الحقونى يا جدعان فى عرضكو انا فى مطروح و محتاس

**zocor742** · 24-07-2010 02:47 AM

طيب ياجماعة لو في المنتدى
من مطروح يقابل الراجل و يحاول يساعدة .
ماهو مش معقول مفيش حد من مطروح فى نايل موتورز

**Dr Ahmed** · 24-07-2010 02:51 AM

أنا لما كنت فى مطروح وعملت حادثة السنة اللى فاتت لقيت هناك صنايعية كويسين وأمناء كمان

لازم صاحب المشكلة يسأل أحد السائقين هناك اللى يتوسم فى وشهم الصلاح عن ميكانيكى ويروح يكشف عنده على العربية لزيادة الاطمئنان فقط

إنما عودته بالسيارة فى وضعها الحالى آمن بإذن الله طالما مش هيقرص على العربية فى الرجوع

**ahmedhilmy** · 24-07-2010 03:34 AM

المشاركة الأصلية كتبت بواسطة dr ahmed

أنا لما كنت فى مطروح وعملت حادثة السنة اللى فاتت لقيت هناك صنايعية كويسين وأمناء كمان

لازم صاحب المشكلة يسأل أحد السائقين هناك اللى يتوسم فى وشهم الصلاح عن ميكانيكى ويروح يكشف عنده على العربية لزيادة الاطمئنان فقط

إنما عودته بالسيارة فى وضعها الحالى آمن بإذن الله طالما مش هيقرص على العربية فى الرجوع

زي ما قال الدكتور احمد انا لسه راجع من مطروح الاسبوع اللي فات اغلب التاكسيات هناك بين اكسنت فيرنا و لانوس يحاول يسأل احد السواقين علي ميكانيكي كويس حتي لو مش هيعمل شغل عنده اه يطمن و يطمنا و ربنا يرجعه لبيته و اهله بالسلامة ان شاء الله .

**maiasn2000** · 24-07-2010 01:23 PM

انا مش شايف ردود من صاحب الموضوع الاصلي الا قليله تعرفوا ايه السبب؟؟؟
السبب بسيط هو انكم نسيتم صاحب المشكله الاصليه ومشكلته وقعدتم تتخانقوا علي مي يعرف ومين مهندس ومين المفروض هو اللي صح
علي العموم انا برضه مهندس بس علمي مش اكتر من خبرتي قبل ما اكون مهندس ياجماعه اهدأو وخدوا الامور ببساطه الهدف هنا اننا نساعد بعض مش نتخانق
وللمره الاخيره اتنا باقول لصاحب المشكله يا اخي لاتجازف ولا تخاطر بحياتك وحياة اللي معاك ولو استدعي الامر انت تسافر بيها لوحدك وهما يرجعوا باي طريقه تانيه لانها ممكن قوي تعملها معاك في الطريق حرام تبهدل الناس اللي معاك وتوصل انت ويوصلوا هما بالف سلامه

**M.Zaher** · 24-07-2010 02:00 PM

اكيد صاحب المشكله مش فاضي يخش على النت ولما يخش هايلاقي موضوعه بقى بتاع ست صفح فهايقفل
ان شاء الله تطلع المشكله بسيطة و يرجع بالسلامة
و على فكره يا بشمهندس سمير هيا انطر لووووب

**mahmoudbadr** · 24-07-2010 02:22 PM

غالبا هى مسكلة دبرياج ( ديسك) لأنها حصلت معايا

و أول غيار كان مشراضى يتحط كمان فى مكانه هو الخامس و باقى الغيارات

كانت شغالة كويس و كنت بأمشى على الرابع

لغاية 120 و أجى أدى الخامس لا يمكن

و بعدين ان شاء الله الفتيس مفيهوش مشكلة لأن صاحب الموضوع

قال إنه مشى 130 كم على هذا الحال

المشاركة الأصلية كتبت بواسطة namla

فكيك و حاولت اجيب الخامس تانى لقيت ان العصاية بتروح فى مكانها الطبيعى لكن المشكلة مازالت قائمة فى الاخر مشيت حوالى 130كم على الرابع ما بين 80/ 90 حاجة زل يعنى

**A.Saad** · 24-07-2010 05:58 PM

المشاركة الأصلية كتبت بواسطة samirayad

وبالتالى الخامس مش ماشى معاك كويس

لأن ترس الخرج بتاعه صغنون ( زى البقلاوه )

وعاوز قدره منقوله كبيره من المكنه دون فقد كبير ( بسبب دبرياج مفوت )

وبما أن الدبرياج ممكن يكون عملها ( بسبب حرقك الغير معتدل على الغيارات )

باشمهندس سمير
ممكن توضيح ازاى الحرق على الغيار يسبب تلف الدبرياج

**samirayad** · 24-07-2010 08:29 PM

المشاركة الأصلية كتبت بواسطة a.saad

باشمهندس سمير
ممكن توضيح ازاى الحرق على الغيار يسبب تلف الدبرياج

:u_thin1[1]::u_thin1[1]:

الدبرياج بيسمى فى لغة الهندسه (كلاتش ميكانيكى )

أجزاؤه الأساسيه ( الأسطوانه ووش الديسك ووش الفلام ) بيتمسكوا ببعض من خلال ميكانيزم هندسى موجود داخل

منظومة الديسك ( شوية سوست ورقيه وصوابع حديد متوزعه على داير الديسك )

