النمر اللي اجدد من الجديده وصلت !!

**mahmoud19** · 24-07-2010 11:57 PM

شفت مازدا ثرى مركبه نمره بردو معموله زى دى كده بس الشخص الى بيعمل كده بيكون عاوز يوصل للناس رساله وهى انه عنده نقص ما او مرض ما ف ربنا يهديهم

**mahmoud19** · 25-07-2010 12:02 AM

المشاركة الأصلية كتبت بواسطة modiabbas

فى الاخر بقى طلع ايه !!!!!!!!!!!!!! فى سنه تالته حقووووق

ما هو فى تالته حقوق بس اكيد السيد الوالد مستشار او قاضى ومدخله حقوق علشان يدخله النيابه ده الطبيعى فى مصــــــــــر

**KHALED AYMAN** · 25-07-2010 12:53 AM

المشاركة الأصلية كتبت بواسطة Gabrial

يا جامد إنت ،بس خلي بالك دول فيهم عالم مؤذية .

انا راشش باب و اكصدام و كمان رفرف و كبوت و عندى رفرف ع البارد ..
المؤذى يتفضل يأذى و بجد هو الخسران

ههههههههههه

**engahmedsamy** · 25-07-2010 01:35 AM

كل اللي ربنا مديلو حاجة بيستخدمها

**D . a .\ AYMAN** · 26-07-2010 05:47 AM

المشاركة الأصلية كتبت بواسطة ahmedbahgat

أنا عايز بش أقول حاجة
إن للأسف من واقع شغلي إكتشفنا إن 90 % من العربيات دي بتاعت مواطنين عاديين

أنا مش فاهم إيه الميزة أنه يمل كده
يعني بيبقي متصور إن كده هيعدي من الكمين مثلا أو الناس هتحترمة

للأسف فينا مرضي كتير و ناس كتير مش بتعمل كده عشان بس خايفة من المرور

المشاركة الأصلية كتبت بواسطة ahmedbahgat

يا جماعة لو وكيل نيابة عمل كده دلوقتي بيحصلوا مشاكل بيتمني أنه يتعامل فيها كمواطن عادي ويدفع المخالفة

فعلا غالبية الحالات إللي موجوده دلوقتي مش مستشارين

المشاركة الأصلية كتبت بواسطة ahmedbahgat

يا جماعة مش محاباه لأحد والله بس فعلا 90% من العربيات دي مش مستشارين ولا ضباط

بس إيه الحل ؟؟ لما حد منهم يتمسك بيدفع الغرامة عادي جدا طب نعمل إيه نقتلهم ولا إيه ؟

ياباشا ما حدش تقريبا عايز يسمعك .. ليه مش عارف !!!!!!!!!!؟

ياجماعة إنتوا ليه بس سانين سنانكوا على الناس كده ...

معلومة بس لحضراتكوا .. مافيش قاضي أو وكيل نيابة هايعمل كدة .. لأنه ببساطة مش محتاج يعمل كده عشان يهرب من كمين مثلا ولا حاجة زي كده وبعدين هية يعني النمر لو مكتوب عليها كده مش هتتاخد مخالفات !!؟؟ ....

بالعكس النمر دي دلوقتي بالشكل ده شبهة .. وحاليا اللعب في اللوحات الجديدة يعد من قبيل التزوير في مستند رسمي ومافيش قاضي هايحط نفسه في شبهة جناية

حتى المعاونين الجدد بصراحة أنا مابقتش اشوف حد منهم بيعمل كده إلا نادرا .. وفعلا اللى بيعمل كده منهم بياخد جزاءه والجزاء مش بيكون قليل .. وفي بعضهم خرج لعدم صلاحيته وأنا أعرف منهم شخصيا .. واللى بيقدم المذكرة فيهم غالبا مش ضباط المرور ولكن زملائهم وكلاء النيابة في نيابات المرور أو ما الى ذلك

ياترى بقى هاتقتنعوا بالكلام ده ولا برضه هاتفضلوا تشتموا في ناس مالهاش ذنب

والحل في حاجة زي كده صورة بالموبايل تكون النمرة والعربية واضحين فيها وشكوى في وزارة العدل بإسم المستشار ممدوح مرعي وزير العدل شخصيا.. أو من على النت على موقع الوزارة .. والعربية وصاحبها بإذن الله هايتجابوا

**AhmedBahgat** · 26-07-2010 03:54 PM

أتفق معك تماما
والله أنا بقول كلام أتحاسب علية وكلام متأكد منه مش بسمعة من حد

بدون الخوض في تفاصيل هطلب من واحد من السادة الأعضاء التوجه لجراج أي محكمة في مصر يكون مخصص للقضاة ووكلاء النيابة فقط ويشوف عدد العربيات ويبص علي النمر والإزاز انا مش هقول محكمة معينة لأ أي محكمة في مصر وعلي فكرة بإستثناء (وكلاء النيابة) فالمستشارين مش بيتجازوا ولا بيحصلهم أي مشاكل من النمر السودا و الفامية بس الإلتزام نابع من المسئولية فقط

