النيسان دى عربية محترمة جدا
من حوالى اسبوعين كانت لانسر بتشد مع النترا ومقطعين الطريق الدائرى بعد المنيب اتجاة الهرم انا شايفهم فى المرايا لاغية ما عدو من جنبى طايرين واللى راكب اللانسر قفل عليا قفلة غبية انا قولت كبر وسيبهم يروحوا لحالهم بس الشيطان كان شاطر وسخنت فى دماغى بالذات انا فعلا بقالى سنين بطلت شقاوة السواقة لان فعلا السواقة ملهاش كبير.
سقط النقلة وهاتك يا باشا
حصلتهم تقريبا عند مخرج المريوطية
الالنترا نزل المريوطية واللانسر كمل ولاحظ انى عايزو بعد القفلة الغبية اللى قفلها معايا راح مكررها تانى بس المرة دى جاللى فى ملعبى الطريق اللى بجرب فيه اى عربية عايز اجربها
وعينك ما تشوف الا النور انا كنت مذهول من قوة ورشاقة العربية بتاعتى وبالذات ان المنطقة دى من الدائرى فاضية ومش محتاجة سواقة بالمعنى المحترف هى قدرة العربية بالدرجة الاولى
بالامانة صعب عليا (انا بعشق حاجة اسمها لانسر)
المهم نزلنا المنصورية كنت فارق عنه لا يقل عن 300 متر
وقفت اشترى حاجه من سوبر ماركت لاقيته نازلى بيسلم عليا وبيستفسر عن العربية واذا كنت عامل فيها اى حاجة تزود قدرة السيارة قولت لا قالى ربنا يحفظهالك ويستر طريقك
بالامانة انا كنت فرحان جدا وزعلان فى نفس الوقت لانى واخد على نفسى عهد مشدش مع الى حد مهما كانت الظروف
وفرحان لانى اكتشفت وحش فى موتور العربية