شفت مازدا ثرى مركبه نمره بردو معموله زى دى كده بس الشخص الى بيعمل كده بيكون عاوز يوصل للناس رساله وهى انه عنده نقص ما او مرض ما ف ربنا يهديهم
عرض للطباعة
شفت مازدا ثرى مركبه نمره بردو معموله زى دى كده بس الشخص الى بيعمل كده بيكون عاوز يوصل للناس رساله وهى انه عنده نقص ما او مرض ما ف ربنا يهديهم
كل اللي ربنا مديلو حاجة بيستخدمها
ياباشا ما حدش تقريبا عايز يسمعك .. ليه مش عارف !!!!!!!!!!؟
ياجماعة إنتوا ليه بس سانين سنانكوا على الناس كده ...
معلومة بس لحضراتكوا .. مافيش قاضي أو وكيل نيابة هايعمل كدة .. لأنه ببساطة مش محتاج يعمل كده عشان يهرب من كمين مثلا ولا حاجة زي كده وبعدين هية يعني النمر لو مكتوب عليها كده مش هتتاخد مخالفات !!؟؟ ....
بالعكس النمر دي دلوقتي بالشكل ده شبهة .. وحاليا اللعب في اللوحات الجديدة يعد من قبيل التزوير في مستند رسمي ومافيش قاضي هايحط نفسه في شبهة جناية
حتى المعاونين الجدد بصراحة أنا مابقتش اشوف حد منهم بيعمل كده إلا نادرا .. وفعلا اللى بيعمل كده منهم بياخد جزاءه والجزاء مش بيكون قليل .. وفي بعضهم خرج لعدم صلاحيته وأنا أعرف منهم شخصيا .. واللى بيقدم المذكرة فيهم غالبا مش ضباط المرور ولكن زملائهم وكلاء النيابة في نيابات المرور أو ما الى ذلك
ياترى بقى هاتقتنعوا بالكلام ده ولا برضه هاتفضلوا تشتموا في ناس مالهاش ذنب
والحل في حاجة زي كده صورة بالموبايل تكون النمرة والعربية واضحين فيها وشكوى في وزارة العدل بإسم المستشار ممدوح مرعي وزير العدل شخصيا.. أو من على النت على موقع الوزارة .. والعربية وصاحبها بإذن الله هايتجابوا
أتفق معك تماما
والله أنا بقول كلام أتحاسب علية وكلام متأكد منه مش بسمعة من حد
بدون الخوض في تفاصيل هطلب من واحد من السادة الأعضاء التوجه لجراج أي محكمة في مصر يكون مخصص للقضاة ووكلاء النيابة فقط ويشوف عدد العربيات ويبص علي النمر والإزاز انا مش هقول محكمة معينة لأ أي محكمة في مصر وعلي فكرة بإستثناء (وكلاء النيابة) فالمستشارين مش بيتجازوا ولا بيحصلهم أي مشاكل من النمر السودا و الفامية بس الإلتزام نابع من المسئولية فقط
أما بالنسبة للصورة فأنا أتمني من الجميع الإيجابية و تصوير السيارات المخالفة و إرسالها لنيابات و إدارات المرور في المحافظات
انها عقدة النقصصصصصصصصصصصصصصصصصصصصص صصصصصصصصصصصص
كلامك صحيح بشكل جزئي
انا أعرف 3 وكلاء نيابة عربياتهم كده أسود x أسود و من غير نمر أساسا أو بنمر سوداء
و أعرف قاضي كل ما يشتري عربية تتحول للأسود و نمرها تصغر لفونت 14 أو 16 مثلا على اللوحة
و القاضي ده على فكرة وقفني بمعاونة ضابط شرطة في كمين أمني و احتجزوني ساعتين بشكل غير قانوني لإجباري على الاعتذار من السيد القاضي لأنه افتكرني بازنق عليه ....
و ما خدتش حقي و مش هاخده
أنا سايب البلد دي لظباطها و قضاتها يشربوها لحد ماتطلع من نافوخهم
العربيات الى بتركن عند دار القضاء العالى الى فى وسط البلد معظمها متفيمه وبيكونو راكننها راكنه فى اماكن تعتبر محظوره مش ممنوعه كمان يعنى لو اى حد عادى بيركن الركنات دى ممكن يرمولو عربيتو فى النيل
وعلى فكره اتخن ضابط شرطه جنب عيل لسه وكيل نيابه الضابط ده هيعتبر صفر على الشمال لأن معاهم سلطه نافذه بس انا لما بشوف وكيل نيابه عامل كده فى عربيته بعتبره عادى انما لما بشوف ضابط شرطه عامل كده بحتقره جدا وطبعا لو ضابط فى امن الدوله راكب العربيه ممكن تلاقيه شايل جنوط العربيه وممكن يشيل الصاج كمان
يا جماعة عادي يعني
العيب مش عليه
ده واحد شاف البلد فوضي
فــ عادي انه يعمل كده
يعني مش شرط يكون عنده نقص زي ما بتقولوا
التسيب هوه اللي شجعه