المشاركة الأصلية كتبت بواسطة hosam_optrawy
اهلا بيك معانا وان شاء الله نبارك لك على السيراتو قريب
اولا الفرق بين الوكيل والخليجى
الوكيل سعره اغلى , كمالياته اقل , احيانا فتره الانتظار والاستلام بتطول
وفى مقابل ده بتاخد ضمان 5 سنين او 100 الف كم وتعمل صيانه فى التوكيل وتريح دماغك من وجع دماغ الصيانه والضمان
اما الخليجى , سعره اقل , كمالياته اكتر مقارنة بسعره , فى اكتر من 10 فئات مختلفه يعنى كأنك بتختار الكماليات والمواصفات حسب ما انت عايز , استلام فورى
بس طبعا مفيش ضمان , وماينفعش تعمل صيانتك فى التوكيل
وعشان تبقى فى الامان لازم تشترى ضمان للخليجى
وفى مركز كويس فى الحرفيين اسمه تكنو وان
المنتدى متعاقد معاه والمركز عامل خصم لاعضاء المنتدى فى الصيانه
وممكن تشترى من عنده ضمان شامل عيوب الصناعه
3 سنوات ب 2500 جنيه
او سنه ب 900 جنيه
دا بالنسبه للفرق بين الوكيل والخليجى
اما بقى الفرق بين الفئات
لو هاتجيب خليجى اسأل كل فئه كمالياتها ايه لان خليجى اشكال والوان ملوش فئات ثابته
يعنى ممكن تلاقى عربيه بفتحة سقف وواحده تانيه زيها بالظبط من غير فتحه ... كدا يعنى
الوكيل طبعا فئاته ثابته
ال lx أقلهم
لو هاتجيب ماتجبش أقل من ex
ودى تزيد عن ال lx جنوط سبور 16 وسى دى mp3 2 din بوحدات تحكم من الطاره وايرباج للسائق وفوج لايت ونيكل فى الفتيس والطاره والاكر الداخليه معدن ومسند يد وحامل اكواب وامكانية طى المقعد الخلفى وظبط ارتفاع الكرسى
وتقريبا فى موديل 2011 تم اضافة ريموت كنترول لفئة ex
اسف على الاطاله وبالتوفيق :)