طبعا كل الأجزاء دى بتبقى ملمومه ومعشقه تحت تأثير قوة السوست

وأى سوست بتتعرض لأجهادات ميكانيكيه عاليه ( زى سوست الديسك )

بتخسع شويه مع الأيام ووقوعها تحت الأجهاد الميكانيكى

لما بتتطرى السوست دى ( وتفقد جزء من صلادتها وقوتها )

مبتبقاش قادره على القيام بوظيفتها مائه فى المائه ( ووظيفتها لم المكونات بقوة ترابط عاليه جدا )

زى حالتها الأولى ( عجزت شويه بمعنى أصح )

لما بأجى أنا وأفرك بالعربيه وأجيب سرعات قريبه من الرد زون

والسوست عجوزه

بتتغلب قوة المكنه ممثله فى وش الحدافه على القوه اللى سوست الديسك

مجمعه بيها المجموعه

ومن هنا بتتفصص مكونات الدبرياج ( بمعنى قريب شويه )

ومن هنا بتختل قوة النقل للقدره من المكنه للفتيس

لأنها قوة أحتكاكيه وتحت تأثير سخونه عاليه جدا

_________________________________

وحقولك على مثل سهل أوى ( علشان موضوع الدبرياج والديسك محتاج تخصص شويه)

لو حطيت كف أيدك اليمين وخليته ملاصق بقوه لكف اليد الشمال

وحاولت تفرك الكفين بين بعض

وأستطاع الكف اليمين فرك الكف الشمال والحركه عليه

كأنك بتدفى أيدك فى الشتاء

هو ده اللى بيحصل جوه مكونات الدبرياج

الكف اليمين ( هو الفلام ) ...........والكف الشمال ( هو وش الأسطوانه المواجه للفلام )

ده تشبيه بسيط كده من أجل التقريب

لما بيحدث من تفويت داخل الدبرياج ( مع تقدم السن )

نتيجة الحمل الميكانيكى العالى وأنت حاطط الأكسراتير على أرضية السياره

وموصل سرعة المكنه للرد زون

المشاركة الأصلية كتبت بواسطة hosar

شكرا على كل من شارك بجد استفدت و معلش يا م/ سمير انت الخير و البركة
و كما قال احد الأمة ( الشافعى).... رأيي خطأ يحتمل الصواب و رأيي غيرى صواب يحتمل الخطأ

الله يخليك

وصدقت وصدق الأمام الشافعى ( رضى الله عنه )

**احمد ابراهيم** · 25-07-2010 10:28 PM

السلام عليكم
جزاكم الله عنى خير الجزاء لما قدمتوه من نصائح و معلومات قسمة بالفعل
اولا المهندس سمير عياد شكرا جزيلا على المعلومات القيمة و سيتم عمل التعليمات المذكورة ان شاء الله
ثانيا بالنسبة للمهندس احمد سيد شكرا جزبلا على اهتمامك و على انك بتحاول تخلى المشكلة تعدى بسلام
ثالثا العضو الجميل محمد زاهر انا و الله قريت كل المشاركات و كان فعلا عدد الصفحات 6 بس زى ما انتو اهتميتو لازم انا كمان اهتم بس المشكلة ان الشبكة اللى كنت مشترك فيها فصلت امبارح كله
المهم بقى عايز اقولكم على حاجة
دلوقتى انا بعد الحركة دى ما حصلت معايا مشيت زى ما قلت حوالى 130 كم على الرابع
ثانيا بقالى يومين بتحرك بالعربية جوا البلد ( مطروح ) و مفيش مشاكل كل النقلات بتيجى كويسة مفيهاش مشكلة
و روحت لواحد النهارده قالى المشكة فى مجموعة الخامس لان على حد وصفة ان المجموعة دى بتبقى زى تروس و حواليها شئ يشبه الهلال و قالى ان واحد من الاتنين السن بتاعه نعم فمبقاش يمسك فى الناحية التانية

شكر خاص للاستاذ emo-ayman جزاك الله عنى خير الجزاء و شكرا جزيلا على محاولتك المساعدة و ربنا يكرمك و ان شاء الله تيجى و ترجع بالسلامة بس لما تيجى خلى بالك من الردارات متزودش يعنى و خلى بالك ان فى ردار قاعد بعد البوابات بتاعة مطروح على طول و انت داخل البلد السرعة فى الحتة دى متزيدش عن 60 كم و بارك الله فيك
شكرا لكم جميعا
و ارجو الافادة اذا كان ممكن ارجع بيها مصر و انا مستخدم الرابع بس و على فكرة انا روحت الناهرده بنزينة عشان اكشف على زيت الفتيس بس قالولى معندهومش زيت دلوقتى و بالتالى مش هيكشفو فهروح تانى النهارده او بكرة لبنزينة تانية و سيتم موافاتكم بالرد ان شاء الله اول ما اعمل اى حاجة او اوصل لاى معلومة جديدة

الموضوع: الحقونى يا جدعان فى عرضكو انا فى مطروح و محتاس

LinkBack

أدوات الموضوع

عرض

-

-

-

-

-

-

-

المواضيع المتشابهه

الحقونى يا جدعان بالرد السريييييع

الحقونى يا جدعان عاوز اقتراح لاسم شركة دعاية واعلان

الحقونى يا جدعان... كسبت هامر

الحقنى يا باشمهندس طارق.....الحقونى يا لانسروية....الحقونى يا خبرا

الكلمات الدلالية لهذا الموضوع

المفضلات

المفضلات

ضوابط المشاركة