الموضوع: إن شاء الله عايز أشتري كاميرا ديجيتال slr ... ممكن إقراحات؟

المشاركة الأصلية كتبت بواسطة blazer

الكانون تتفوق فى

Cannon 15.1mp :Nikon 12.3mp
Cannon ISO12800 :Nikon ISO 6400
Cannon 14 bit processing :Nikon 12 bit processing
Cannon 1080p movie recording :Nikon 720p
Cannon 3in& 920k LCD :Nikon 2.7in& 230k LCD

CANNON has a viewfinder magnification is also larger

شكرا جزيلا.

المشاركة الأصلية كتبت بواسطة أبو حمزة

السلام عليكم :)
انا لسة شايف رسالة حضرتك على الخاص
هو صحيح انا معرفتي وخبرتي مش كبيرة للدرجة اللي أددي حضرتك نصيحة وافية بس انا هاقوللك انا فكرت إزاي وانا باجيب الكاميرا بتاعتي
أولاً أنا الكاميرا اللي معايا Nikon D3000 وليست D5000
أهم حاجة هاتحكمك هي الميزانية وايه اللي إنت محتاجه من الكاميرا
انا للأسف ميزانيتي كانت محدودة جداً فبالتالي لما جيت أشتري اخترت أرخص SLR موجودة في نيكون.
ومكانش مهم عندي تصوير الفيديو
ومش ضروري عندي ال Live View
فكانت الـ D3000 أفضل اختيار لأنها أرخص SLR وكل المواقع المتخصصة بتنصح بيها كأفضل خطوة أولى في عالم SLR
D5000 اختيار ممتاز طبعاً بس فيه رأي لأحد الخبراء اللي باثق فيهم جداً بخصوصها على منتدى آخر يخليني لو مكانك أعيد النظر في شرائها لأن المبلغ اللي هايتدفع فيها مش هين خالص
بيقول فيه رداً على أحد الأعضاء اللي طلب رأيه فيها:



ويقال إن نسبة الكاميرات المعيوبة منها لا تتعدى الـ 1% بس إحنا في مصر تقدير المستهلك في الضياع لدرجة إني لا أستبعد إن كل اللي في مصر يكون من النسبة دي

بخصوص الكانون ولا النيكون فأنا شخصياً مش شايف أي فرق بين الاتنين كصناعة

ولكن مع كانون انا كان عندي تجربة سيئة جداً في الصيانة مع وكيلها في مصر مع كاميرا كومباكت A560 لو تحب أبقى أحكيلك عنها.

صحيح معنديش بفضل الله أي تجارب مع وكيل صيانة نيكون في مصر ولكن أنا من اللي حصل لي مع كانون أخدت القرار إني مش جايبها تاني

فيه موقع ممتاز أوي للمقارنة بين الكاميرات، والمقارنة بتكون شاملة لدرجة كبيرة جداً

دي مقارنة مثلاً بين الكانون 1000D ونظيرتها نيكون D3000

ربنا يلهمك حُسن الاختيار يارب ونشوف الإبداعات التصويرية منك :)

شكرا جزيلا أبو حمزة,
أنا طبعا ماكنتش أعرف موضوع مشكلة البوردة وغريب فعلا ... ربنا يستر ... أنا كلمت توكيل NIKON في مصر Foto Express Misr من إسبوعين تقريبا كنت باسأل عن الكاميرا و قالولي موجودة و سعرها 5750 جنيه و إن معاها ضمان سنة ... مش كفاية واللا العيب ده بيبان بعد سنة؟

المشاركة الأصلية كتبت بواسطة M_Nabil

أنا بميل للنايكون أكثر بس مش عارف موضوع البوردة دة اية!! موضوع يقلق خصوصاً ان الكاميرات دى ملهاش ضمان وسعرها مش رخيص عموماً دى مقارنة بسيطة على اليوتيوب بين الكانون 500d و النايكون d5000 وابقى شوف الجزء الثانى وباقى المقارنات وفي كانون 550d بس السعر اغلى من الكاميرتين دول ..