أما بالنسبة للصورة فأنا أتمني من الجميع الإيجابية و تصوير السيارات المخالفة و إرسالها لنيابات و إدارات المرور في المحافظات

**Eng_Mostafa_89** · 26-07-2010 07:44 PM

انها عقدة النقصصصصصصصصصصصصصصصصصصصصص صصصصصصصصصصصص

**Ahmed Samy** · 26-07-2010 08:08 PM

المشاركة الأصلية كتبت بواسطة n.y.s.m.a

ياباشا ما حدش تقريبا عايز يسمعك .. ليه مش عارف !!!!!!!!!!؟

ياجماعة إنتوا ليه بس سانين سنانكوا على الناس كده ...

معلومة بس لحضراتكوا .. مافيش قاضي أو وكيل نيابة هايعمل كدة .. لأنه ببساطة مش محتاج يعمل كده عشان يهرب من كمين مثلا ولا حاجة زي كده وبعدين هية يعني النمر لو مكتوب عليها كده مش هتتاخد مخالفات !!؟؟ ....

بالعكس النمر دي دلوقتي بالشكل ده شبهة .. وحاليا اللعب في اللوحات الجديدة يعد من قبيل التزوير في مستند رسمي ومافيش قاضي هايحط نفسه في شبهة جناية

حتى المعاونين الجدد بصراحة أنا مابقتش اشوف حد منهم بيعمل كده إلا نادرا .. وفعلا اللى بيعمل كده منهم بياخد جزاءه والجزاء مش بيكون قليل .. وفي بعضهم خرج لعدم صلاحيته وأنا أعرف منهم شخصيا .. واللى بيقدم المذكرة فيهم غالبا مش ضباط المرور ولكن زملائهم وكلاء النيابة في نيابات المرور أو ما الى ذلك

ياترى بقى هاتقتنعوا بالكلام ده ولا برضه هاتفضلوا تشتموا في ناس مالهاش ذنب

والحل في حاجة زي كده صورة بالموبايل تكون النمرة والعربية واضحين فيها وشكوى في وزارة العدل بإسم المستشار ممدوح مرعي وزير العدل شخصيا.. أو من على النت على موقع الوزارة .. والعربية وصاحبها بإذن الله هايتجابوا

كلامك صحيح بشكل جزئي
انا أعرف 3 وكلاء نيابة عربياتهم كده أسود x أسود و من غير نمر أساسا أو بنمر سوداء
و أعرف قاضي كل ما يشتري عربية تتحول للأسود و نمرها تصغر لفونت 14 أو 16 مثلا على اللوحة

و القاضي ده على فكرة وقفني بمعاونة ضابط شرطة في كمين أمني و احتجزوني ساعتين بشكل غير قانوني لإجباري على الاعتذار من السيد القاضي لأنه افتكرني بازنق عليه ....

و ما خدتش حقي و مش هاخده

أنا سايب البلد دي لظباطها و قضاتها يشربوها لحد ماتطلع من نافوخهم

**mahmoud19** · 26-07-2010 08:24 PM

المشاركة الأصلية كتبت بواسطة ahmedbahgat

أتفق معك تماما
والله أنا بقول كلام أتحاسب علية وكلام متأكد منه مش بسمعة من حد

بدون الخوض في تفاصيل هطلب من واحد من السادة الأعضاء التوجه لجراج أي محكمة في مصر يكون مخصص للقضاة ووكلاء النيابة فقط ويشوف عدد العربيات ويبص علي النمر والإزاز انا مش هقول محكمة معينة لأ أي محكمة في مصر وعلي فكرة بإستثناء (وكلاء النيابة) فالمستشارين مش بيتجازوا ولا بيحصلهم أي مشاكل من النمر السودا و الفامية بس الإلتزام نابع من المسئولية فقط

أما بالنسبة للصورة فأنا أتمني من الجميع الإيجابية و تصوير السيارات المخالفة و إرسالها لنيابات و إدارات المرور في المحافظات

العربيات الى بتركن عند دار القضاء العالى الى فى وسط البلد معظمها متفيمه وبيكونو راكننها راكنه فى اماكن تعتبر محظوره مش ممنوعه كمان يعنى لو اى حد عادى بيركن الركنات دى ممكن يرمولو عربيتو فى النيل
وعلى فكره اتخن ضابط شرطه جنب عيل لسه وكيل نيابه الضابط ده هيعتبر صفر على الشمال لأن معاهم سلطه نافذه بس انا لما بشوف وكيل نيابه عامل كده فى عربيته بعتبره عادى انما لما بشوف ضابط شرطه عامل كده بحتقره جدا وطبعا لو ضابط فى امن الدوله راكب العربيه ممكن تلاقيه شايل جنوط العربيه وممكن يشيل الصاج كمان