أحداث مقالب الجين تو :)

**Tarek Gen 2** · 23-07-2010 04:11 PM

المرادى بقى حاجة معرفش جديدا ولا لا
الازاز القدمانى يمين مبينزلش غير لنصه بس انما الباقى كله عادى
يا ترى دى مكنة ازاز ولا ايه بقى مع العلم انه عمل كدا فجأة لوحدة

وانا جربت اعمل المجرى بتاعة الازاز و ارشها بالاسبراى و جربت ازق الازاز خفيف كدة بايدى و مش راضى بحس انه بيجى فى نص نزلته كدة و يفرمل ميرضاش ينزل مش بيخبط فى حاجة بس بيقف

و فى صوت طقطقة من الدركسيون كدة و غير مرتبط بتكسير الطريق بص ساعات بيروح و ساعات لا
معهرفش ايه ده بقى مع انى لسة عامل 5000 كيلو

**eng.m7md.ali** · 23-07-2010 04:18 PM

متقلقش من حكايةمكنة الزجاج دي
انت شيل فرش الباب وركب فيشة المكنة كويس لان حصل كدة عندي وكان سعات بيقفل وميفتحش او بيفتح وميقفلش وبالنسبة لصوت التكتكة ده عندي بس نفسي الاقي حل

**Nistelrooy** · 23-07-2010 04:19 PM

ان شاء الله تلاقي حل
لو مالقتش ع التوكيل ..

**A. Ibrahim** · 24-07-2010 01:08 AM

لا ان شاء الله بسيطه بس هتطر تروح التوكيل و ان شاء الله تخلص في نفس اليوم

**Tarek Gen 2** · 24-07-2010 01:31 AM

تمام الحمد لله يا اخوانا الطقة راحت لوحدها
و الازاز بقى واحد صاحبى معاه جين قالى حصلت معاه و فك فرش الباب و لقى فلينة بيضا كدة واقعة و حايشة الازاز انه ينزل و قاللى اجرب و جربت و قد كان
عملت زى ما قاللى و الحمد لله تمام
الفلينة دى سايبة على فكرة و ممكن تحصل مع اى حد خدو بالكو للافادة محدش يقلق لو لا قدر الله حصلت معاه يفك الفرش و هيلاقة الفلينة دى و ليها مجرى متركبش غير فيه محدش يخاف يعنى يركبها غلط
ربنا يوفقنا كلنا و يبعد عننا المقالب