[youtube]http://www.youtube.com/watch?v=Vg9_2jgDhoA&feature=related[/youtube]

عمي و عم عيالي نبيل بيك ... والله يا باشا أنا كمان بعد قراءة تعليقات الناس بقالي شهر تقريبا حاسيت إن NIKON فعلا إسم ثقيل والكل بيتكلم عنها بإسلوب كويس حتى لو في مقارنة إنما ممكن يشتمو في ماركات تانية ... تحس NIKON ليها هيبة ... ربنا يوفقنا جميعا للخير.
إن شاء الله عايز الحق أجيبها قبل ترتيب المقابلة الجاية ... دعواتكم جميعا

ممكن استفسار يا جماعه خاص بالموضوع
هو ايه الفرق بين كاميرات slr package و الكاميرات الديجيتال العاديه؟

المشاركة الأصلية كتبت بواسطة medo_2060

ممكن استفسار يا جماعه خاص بالموضوع
هو ايه الفرق بين كاميرات slr package و الكاميرات الديجيتال العاديه؟

السلام عليكم,

الفرق هو جودة و إحترافية المنتج (الصورة):

1. إسم ال D-SLR كاميرا يعني الكاميرات الرقمية أحادية العدسة العاكسة وده إللي بيخليك تقدر تلتقط الصور لنفس المشهد بدون تأخير (بيسموها Optical Viewfinder) لأن المشكلة الأزلية للكاميرات ال compacted إن دائما الصورة المرئية على الكاميرا بتكون متأخرة جزء من الثانية عن الواقع.
2. جودة الصورة الناتجة من ال D-SLR كاميرا أعلى حوالي 25 ضعف عن جودة الصور الناتجة عن الكاميرات ال compacted والسبب هو حجم ال processor في ال D-SLR أكبر من ال compacted كاميرا.
3. إمكانية تغيير العدسة وده مهم جدا في الحصول على الصورة المطلوبة.
4. سرعة ال D-SLR كاميرا أعلى بكتير من ال compated كاميرا عند بدأ التشغيل و سرعة إلتقاط الصور.
5. إمكانية التحكم اليدوي في الزوم وبالتالي سرعة أكبر عن إنتظار الموتور في الكاميرات ال compacted للوصول لنفس القدر من الزوم.
6. إحساس بالعمق في الصورة (بيسموه Depth of Field) وده إللي بيخليك تشوف الخلفية باهتة شوية عن الهدف و بيزداد البهتان (blur) كلما بعدت الخلفة.
7. ال D-SLR كاميرا بتقدم مجموعات أوسع من إعدادات ال ISO ... وده موضوع يطول شرحه بس مبدئيا حساساية ال ISO هي بديل الصورة الشبحية (لأن الديجيتال كاميرا لا يوجد بها فيلم شبحي).

و أعتقد إن ال D-SLR كاميرا بتحافظ على سعرها أفضل من الcompacted كاميرا مع مرور الوقت.

أنا مش محترف و معلوماتي في المجال ده لسة في الأول بس ممكن حد تاني يفيدنا أكتر من كدة.

المشاركة الأصلية كتبت بواسطة Horsepower

السلام عليكم,

الفرق هو جودة و إحترافية المنتج (الصورة):

