-
تعمل ايه في الموقف ده ؟
دلوقتي انت داخل مدخل الجراج بتاعك وده علي يمينك ولقيت تاكسي واقف في وشك بينزل واحد جارك وواخد حوالي نصف المدخل وبالتالي مش حينفع تدخل بالعربية وبالتالي وقفت عند المدخل وانت بتلف ... والمفاجاة تلاقي التاكسي ده ابتدي يتحرك واخد المسافة اللي فاضلة من المدخل وبيقولك ارجع انت !! تعمل ايه انت بقي ؟ ياريت كل واحد يقولي رد فعله علشان اشوف هل رد فعلي سليم ولا انا اللي باتنرفز بسرعة ولا ايه بالظبط ؟
-
تقوله يرجع لو مارضاش تقوم مبطل العربية و تفضل قاعد و تقول للسواق بيتى اهه يعنى معاك للصبح هيضطر يرجع غصبن عنو
-
بجد بجد حاول تتحلى بالصبر ةالادب وتنزل تقوله لو سمحت ارجع لان ده جراجى او بيتى اركن وبعدها امشى زى ما انت عاوز لوما رضيش يبقى خطه 505 اقف زى ما انت لحد ما يزهق هو ويرجع انما زعيق وتهزيق وشتيمه اللى كسبان فيها هو الخسران
-
تقفل العربية وتنزل تروح وتسيبهاله في وسط الشارع او تفضل قاعد فيها واقفل علي نفسك الازاز وشغل التكييف وهو اللي خسران لان هو تاكسي ووقته بفلوس وانت كدا حتبقي معطلة
انا لو مكانك حعمل كدا
-
بدون زعيق
يا راجل ده عز الطلب
اقفل العربيه واطلع بمنتهى الهدوء
وممكن اقف اهزر مع حد كمان
وده قمه حرق الدم
انا شخصيا بعمل كده بعيد عن بيتى
-
اولا اشكركم علي كل الردود ....
انا فعلا فضلت في العربية واصريت انه اللي يرجع و مارضيش و عملي علامة بايده ( معناها حقك عليا ) انا ما اخدتش بالي الصراحة من الموضوع ده ... وغلطتي اني نزلت من العربية وقلتله علي فكرة انا داخل يمين ومديك اشارة وانت واقف غلط والمفروض ومن الذوق انت اللي ترجع .... قالي انا قلتلك حقك عليا وخليك محترم .... قلتله انا محترم غصب عنك ومن 10 زيك !! وكنا خلاص حنمسك في بعضينا لولا ان الراكب اللي معاه وجاري قليل الذوق ده وقفوا في صفه وقالولي معلش ده راجل كبير والكلام الفاضي ده ولقيت والدي كان ماشي في الشارع بالصدفة هدي الموضوع وانا مارضتش اكبر الموضوع اكتر من كده ورجعت سنة صغيرة و التاكسي كمان رجع علشان يعرف يمشي ... اللي زعلان منه ان القرف والعكننة دي تحت بيتي ... امال بعيد عن بيتي ممكن يحصل ايه ؟
-
ولا يهمك المسامح كريم وانت برضه محترم
واحترمت سنه واحترمت وجود والدك
دى حاجه كويسه جدا
-
يا باشا ولا تزعل نفسك خالص وخليك هادي
-
موقفك سليم مية فى المية والسهو اللى حصلك ومشفتش الاشارة بتاعته(حقك عليا) يا ريت ناس كتير تتعلم من موقف زى ده ان كاظمين الغيظ هما الكسبانين.ويا ريت لو كنت خلصت الموضوع بعد ما والدك جيه والناس اتلمت بكلمة معلش انا مشفتش ايدك وهنا بقى تبقى (العفو عند المقدرة).
وكان هيحصل ايه لو قولتوا لبعض ارجع سنة وانا سنة وكنتوا عديتوا بعض من غير زعيق ولا بهدلة.
كان بتحصل المواقف ديه كتير معايا قبل ما انقل مكان سكنى الجديد وبحاول افكر بسرعة مين اللى غلطان ومين اللى معاه الحق عشان لما انزل وحد يقولى لا انت غلطان اعرف ارده.وسواق التاكسى غلطان ميه فى الميه عشان برده واقف على مدخل جراج.
-
خيركم من تملك نفسه عند الغضب
Content Relevant URLs by
vBSEO 3.6.0 PL2