رحلة في قطر الصعيد .... وابور الساعة 12

**MaZaGAngeE** · 23-07-2010 02:26 PM

من أحلى أغاني فريد الأطرش يا وابور الساعة 12 يا مقبل ع الصعيد .
و فيه أغاني تانية كتيره كلها بتغني لقطر الصعيد
كمان فيه أغاني فلكلورية لحد دلوقتي عن القطر
ياريت كل اللي عارف أغنية يحطها هنا

طبعا عمرنا ما سمعنا عن قطر اسكندريه و لا طنطا و لا أي بلد بحري و لا حتى الاوتوبيسات بتاعتهم
دي ميزه خاصة جدا بينا احنا أبناء الصعيد

كل ده كنت بفكر فيه و انا راكب قطر الصعيد مبحر على مصر في رحلة مفاجأة و مفيش مواصلات خالص قلت اركب قطر الصعيد و اهه يفكرني باغاني جميلة ( هند رستم كانت بترقص في القشاش )
و لكن زي أي حاجة حلوة في مصر القطر قذر بصورد لا يمكن وصفها , ريحة الحمام اللي في آخر العربية ( ارضيته نصها مفتوح على الأرض ) واصلة نص العربية
الناس اللي راكبة عنيفة بشكل غير مبرر و لا معقول , الكمساري بلطجي و قليل الأدب بدون أسباب , القطر وقف تخزين نص ساعة و كان واضح ان ده طبيعي لأن الناش كانت قاعده عادي جدا و أغلبهم نزل من القطر قعد في الأرض لحد ما القطر زمر ركبوا,
الباعة الجائلين شكلهم هربانين من السجن و أشكالهم مريبة جدا , و بضاعتهم رخيصة لدرجة اني أظن انها مسروقة , طبعا همه كتير بشكل مبالغ فيه ,

الله يرحم قطر الصعيد اللي غناله فريد و رقصتله هند رستم
و أنا غلطان و مش هعمل كده تاني

**nab!l** · 23-07-2010 02:31 PM

عمرى ماركبت قطر ولا هركب

**factorialx** · 23-07-2010 02:40 PM

أنا مره كنت في الأقصر و كنت عايز ارجع مصر و مش حاجز فرحت المحطه قالي لأ مافيش درجه أولى و لا تانية دلوقتي في مميز هيجي بعد ساعه قلت قشطه مميز أكيد فيه ميزه
رحت راكب و كانت رحلة مايعلم بيها إلا ربنا 12 ساعه أتاريه القطر القشاش زي الميكروباص بالظبت يمشي 10 دقايق و يقف نص ساعه و البياعين اللي فيه ينهار أبيض و المية المعدنية معبأه بس بطريقتهم
و الأته اللي بربع جنيه

أنا كان هيجيلي شلل رباعي ساعتها و كنت قاعد جنب جماعه صعايده بيتكلموا على واحد عليه تار و قصص رعب و سسبنس و لا أجدع فيلم

الواحد مش بيتعلم ببلاش برضه

**MaZaGAngeE** · 23-07-2010 02:57 PM

المشاركة الأصلية كتبت بواسطة nab!l

عمرى ماركبت قطر ولا هركب

اوعى تعملها ‏
أنا عامل الموضوع عشان كده محدش يركب قطر ده بهدلة مالهاش حل

**MaZaGAngeE** · 23-07-2010 03:16 PM

حاجة كمان الموبيلات الصيني الشباب مشغلينها على اغاني عجيبة معاني كلماتها توجب الوقف الدائم عن المنتدى و صوتها عالي جدا و ده بيحضل مع ان تقريبا نص العربية ستات !!!!!
الصعايده حصلهم ايه

**elassar2010** · 23-07-2010 03:20 PM

الله يكون فى عون الى بيعتمد على القطارات بشكل دائم

الى عايز يركب قطار يركب الديزل بس يظبط الموظف الى بيقطع علشان يديلة تذكرة
هو القطار زبالة من جوة بس بيجى فى مواعيدة وليك كرسى يعنى هتعد

**نور القمر** · 23-07-2010 03:26 PM

عايز تركب قطر وتستمتع بجد اركب الاسباني درجة اولى
انا ركبت القطر مرتين من كام سنة رايح راجع للمنيا
وانا رايحة ركبت الاسباني كان تحفة ومحستش بالطريق وانا راجعة ركبت الفرنساوي درجة اولى مكنش كويس زي الاسباني

**MaZaGAngeE** · 23-07-2010 03:52 PM

من داخل قطر الصعيد أحدثكم
منتجات جديدة ظهرت فس الاسواق المصرية قصدي القطارات المصرية
المياه المعدية ( الواد بينده كده ) بنص جنيه زجاجة المياه اللتر طبعا مليانة من ترعة
كتاب الف رسالة محمول لحبيبتك
كوباية المية الساقعة المتلجة و الراجب شايل حاجة زي بتاعة العرق سوس بتاع زمان بس بيبيع مياه
رغيف طعمية و مخلل و خيار و طماطم و اتة بجنيه
طبعا ده غير الولاعات و الفلايات و النعناع و الفرش و الحاجات القديمة دي و عصير مانجا فريش متلح بجنيه

**MaZaGAngeE** · 23-07-2010 03:54 PM

باقي محطة على الجيزه و اوكازيون القطر بدء
التلات زجاجات مياه بجنيه بعد ما كانت بجنيه و ربع في المنيا

**Ahmed Nouh** · 23-07-2010 05:25 PM

ههههههههههههههههههههه , الله يعينك

انا ياما قضيت ليالى فى قطارات الصعيد المميزة والدرجة الثانية والاولى

صدقنى كل اللى يفرق بس ان الكرسى اكبر

لكن نفس الازعاج وعدم الراحة والدوشة , هو النوم مفيش غيرة

الموضوع: رحلة في قطر الصعيد .... وابور الساعة 12

LinkBack

أدوات الموضوع

عرض

رحلة في قطر الصعيد .... وابور الساعة 12 - انشر الموضوع فى :

-

-

-

-

-

-

-

-

المواضيع المتشابهه

رجعت من رحلة العمرة (بل رحلة العمر)

من الساعة 12 الي الساعة 5 في السبع

الكلمات الدلالية لهذا الموضوع

المفضلات

المفضلات

ضوابط المشاركة