الف مبروك علي الاصلاح وخلي بالك منها بقي
عرض للطباعة
الف مبروك علي الاصلاح وخلي بالك منها بقي
حمد لله على السلامة و متهيألى الموضوع دا أدالك تجربة متميزة
و مش عقبال حد
المشكلة دى حصلت معايا فى المتسوبيشى الجالنت وكانت مع الخامس بس فعلا وكنت بفحت بالعربية صراحة اقل شىء 160 مع ان العربية 97 المهم ناس قالولى دة حوامل موتور او كراسى ماكينة زى ما بيسموها هنا فى السعودية المهم فى الاخير لما جابت العربية منى موتور لانى كنت ماشى بيها من غير زيت هههههههههه غيرت الفتيس والحمد لله المهم المشكلة فى الفتيس والمهم انة مافيش مشكلة لو ترجع بيها على الوضع دة
بعد ما رجعت و عملت العيب و مشيت اسبوع مفيش مشاكل المهم روحت اكشف على زيت الفتيس لقيته ناقص تانى
المهم فضلنا متابعينه انا و الميكانيكى لغاية ما لقيته بيخرج من عند ماكينة عداد السرعة المهم خرجناها و لف تحت الاويل سيل اللى فيها خيط عشان مكانش محكوم كويس
و طلعت مشيت من عنده
و بعد ما مشيت و فى طريقى للبلد لقيت صوت حاجة فى الفتيس و كانها مكسورة
روحتله فك كرتيرة الزيت بتاعة الفتيس لقيت فيها جزئين صغيرين كده مكسورين نزلو مع الزيت و كان مبوظين الكارتيرة من جوا ( محفرين فيها ) تقريبا كانو بيلفو مع التروس اللى جوا فعملو كده و اصلا خرمو الكارتيره خرمين
الجزء ده ممكن يكون ايه
هو طبعا بعد ما خرجناهم ملهومش ملامح بس ممكن لو اتجمعو على بعض يدوا كده على شكل مسمار قلاووظ او خابور او تيلة حاجة كده
افيدونى افادكم الله
غالبا دى بقايا من البلى الأبرى بتاع مجموعة الخامس القديمه
والبليه دى بتكون موجوده تحت الترس بصفه دوريه وبتلف
حتى وأنت مش معشق وماشى على الخامس
والمهم الآن
هل موجود معاك مشاكل وأصوات حاليا بالشغل بالفتيس
غير موضوع الخرمين اللى بيجيبوا زيت بتوع الكرتيره دول
وهل جربت الفتيس حاليا مع كل النقلات
أطلع على هذا الموضوع
للتعرف على مكونات البلى الأبرى
NEEDLE BEARING
وشوف الأعضاء الدواره بيكون شكلها عامل أزاى جوه جسم البليه
حاجه على صغير ورفيع
شبه درافيل تجهيز عصير القصب فى محلات بيع عصير القصب
http://www.nilemotors.net/Nile/165655-a.html
يا باشا متقلقش ارجع ع الرابع عادي جدا امشي 120 ولا حاجةاو 100
موضوع الغيار اللى بينطر دة
متقلقش منة لما توصل القاهرة بالسلامة روح للميكانيكي
هيفك الفتيس ويغيرلك الغويشة بتاعت الغيار الخامس عشان تلاقى السنون بتاعتها متاكلة ولا حاجة بس المهم الفتيس يروح لواحد بتاع متخصص فتيسات بس مش ميكانيكي عادى وهتبقى زي الفل ان شاء الله لكن ترس الغيار نفسة هتلاقية سليم ان شاء الله متقلقش
والغويشة دي اللى بتخلى الغيار متعشق مكانة مش اكتر
مع تحياتي
يا بشمهندس سمير انا معايا بلى اللى حضرتك بتقول عليه هو رفيع و كان ممفسوك بحاجة فيبر رفيع
بس اللى نزل امبارح ده زى مسمار 10 مثلا يعنى حاجة محترمة مش رفيع زى البلى
أيوه يا أخى
مهو البليه نفسها
مكونه من درافيل صغيره
ورفيعه اللى بتبقى مرصوصه على شبكة البلى ( الفيبره اللى أنت شوفتها )
لما الشبكه بتتكسر
بينفرط عقد البلى
زى مايكون عندك سبحه وينقطع الخيط اللى لامم حبات المسبحه
ماذا يحدث
كل حبايه بتروح فى أتجاه
ألا يقولون
أنفرط العقد وتشتت مكوناته
________________
لاحظ أننى أقصد بخيط المسبحه .............شبكة البى الفيبر
حبات المسبحه .....................الدرافيل الصفير أو الأبر اللى شبه درافيل العصاره بتاعة القصب على حجم صغير جدا
ولو عندك صوره لوصفك هذا
أرفعها وأنا ححاول ألمك المعالم بمخيلتى للتأكد تانىاقتباس:
روحتله فك كرتيرة الزيت بتاعة الفتيس لقيت فيها جزئين صغيرين كده مكسورين نزلو مع الزيت و كان مبوظين الكارتيرة من جوا ( محفرين فيها ) تقريبا كانو بيلفو مع التروس اللى جوا فعملو كده و اصلا خرمو الكارتيره خرمين
الجزء ده ممكن يكون ايه
هو طبعا بعد ما خرجناهم ملهومش ملامح بس ممكن لو اتجمعو على بعض يدوا كده على شكل مسمار قلاووظ او خابور او تيلة حاجة كده
وربط الشكل الذى تخيلته بأى مكون من مكونات الفتيس
حصورها و ارفعها حاضر بس ده جزء تخين اصلا غبر الدرافيل الرفيع بتاعة البلى مش حته من البلى بس هصورها و ارفعها
انا لسة شايف الموضوع النهاردة و قريتة من اولة و عندى شهادة صغيرة و هى ان المهندس / سمير عياد دة راجل الكل فى منتدى نايل موتورز يحترمة و يحترم اراءة مش بس فى منتدى الدايو و لة منا كل تقدير