الموضوع: لو معاك 500 الف تجيب عربية ولا كذا عربيه

المشاركة الأصلية كتبت بواسطة dr.amr

متفق مع كلامك كله

ماعدا موضوع اني ممكن اتحوز وافتح شركه واجيب فيلا ب 500 الف

500 الف يدوب يجيبولك شقه معقوله في حته كويسه وليست راقيه

يا باشا انشالله نحجز بيهم شقة ..... :) بلاش حكاية الفيلا دي علشان مبالغة شوية :)

المشاركة الأصلية كتبت بواسطة dramir1

كل واحد وظروفه ال500 الف جنيه دي ممكن تجيب بيها عربيه لو انت معاك ادها على الاقل 4 مرات يعني يكون معاك 2مليون كمان ويكون عندك شقه مناسبه لاسرتك ......لكن لو ال 500 الف هما كل اللي معاك يبقى تجيب
عربيه في حدود 150 الف فقط وتخلي الباقي معاك لمشروع او للزمن لاي ظروف محتاج فيها فلوس
واللي يجيب عربيه ب 500 الف لازم يكون معاه حق مصاريفها
ورايي ان مش حرام انك تجيب عربيه ب500 الف لو معاك فلوس كتير ومؤدي للزكاه والصدقات ومكفي بيتك
وبتصل رحمك ومراضي اهلك
ويكون الفلوس من حلال طبعا

كلام تمام

والله يا جماعة انا احب اشكركم كلكم بلا استثناء
بصراحة كلامكم كله مفيد وكلها وجهات نظر تحترم جداً

بص انا في عندي كام تعليق على بعض الآراء اسمحولي ارد عليها في مشاركات مستقلة
واشكركم على تفاعلكم معايا
وانا برده عندي وجهة نظر في الموضوع دا مبنية على كذا حاجه لاحظتها في حياتي العملية واستفدها من مشاركتكم في الموضوع ده

بس اسمحولي هاقولها في آخر الموضوع علشان اقدر استفاد باكتر معلومات ممكنة من رأيكم

وبالتالي فهي هاتكون تقريباً ملخص لمشاركتكم معايا في الموضوع دا

المشاركة الأصلية كتبت بواسطة ahmedbibo

كلامك منطقى بس بالسعر ده ممكن تجيب عربيه احلامك بره ياعنى ممكن تجيب لمبورجينى ولا حاجه امال فى مصر اخرك هوندا اكود او اودى او بى م ام مرسيدس

انا شايف ان حرام الواحد يدفع فعربيه 500 الف جنيه قميتها الفعليه 100 الف جنييه عارف انت لو روحت عيشت فى السعوديه المبلغ ده يجبلك عربيه محترمه سكن محترم مشروع وشركه محترمه احسن من العيشه هنا

انا على فكره روحت السعودية فترة وشوفت الكلام الي حضرتك بتقول عليه وعلى فكره الكلام دا مش في السعودية وبس دا في دول كتير جداً ممكن تعمل كدا زي الامارات والبحرين وغيرها كمان لان ماعندهمش الجمارك الي عندنا ولا الشوارع الجميلة بتاعتنا ولا حتى الزحمة وعشوائية السواقة الي في بلدنا ولا عربيات من السبعينات زي عندنا

بس للاسف احنا في مصر ودي بلدنا ودا مش بمزاجنا على فكره وخلي بالك مافيش بلد هاتقبلنا زيها وغير كدا مش كل حاجة بره حلوه
فمهما الواحد عاش بره بيبقى نفسه يرجع بس للأسف بيبقى صعب جداً انه يرجع لاسباب كتير بس انا مش عاوز اخرج بره موضوعنا

والي انا فهمته من حضرتك انك تفضل تشتري اكثر من عربيه بدل ما تدفع 500 الف في عربيه واحده لأن للأسف مافيش بديل ثالث في الاختيارات غير دول

المشاركة الأصلية كتبت بواسطة ahmedbibo

ياعنى عايز تجيب عربيه فى مصر سعرها لا يزيد عن 250 الف جنيه اكتر من كدا حرام فيها الفلوس

ده الفورد موتسنج سعرها 26 الف دولار بتباع فى مصر فوق ال 500 الف جنيه ياعنى زياده 400 الف تقريبا ده ميجبلكش سكن محترم و شركه محترمه بره وعلى الاقل مش هتدفع وانت خصران يا راجل ديه الكورولا بره ب 70 الف جنيه واحنا فى مصر بتباع ب 140 الف جنيه

60 % شامله الضرايب و الجمارك من تمن العربيه ال 1600 سى سى

و العربيات الى فوق 2000

135 % + الضريبه ياعنى دبح

منهم لله

انا معاك في الجزء الأول 100% وهو اني مادفع اكثر من 250 الف في عربيه في مصر

اما الجزء الثاني فللأسف هو دا الواقع في مصر
وكمان موضوع السكن دا مش هاينفع لان مش مفترض اني اجيب أي حاجه بالمبلغ دا غير العربية فقط ودا كان شرط الموضوع من الاول

المشاركة الأصلية كتبت بواسطة heshaaam

هجيب شيروكى وبى ام كسر زيرو واجيب جولف زيرو

وجهة نظر تحترم بس هل هاتجيبهم في سنة واحده؟؟؟؟؟