الموضوع: تعمل ايه في الموقف ده ؟

نا حصلي حاجه شبه دي من نص ساعه
جيت اركن تحت البيت واذ بعربية غريبه عن الحاره وراكن وواخد جنبه مسافه كبيره جدا بس متكفيش عربيتي
والجنب التاني تكفي العربية بس معرفش افتح الباب

والله اتضايقت جدا
لان انا اساسا خرجت من شوية مظطر اجيب حاجه وارجع
ومش بقول ان الشرع بتاع ابويا ولا حاجه
بس هوا ليه فيه ناس انانيه؟؟!
انا ممكن كنت اركن جنبه وافتح بابي واخبط عربيته بس ليه يعني
واللي يغيظ انه مش من المنطقه اساسا!!!
فأنا عملت زي ما عملت قبل كده مع واحد من الجيران
ورحت راكن العربية بالعرض قدامه عشان اقفل عليه

جاري اللي قفلت عليه المره اللي فاتت شافني من البلكونه وقالي هنزلك اعدلها ونزل وقلتله عود نفسك متكونش اناني لان المرادي انتا لقيتني المره الجايه لو طلعتلي تخبط عليا تقولي العربية هاكلك وهسيبك متعطل ولا يفرق معايا حاجه

فمن شويه رحت راكن قدامه كده
وخلاص كنت هطلع البيت
لقيت مراتي بتقولي معلش ومش عايزين مشاكل وكده فركنت جنبه وامري الى الله
وعارف انه هيجي يفتح بابه الصبح هيخبط عربيتي
ولكن هقول ايه
حسبي الله ونعم الوكيل

ياترى هل حقي اني اقفل عليه ولا ايه الصح
الله اعلم

تحياتي