:
المشاركة الأصلية كتبت بواسطة m.mostafa80
عملت كل حاجة ومافيش فايدة
بص يا سيدى الموضوع ده حصل معايا فى اللانوس قبل كده . و المشكلة كلها حتتحل لو انت خفضت حساسية السنسور شوية . لأنك لما بتقفل بالريموت الأنذار بيشتغل و الزجاج لما بيخبط فى الأخر الأنذار بيضرب ، وطى السنسور و المشكلة إن شاء الله تتحل .
ان شاء الله اجرب و اقول لك النتيجةاقتباس:
المشاركة الأصلية كتبت بواسطة ahmedfra
بعد التجربةاقتباس:
المشاركة الأصلية كتبت بواسطة ahmedfra
كلام حضرتك صحيح و المشكلة طلعت فى ان الزجاج بيخبط خبطة بسيطة وغير ملحوظة و هى ال بتشغل السنسور
الف شكر على المساعدة
الف شكر و اى خدمة