الموضوع: خدمات اللايف في فودافون و اتصالات و موبينيل

موضوع طلع في دماغي مره واحده عن خدمات اللايف اللي من اللي شايفه حواليا في الجامعه ان
هو في خدمات جميله جدا الناس مش مستغلاها او مش عارفاها يعني عندك مثلا ممكن تفتح ايميلك من الموبايل و قعد تدردش شات طول اليوم كل ده بجنيه واحد بس يعني تكون اونلاين طول اليوم و انت بتسوق و انت في المواصلات و انت في الشغل او في السكشن بتاعك او في المحاضره و اتحدى الملل ده انا حته ببقى اون لاين حتى وانا في الحمام او تحت البطانيه نايم و من ناحيه التوفير مفيش ارخص من كده نحن نحطم الاسعار ده ارخص سايبر في مصر الساعه بجنيه فما بالك ب 24 ساعه
نخش بقى في الموضوع انت محتاج طبعا 3 حاجات عشان تشترك في الخدمه

1-موبيل - من 6600 وطالع ده بالنسبه لنوكيا اللي انا بفهم فيها - و في خط -اكيد طبعا - و يستحسن يكون فودافون او اتصالات عشان اليوم بجنيه او بمعنى اصح ال 5 ميجا بجنيه طبعا في ناس كتير بتقول 5 ميجا قليل جدا بس بالنسبه لل5 ميجا لو استغليتهم شات بس و قعدت تشيت طول اليوم مش هتعمل غير ميجا بالكتير اوي لكن لو هتتصفح هيخلصوا منك في في ساعه اما بالنسبه لموبينيل عشان لسه مدخلتش الجيل التالت فسعر الكيلو قرش و نص وده غالي جدا و بيستنزف الرصيد بطريقه فظيعه يعني موبينيل الميجا فيها ب 15 جنيه اما اتصالات و فودافون اول ما تفتح الواب يسحب جنيه من الرصيد مقابل 5 ميجا و لو خلصوا منك كل ميجا بعد كده ب 5جنيه ف الميجا ب 5 جنيه

2-تشترك لايف وده ممكن يتعمل بكذا طريقه في اتصالات تبعت رساله فيها كلمه لرقم 250 الرساله دي مجانا و هيبعتلك رساله اول متجيلك تعملها حفظ و خلاص تكتب في الرساله كلمه set
اما في فودافون تتدخل الكود ده *888*4# من اليمين للشمال و هيبعتل رساله برضه تعملها حفظ و دي كمان مجانا
اما موبينيل تكلم خدمه العملاء على 110 و تقولهم عايز اشترك لايف و بعد الاسئله الممله كالعاده عشان يتأكدوا انك صاحب الخط زي اخر كرت شحنت بيه و نظامك او الرقم السؤي و كنت لابس ايه يوم ما اشتريت الخط -اكيد بهزر- برضه هيبعتولك رساله و تعملها حفظ برضه
*الرسايل اللي بتيجلك دي و بتعملها حفظ بيكون فيها اعدادات الشبكه عشان تشتغل الخدمه بصوره كويسه و بيكون فيها الaccess
point

3- اي برنامج مسنجر عشان تفتح من عليه الايميل وده 100 نوع و موجودين على النت بالعبيط و اشهر الانواع هما ebuddy
messenger and agile messenger ودول موجودين على كل منتديات الموبيلات
و على فكره البرنامجين دول زي الياهو مسنجر و زي الام اس ان مسنجر بالضبط و فيهم 90% من امكانيتهم لأنهم بيفتحوا الاتنين مع بعض

*اجمل استغلال للخدمه على سبيل المثال وليس الحصر انا و اصحابي كلنا حاطين مسنجرات في موبيلاتنا و سايبينها اونلاين طول اليوم و بدل ما نكلم بعد مكالمات طول اليوم او رسايل نبعت لبعض مسجات فوريه........... يا عيني عالصبر

و انا تحت امر اي واحد عايز يعمل الموضوع ده على موبيله او عايز يستفسر عن اي حاجه في الموضوع

شكرا ع الموضوع المفيد