بجد متشكر جدا جدا لسؤالك :)
هو بس المنتدى الفترة الفاتت مكنش في مواضيع قوية او تشدني , فمكنتش بعلق
و بالنسبة للصور , فانا اتبسط جدا من كلامك لأنه بيرفع من المعنويات :) , و مبسوط اكتر انها نالت اعجابك :)
السلام عليكم كريم باشا,
أولا أحب أشكر حضرتك على إهتمامك و مشاركتك.
وأحب أبدي إعجابي بالصور إللي إنت واخدها ... تسلم إيدك :))
زي ما إنت شايف أنا خلفيتي في المجال ده لسة في الأول ... أنا عايز كاميرا أصور بيها أي حاجة تعجبني ... أي مشهد أكون عايز أحتفظ بيه من نظرة معينة ... و ده إللي ناوي أتعلم بيه ... ميزانيتي لحد 6000 جنيه يزيدو أو يقلو ألف ممكن ... أنا مش محتاج فيها تصوير فيديو لأن عندي كامير SONY handycam HDR SR10 كنت جايبها من سنة تقريبا وأدائها كويس ... و عندي SONY Cyber-shot DSC-P200 كنت جايبها من 4 سنين وشغالة بس طبعا كنت باخدالصور و أعمل ال Depth of field مثلا بإيدي على ال Photoshop ده غير إن جودة الصور الليلية بيها مش قد كدة وجيبتيلها tripod sony بس برضه النتيجة آخرها محدود (أكيد إنت فاهم قصدي).
ده إللي خلاني أفكر في النقل لل D-SLR و أنا متابع الشركات من زمان و باشوف عينات الصور إللي مأخوذة بالكاميرات.
طبعا موضوع ال pre-setting modes حاسس إنه هايكون بداية كويسة إني أشوف الإعدادات الإفتراضية لتصوير مشهد معين بالكاميرا و أبدأ أعدل فيه غير إني أبدأ من الصفر.
إيه رأيك؟
كلام جميل جدا , من كلام حضرتك باين ان حضرتك حاولت و دي حاجة مهمة جدا
بس كبداية , فال6000 جنيه كتير جدا :) , دول هيجيبوا كاميرا حضرتك مش هتعرف تستخدم كل ما فيها و هيبقى تضيع فلوس , لأن التصوير من اغلى الهوايات
و لو حضرتك تقدمت فيه و عوزت تطور هتحتاج فلوس كتير لذلك حاول تجيب حاجة حضرتك تعرف تستخدمها بفلوس مش كتير
احد الامثلة من الكاميرات الsemi-professional هي الfujifilm HS10
دي المواصفات
FinePix HS10 / HS11 : Specifications | Fujifilm Global
و دة شكل الكاميرا
FinePix HS10 / HS11 | Fujifilm Global
كاميرا فيها كل حاجة تقريبا , بس العدسة مش بتتغير و طبعا السنسور صغير شوية بس كويس
الكاميرا دي معايا لسه شاريها من تلات اسابيع , و اقدر اقول لحضرتك انها اكتر من ممتازة و الزوم 30X ممتاز و مفيد , سعرها عند التوكيل 3500 و من امريكا 500 دولار
كاميرات زاى دي هتدي حضرتك الفرصة انك تبتدي التصوير بجد لأن فيها كل الmanual controls بتاعت الكاميرا الSLR
اما بقا لو حضرتك مصر على الSLR :) , ففي عدة اختيارات
-Canon EOS 1000D (3300 جنيه)
-Canon EOS 450D (4000 جنيه)
-Nikon D3000 (3100 جنيه)
-Nikon D5000 (4100 جنيه)
طبعا دي مش اسعار التوكيلات , دي اسعار محلات متخصصة في بيع الكاميرات , بس مش بتبقى بضمان التوكيل , بتبقى بضمان المحل
في قدام حضرتك اختيارين :
- يأما كاميرا + عدسة , ساعتها هيبقى ال1000D معاها عدسة زووم
- يأما لو حضرتك هتستنى شوية على موضوع العدسات يبقى النيكون D5000
و في ملحوظة مهمة جدا الناس لما بتفكر تشتري بتنساها خالص , ان اهم شئ في التصوير مش الكاميرا او جودة الصورة
اهم شئ هو الفكرة الفي صورة , وجه النظر الي المصور عايز يوصلها او يبرزها
لذلك انا بنصح حضرتك , متجبش كاميرا على قد الفلوس المعاك , هات كاميرا هتعرف تستفاد منها و تطلع كل الجوها
اما بقى لو حضرتك كش ناوي على الاحتراف و بتفكر في واحدة لأنها ممتعة , الD5000 ممتازة :)
ارجو اني اكون افدت حضرتك , و لو في اي استفسار انا جاهز
و حضرتك ممكن تتناقش معايا في اي حاجة في التصوير او الكاميرات لأني بحب اتكلم فيهم جدا :)
بعد دراسة للكاميرات قرابة ال 4 شهور استنتجت ان دي افضل واحدة في فئتها
تقوم مقام ال slr
و ذات سرعة مغلاق عااااالية جدا high speed shutter
continuous shutter
10 optical zoom
بطارية ممتدة المفعول
ادرسها حضرتك من اللنك ده
EXILIM | CASIO DIGITAL CAMERAS | CASIO
وعلى حد علمي لا توجد كاميرا كومباكت في جميع الشركات وصلت للي وصلوا له بتوع الكاسيو
ألف شكر كريم باشا ... معليش باتقل عليك يا باشا ... عندي إستفسار
أنا شوفت ال Fujifilm و عينات الصور المأخوذة بيها ... ممتازة فعلا.