1. إسم ال D-SLR كاميرا يعني الكاميرات الرقمية أحادية العدسة العاكسة وده إللي بيخليك تقدر تلتقط الصور لنفس المشهد بدون تأخير (بيسموها Optical Viewfinder) لأن المشكلة الأزلية للكاميرات ال compacted إن دائما الصورة المرئية على الكاميرا بتكون متأخرة جزء من الثانية عن الواقع.
2. جودة الصورة الناتجة من ال D-SLR كاميرا أعلى حوالي 25 ضعف عن جودة الصور الناتجة عن الكاميرات ال compacted والسبب هو حجم ال processor في ال D-SLR أكبر من ال compacted كاميرا.
3. إمكانية تغيير العدسة وده مهم جدا في الحصول على الصورة المطلوبة.
4. سرعة ال D-SLR كاميرا أعلى بكتير من ال compated كاميرا عند بدأ التشغيل و سرعة إلتقاط الصور.
5. إمكانية التحكم اليدوي في الزوم وبالتالي سرعة أكبر عن إنتظار الموتور في الكاميرات ال compacted للوصول لنفس القدر من الزوم.
6. إحساس بالعمق في الصورة (بيسموه Depth of Field) وده إللي بيخليك تشوف الخلفية باهتة شوية عن الهدف و بيزداد البهتان (blur) كلما بعدت الخلفة.
7. ال D-SLR كاميرا بتقدم مجموعات أوسع من إعدادات ال ISO ... وده موضوع يطول شرحه بس مبدئيا حساساية ال ISO هي بديل الصورة الشبحية (لأن الديجيتال كاميرا لا يوجد بها فيلم شبحي).

و أعتقد إن ال D-SLR كاميرا بتحافظ على سعرها أفضل من الcompacted كاميرا مع مرور الوقت.

أنا مش محترف و معلوماتي في المجال ده لسة في الأول بس ممكن حد تاني يفيدنا أكتر من كدة.

الف شكر يا استاذ Horsepower على الشرح الوافى والقيم

المشاركة الأصلية كتبت بواسطة olaosman

انا على فكرة إستفدت جدا من الشرح ده.

شكرا جزيلا :ob_mak1[1]:

المشاركة الأصلية كتبت بواسطة medo_2060

الف شكر يا استاذ horsepower على الشرح الوافى والقيم

الله يخليكو ... ده أنا لسة مستجد في الموضوع ده.

هقول لحضرتك على حاجة .. انا بقالي فترة في مجال التصوير و لفيت و قريت على النت و سألت ناس لغاية ما دماغي مبقتش بتفكر في اي حاجة غير الكاميرات :)

اولا .. هل حضرتك كان ليك تجارب في التصوير قبل كدة ؟؟

لو حضرتك لسه بتفكر تخش في الموضوع , فانصح حضرتك بشراء كاميرا semi-professional الاول .. لعدة اسباب :

- هتكون ارخص
- اصغر
- فيها كل الاساسيات اليحتاجها اي مبتدئ
- فيها اوبشنز كتيرة ممتعة تحببك في التصوير

قبل اي شئ لازم حضرتك تحدد الميزانية قد ايه ؟؟

و ما هي اولويات حضرتك في الكاميرا ؟؟ و هتصور بيها ايه اكتر ؟؟

تصوير ليلي .. تصوير اشخاص .. مناظر طبيعية .. تصوير رياضي

و ان شاء الله هساعد حضرتك بس تقولي على كل الفي دماغك :)

و دة بعض من تصويري ارجو انه يعجب حضرتك :)

Flickr: kareem_A's Photostream

وواحد كمان من اكبر واهم الفروق انك بتصور الصور بإمتداد .RAW
ودى تختلف اختلاف كبير جدا جدا عن ال .jpeg
لانك بإستخدام البرامج اللى بتيجى مع الكاميرا او ببرامج معالجه الصور زى Camera Raw
تقدر تغير اعدادات كتير فى الصوره زى ال Image
Contrast -exposure time-Color Saturation
ولو خسرت اى تفاصيل فى الصوره تقدر تعملها ريكوفرى
لان الصوره دى بتخزن كل المعلومات اللى فى اللقطه
انا ممكن اعملكم ابلود لصورتين RAW عشان تعرفوا الفرق لو تحبوا
انا واحد صديقى professional photographer
الموضو مكلف جدا على فكره كهوايه
فىيه اماكن بتدى كورسات متقدمه فى التصوير فى مصر
انت ممكن عشان تشترى كاميرا تدفع مبالغ فظيع وعادى ارقام زى 40 الف جنيه فى سيستم تصوير
( كاميرا -عدسات زووم و مايكرو و وو -وحدات اضائه -ستاند -كماليات تانيه زى الميمورى و البطاريات )