استفسار بخصوص ال 405 الإيارني

يا جماعة أنا محتار في أمر البيجو 405 الإيراني .. سعرها مناسب .. بس فيه ناس حذرتني منها و هما مش راكبينها (سماعي) .. هي موديل 2007 و مش معدية 50 ألف كيلو و السعر 47 ألف جنيه ..

أنا احتياجي ليها مشوار الشغل الصبح حوالي 30 ك يوميا و علي الأقل مرة أو مرتين في الشهر (القاهرة الأسكندرية الصحراوي)

بس معرفش حاجه عن قطع غيارها و لا عن ثباتها .. لو حد يعرف حاجه عن ثباتها في حوالي سرعة 140ك/س
يا ريت يقولي

لأني محتار بينها و بين اللوجان و الكليو .. و اللي معايا 40 بالعافية و حتصرف و شكلي حتصرف في ال 7 الباقي

أنا من عشاق العربيات الفرنسية بالرغم من انها اول سيارة حجيبها
شكرا لكم

السلام عليكم..لو حضرتك قصدك الروا...حضرتك هى عربية جميلة جدا بس ليس لها قطع غيار تماما غير إ، أدائها طبعا أقل من ال405 العادية .....أنا أرشح لحضرتك اللوجان وربنا يوفق حضرتك

المشكلة إنه نزل منها شحنة واحدة ثم لم يقم الوكيل باستيرادها مرة أخرى ؟؟؟
لماذا ؟؟؟ أمر يدعوا للشك رغم إنها شغالة في العراق زي العفريتة

المشكلة الأكبر قطع الغيار لازم تتأكد إنها موجودة

لو حضرتك من عشاق السيارات الفرنساوى ،، أفتكر مش هتحس فيها بروح الفرنساوى ونعومته ، انا مش شايف إنها فرنساوى
لا الموتور ولا العفشة،
وممكن ترجع لمعلومات عنها فى المواضيع المثبته
وربنا يوفقك

انت ممكن تجيب الموديلات من90:95
لأن الموديلات دي فرنساوي وسعرها مهما تكون حالاتها مش هتعدي الربعين

العربيه دي بالذات ملهاش علاقه بال 405 لأن تركبيتها مختلف اولا دفع خلفي يعني غير 405 الفرنساوي معني كده ان قطع غيارها قليله جدا و اساسا هي مش منتشره و اعتقد اللي اشتري العربيه دي انخدعوا فيها يا باشا انت ممكن تجيب بالمبلغ اللي معاك شاهين موديل عالي او لادا كسر الزيرو هتكون عمليه اكتر