أنا بس مش فاهم قصد حضرتك بالإختياين إللي قدامي:
- يأما كاميرا + عدسة , ساعتها هيبقى ال1000D معاها عدسة زووم
- يأما لو حضرتك هتستنى شوية على موضوع العدسات يبقى النيكون D5000
هو إيه الفرق إللي تقصده بين ال 1000D و ال D5000 في موضوع العدسات ... أنا فاهم إن الإتنين بيتغيرلهم عدسات.
ماعليش حاجة كمان ... ليه ال D5000 مش للإحتراف و لو حضرتك هاتقارنها بال Fujifilm أنهي الأفضل؟ ... لحد معلوماتي برضه إن ال D5000 بتيجي معاها عدسة زوم 3X فقط ... كنت عايز أعرف هل الزوم بيتحدد بالعدسة واللا الكاميرا بالنسبة لل D-SLR؟
معليش طولت عليك ... شكرا مقدما :))
يا باشا ولا بتتقل ولا حاجة , زاى ما قلت لحضرتك انا بستمتع بالكلام في الكاميرات :)
بالنسبة لل1000D و D5000 , ايوا الاتنين بيتغيرلهم عدسات
انا قصدي بما ان ال1000D رخيصة , فممكن تشتريلها عدسة زيادة تكون عدسة زووم
اما الD5000 فحضرتك هتستخدم العدسة الجاية معاها
الزووم بيبقى في العدسة مش في الكاميرا نفسها
و بالنسبة لموضوع الاحتراف , فطبعا الD5000 تنفع للاحتراف
انا كان قصدي ان لو حضرتك ناوي على الاحتراف , حاول متجبش حاجة غالية
انما لو مش ناوي على الاحتراف و نفسك في DSLR يبقى الD5000 هتكون ممتازة
اما عن المقارنة بالfujifilm , الفوجي فيها اوبشنز اكتر و زووم اكتر كتيير , و لكن طبعا الD5000 تتقدم في جودة الصورة و امكانية تغيير العدسات
هو حضرتك هتجبها للاحتراف ولا نفسك فيها ؟؟ :)
شكرا يا باشا أولا ... والله ده أنا إللي سعيد بالحديث معاك جدا جدا ... إن شاء الله أنا عايز أجيبها للتعليم وفي نفس ذات الوقت :) الصور إللي تطلع تكون كويسة ... أنا حاسس إن التعليم على كاميرا بإمكانات بسيطة بيكون أفضل لأن الواحد هايبقى عايز يبذل مجهود أكبر علشان يطلع صورة أحلى تعوض قلة الجودة والمؤثرات ... عكس إن الكاميرا نفسها تكون إمكانياتها عالية فا طبيعي إن الصور تطلع حلوة حتى لو المصور مش محترف ... عاملة بالظبط زي نظام ال vsa أو ال esp لو الواحد إتعلم سواقة على عربية فيها esp مش هايتعلم مهارة الحفاظ على ثبات العربية في الملفات الشديدة والغرز وغيره لأن العربية إللي فيها esp مابتعومش حتى لو إللي سايق ده أول يوم سواقة ليه و إتهور و خد ملف بسرة عالية.
بس الفكرة إللي في بالي إن التصوير في مشاهد ما بتكررش في حياة الواحد إللا مرة و لو مالحقش يحتفظ بالمشاهد دي بصور عالية الجودة مش هايعرف يعوضها تاني ... ده إللي بفكر فيه و أنا مش منحاز لأي كاميرا.
رأي حضرتك إيه؟
المثال الحضرتك قلته ممتاز
فانا الفكرة الكنت بحاول اقولها لحضرتك , انك توفر فلوس العربية البesp لغاية ما تتعلم و بعدين تشتري العربية الفيها esp , و دي حاجة بيعملها العايز يحترف السواقة و ميفوتش حاجة فيها
موضوع ان حضرتك تجيب كاميرا ارخص تتعلم عليها الهي semi-professional دة كان مجرد اقتراح , و لكن مش recommended
عامة , النيكون D5000 ممتازة فيها حاجات كتير و بيشكروا في صورها جدا
السلام عليكم ورحمة الله وبركاته
انا بحبز نيكون ومن اهم نقاط التميز من وجهة نظري
١ـ معالجة noise خاصة في الاضائة الخافتة.
٢ـ نظام auto-focus ووجود لمبة مساعدة لذلك بخلاف الكانون والتي تستخدم الفلاش في ذلك.
٣- حجم ال sensor الاكبر في النيكون.
ودي لينك للمقارنة بين Nikon D5000 vs Canon D500
Canon EOS 500D / Digital Rebel T1i Review: 20. Compared to: Digital Photography Review
بس لو ممكن توفر ميزانية اكبر وتجيب Nikon D90 يكون افضل وذلك لوجود internal motor ودي يخليك ممكن تستخدم عدسات اكتر ودي مقارنة بينها وبين Nikon D5000
Nikon D5000 Review: 1. Introduction: Digital Photography Review
ودي ال review بتاعة Nikon D90
Nikon D90 Review: 1. Introduction: Digital Photography Review