فى اهرام الجمعه اليوم 23 يوليو اعلان عن عربيه اسمها ايجل - متجمعه فى الهيئه العربيه للتصنيع وسعرها 135 الف وبيقولو 4*4 و2000 س س
فى التمانينات كان فى عربيه امريكانى تقريبا كانت من شيفوروليه اسمها ايجل برضه وكانت - بالنسبه للوقت ده غريبه الشكل- وفيها كتير من العربيه اللى فى الاعلان - بس دى منظرها جايه من الصين
يا ترى حد عنده معلومات
ايه يا خونا - ما حدش شاف الاعلان الا انا ولا ايه ؟؟
انا شوفت الاعلان و اعتقد دية هيونداي توكسان الموديل القديم و مصنعة في شركة في الصين و متجمعة في الهيئة.
ايه ده - دى عيل تايه ولا ايه - كوريا والصين وبعدين اتحدفت علينا ؟؟؟؟؟
شوفتها مقطورة يوم الخميس ورايحة تتصلح فى الهيئة العربية للتصنيع:36_1_40[1]:
بس مش غريب, ال byd f3 نفس الكلام كورولا الشكل القديم مصنعة في byd الصين و مجمعة في مصر."ياباني, صيني, مصري"اقتباس:
المشاركة الأصلية كتبت بواسطة samcar
انت غالبا بتتكلم عالكومودو اللي بتكسر اكسات ؟؟؟اقتباس:
المشاركة الأصلية كتبت بواسطة yobaaa
لأ أنا قصدى على الايجل ....و على فكرة العربية بقالها فترة نازلة مصراقتباس:
المشاركة الأصلية كتبت بواسطة adham
اقتباس:
المشاركة الأصلية كتبت بواسطة yobaaa
ازاى الكلام ده - ده بيقولوا اول انتاج وتسليم حيكون فى سبتمبر الجاى ؟؟؟
يمكن اللى شفتها عربيه كانول بيعملوا لها اختبار سلامه- هههه
طيب لو حد معاه العربيه ياريت يقيمها لنا
طيب ما عندك عربية زى الهوفر بتاعة البافارية كانت نازلة بقالها فترة برضه و محدش حس بيهااقتباس:
المشاركة الأصلية كتبت بواسطة samcar
لا فى كلام عن الهوفر فى منتدى الدفع الرباعى وبرضه بيعملوا دعايه عن انها حتتجمع محلى - اما الايجل دى اول مره اسمع عنها من الاهراماقتباس:
المشاركة الأصلية كتبت بواسطة yobaaa
معقوله ما حدش عنده معلومات عن العربيه - حتى خارج مصر ؟؟؟
يا باشا انا شوفت العربية دي في معرض اوتوماك اللي فات، وهي صيني نفس بودي وشاسيه الجيل الأول من هيونداي سانتافيه وفيها موتور 2000 توربو، والعربية تحس ان تقفيلها مش كويس وخامات الصالون جودتها مش ولابد، والراجل كان بيقول انها اوتوماتيك بس هي تقريبا automated manual زي الايزي ترونيك.
وكان لي موقف ظريف مع الراجل بتاع المبيعات اللي كان واقف جنب العربية، كنت بسأله العربية دي موتورها مواصفاته ايه فرد علي العربية دي موتورها 2000 سي سي توربو 130 حصان، قلته متأكد من اللي انت بتقوله ده قالي طبعا حتى حضرتك بص شوف البورشور مكتوب فيه 130 حصان.
قلته طب افتحلي الكبوت علشان اتأكد ان الموتور تربو فعلا، واول ما فتح الكبوت لقيت الانتركولر في وشي وتحته بشوية التربو، بس مش معقول موتور زي ده و 130 حصان بس، قلت ابص على بالتة معلومات العربية اللي بتبقى في الحوض لقيت مكتوب عليها قدرة الموتور 130 كيلووات يعني تقريبا 175 حصان صافي، وفهمت الراجل ان الكلام اللي بيقوله للناس غلط، بس برده اعلان العربية نزل بيقول ان الموتور 130 حصان.
معلش معنى كده انها موتور كويس- وبودى تعبان !!!!!اقتباس:
المشاركة الأصلية كتبت بواسطة m_a_gamal
مش كل بتوع المبيعات دول بيبقى عندهم خلفية فنية عن المواصفات و تلاقي 90% منهم مايعرفش ان الحصان 746 وات ههههههههاقتباس:
المشاركة الأصلية كتبت بواسطة m_a_gamal
بس بصراحه حاتبقى سابقة انهم ينزلوا في مصر عربية 4*4 تربو و بانتر كوولر كمان
العربية دي بنزين وللا ديزل ؟؟؟ ههههههههههه
ياباشا عيب عليك , ودي تفوتنا برضة , دة انا عامل التست درايف و مقيمها و كاتب عنها موضوع من ييجي سنة و نص تقريبااقتباس:
المشاركة الأصلية كتبت بواسطة yobaaa
حاتلاقي لينك لية في موضوع جديد في قسم الدفع الرباعي تحت عنوان : مواضيع مطلوب نقلها للقسم
و لسة مستنيين الادارة ترد علينا و تنقلهم للقسم هههههههههه