الموضوع: الانسر الـ2010 سقطت من نظرى و شركة متسوبيشى بتستهبل!

من أول ما نزلت الانسر الـ 2010 بالفتيس الاستبترونك و انا مركز معاها و كنت بفكر اجيبها عشان مكنتش معجب بالفتيس الـcvt اللى كان موجود لغاية 2009 مع العلم انى معايا بومه 2006 1600 مانوال و كنت بفكر اغير لأتوماتك.


من الأخر عشان منتوهش عن اللى عاوز أقوله عن الانسر 2010 ........ العربية ده واضح انها متشال منها حاجات كتير و معمولة بنظام سلق البيض و اليكم ملاحظاتى بالترتيب لغاية أخرها امبارح و ذهلت منها.


1- أول ملاحظة كانت أول لما البشمهندس طارق اعلن عنها و لاحظت انها استبترونك و لكن لا يوجد أزرار تحويل +و- فى طارة الدركسيون عكس ما هو موجود بالكتالوج بتاع العربية عن الموديل الإسبترونك و انه اساسى معاه هذه الزراير فى الطاره و ساعتها عملت موضوع فى ذلك ورد عليا البشمهندس طارق و قال ان ده بينزل فى أوروبا فقط!!!!!!


2- من مواضيع الإخوة فى المنتدى و تقييمهم للسيارة تبين لى عدم و جود لمبات إنارة للولاعة و طفاية السجاير و ولا حتى لنقلات عصاية الفتيس!!!!!!!


3- د.عمرو فى تقييمه لاحظ عدم و جود الأغطية البلاستك اللى بتغطى مسامير فرش الأبواب!!!!


4- الشنطة لازم تترزع عشان تقفل (عيب شائع فى 2010 ) و إن كان بيتزبط بسهولة فى التوكيل و لكنه مكانش موجود قبل كده.


5- و ده أخر ملاحظة شوفتها بنفسى و صعقت لما شوفتها امبارح بالصدفة..............................

اليكم المفاجأة..............


الانسر الـ 1600 مشهورة بالعفشة الرياضية و وجود عمود اتزان فى العفشة الخلفية و ده من ضمن الحاجات اللى بتميزها عن الـ 1300 و لكن للأسف الانسر ال1600 موديل 2010 ما فيهاش عمود الإتزان الخلفى (مش موجود).



بعد كل ده بجد الله أعلم ايه اللى متشال منها تانى؟؟؟!!!!!

ده اسمه استهبال و استغلال لجهل أغلب الناس بالتفاصيل التقنيه ده و بجد بقه عندى قناعه ان الانسر ال2010 ده اى كلام.

فعلاً شايلين منها حاجات ورخصو تمنها عليهم وغلوه على المستهلك لجهله علماً بان الـcvt اغلى من الستيب ترونيك بس هما لقو انهم ممكن يشتغلو الناس بحوار النقلات ليه لأ!!!
والميزان ده في ناس كتير متعرفوش والراجل قال نخفف الحمل ومحدش هياخد باله واحنا هنكسب

انا شفت البومه الاستيراد الاوروبي والامريكي في الحرفيين حاطين شاسيه حديد عليه فوم في ضهر الاكصدامات وحاجه محترمه مش زي عندنا تمسك الاكصدام يروح وييجي معاك ،وما خفي كان اعظم

بجد توكيل نصاب ويحرق الدم وكويس انه راح خلاص لانه كان بدأ المشي على طريقة منصور في تقليب الزبون