الموضوع: سويفت

يا استاذ حازم احنا متعمدناش نتجاهل السويفت بس مجتش سيرتها قبل كدة وعموما قولى حضرتك عايز تعرف ايه عن السويفت يمكن اقدر اجاوبك وعموما اليك بعض معلومات عن السويفت

بدأ انتاج هذه السيارة سنة 1989 وكانت تنتج هاتشباك بالاشتراك مع شركة شيفروليه وانتجت منها شيفروليه موديل يدعى اسبرنت وكانت السيارة سعة 1000 او 1300 جميع الكماليات ثم بدأت سوزوكى فى انتاجها سنة 1992 وبدات تغزو الشوارع المصرية سنة 1993 والسيارة من فئة السيارات الاقتصادية سعة ال 1300 سى سى وتمتاز هذه السيارة بالاقتصادية فى استهلاك البنزين نظرا لان وزن السيارة الخفيف يساعد على عدم استهلاك البنزين ووقد وصلت مع مرة الى 300 كم فى الصفيحة ولكن خفة الوزن سلاح زو حدين فكما هوا يقلل من استهلاك البنزين الا انه جعل ثبات السيارة على السرعات العالية يكاد لا يذكر واليك بعض ملاحظاتى عليها...

*موديل 93 الى 95 صنع فى اليابان ومن اول 96 تجميع مصرى وستجد ان الفرق بين اليابانى والمصرى فى الاكصدامات فقط وخلوص السيارة اليابانى على الارض اعلى من مثيلتها المصرى.
*السيارة ثباتها ضعيف جدا بعد ال 120.
*السيارة ممكن ان يصل استهلاكها الى 300 كم فى الصفيحة وممكن تتمون بنزين 80.
*السيارة قطع غيارها رخيصة ومتوفرة ( اكصدام امامى 200 جنيه - اكصدام خلفى 250 جنيه - تيل فرامل 50 جنيه - ماكينة + فتيس مانيوال 1800 جنيه - فتيس مانيوال 500 جنيه )
* السيارة ذات عفشة قوية نسبيا ولكنها لا تتحمل العمل الشاق ولكن فى راى فانها سيارة جيدة بالنسبة لطرق مصر.
*ناعمة وسلسة القيادة وذات تصميم يعطيك الاحساس ان السيارة بلا كبود.
*الماكينة مصنعة من الالمونيون ( بلوك المونيوم وليس زهر ) مما يعنى انه لو حصل اى تفويت او تسريب فى الماكينة فان العمرة ستصبح غير مجدية.
*السيارة ذات صاج ضعيف جدا جدا وبالذات من ناحية الشنطة ( لو خبطك موتسيكل هيبهدلك)
* الاكصدامات الخلفية والامامية تصميمها غريب وغالبا ما تنفصل شفة الاكصدام العليا عن السفلى.
*احذر من ماسورة مياه التبريد واذا اردت ان تغيرها فلا تتردد ان تشترى الاصلية لان الماسورة المصرى غير متناسبة مع مقاس الفتحة وذلك لان هذه الماسورة تركب " شحط " ولا ادرى لماذا صمموها هكذا.
* عند شراء السويفت اذا كانت السيارة مكيفة تاكد ان ثلاجة التكييف سليمة لانها غالية الثمن ( 1000 جنيه ) وغير موجودة .

هذا ما اذكره الان عن السيارة وفى نظرى فانها سيارة عمليه جدا بالنسبة لاسرة صغيرة ولكن سعرها اصبح حاليا مغالى فيه بشكل غريب ( يصل الى 40000 الف فى بعض الاحيان ) وقد كنت فكرت فى اقتنائها يوما ما ولى صديق عزيز يمتلكها وقد كان هو مرجعى للسويفت وعسى الله ان يهدينا جميعا سواء السبيل.

العفو يا استاذ حاتم ولكن الحقيقة انا شايف ان سعر جوز الاكصدامات بـ 750 مبالغ فيه جدا جدا جدا وللعلم انا كنت مع صديقى وكان عايز يشترى اكصدام امامى وسالنا عليه فى المنصورة استعمال لقيناه بـ 250 جنيه وطبعا هوا كدة غالى والحقيقة وقع قدامنا واحد بالصدفة وخدناه بـ 40 جنيه من عند واحد بيصلح اكصدامات...
المهم انت لو عايز حاجة للسويفت بتلاقيها موجودة فى دمياط وبارخص الاسعار نظرا للانتشار الرهيب للسويفت فى دمياط فهناك الكثير من المخازن التى تبيع قطع غيار السويفت وباسعار معقولة واذا حبيت تعرف اماكن معينة ممكن ابقى اسالك ان شاء الله لما ارجع المنصورة....
بالنسبة لمشكلة حضرتك دى هيا ممكن تكون كذا حاجة يعنى مثلا ممكن تكون الاسطوانة معووجة وعلى فكرة مش شرط انها تكون بتطلع معاك مطالع لان الاسطوانة لو معووجة بترعش العربية فى الطلعات من الاول والثانى ولكنها تعمل ب 80/100 من كفائتها او من الممكن ان يكون عندك مشكلة فى الدبرياج وطبعا انا مقدرش افتى فى موضوع الدبرياج ده لانى مش خبير فيه وخبرتى مع السويفت لا تؤهلنى لذلك,وممكن يكون عندك مشكلة فى الطنابير الامامية ودى برضة بتؤدى الى حدوث رعشة او غربلة ولكن طالما انت بتحس بالرعشة دى فى الفتيس بس مش فى العربية كلها يبقا راجع على طقم الدبرياج والاسطوانة وبالذات لو كنت غيرت الاسطوانة قريب.

ان شاء الله لو حضرتك رايح المقابلة الجاية ممكن تعدى عليا فى المنصورة وباذن الله نروح سوا اذا مكانش عند حضرتك مانع.

طبعا السويفت فيها مميزات كتيرة جدا بس اسمحلى جوز كبالن ايه دول الى بـ 1350 جنيه ؟؟؟ يا جماعة الاسعار دى خيالية انا هجيبلك اسعار الكبالن من عندنا وقولى ايه رايك.