بحس أثناء تشغيل التكييف أن الباور بيتقل شويه هل كده طبيعى .. ياريت حد يوصف لى وحده وحده أزاى أروح السبع زهراء المعادى أنا بكون جاى من الطريق الصحرواى الاسكندريه / القاهره ياريت وصف دقيق بعد ما أعدى من بوابه الرسوم هخش المحور ولا أطلع على طريق الهرم وأنهى طريق دائرى أخش فيه معلش يا جماعه ياريت وصف دقيق أنا مش من القاهره وجزاكم الله خيرا
انا اسف مقدرش ادلك على الطريق لانى مش من القاهرة ..
بخصوص الباور ... هل لما انت بتزود بنزين بيرجع يخف تانى ولا بيفضل تقيل ... وتانى حاجة انت اتاكدت من ان الزيت مش ناقص ؟؟؟
هيا عموما ياباشا والله اعلم يعني مالهاش علاقه الباور بالتكييف خالص دا حاجه شغاله لوحدها و دا حاجه شغاله لوحدها و الله اعلم بردوا نستني راي بقيت الاعضاء
بالنسبه للطريق حضرتك هاتخش المحور عادي و ترطلع اول طلعه للدائري يمين لانك هاتمشي يمين هاتفضل ماشي هاتلاقي كوبري مقفول و طالع يمين سيبه اطلع اللي بعديه كوبري بردوا و ماشي شمال كده اطلعه و افضل ماشي هاتسيب اول نزله (المنيب) تاني نزله (المعادي من علي الكورنيش) تالت نازله تنزلها هتلاقيها علطول كده مش ملف هيا دي نزلة الوتستراد هتنزل و تمشي يمين هاتبقي في حته اسمها صقر قريش تمشي علطول هتسيب اول مدخل للمعادي و تنزل تاني مدخل و تلف و ترجع لانك هاتعدي من تحت الطريق اللي كنت ماشي عليه و تكمل طوالي و من هناك اليفط هتوديك للتوكيل هو جنب نادي وادي دجله تقريبا انا مش متاكد من قسم النادي بس هتلاقي يفط توصلك بالسلامه ان شاء الله للتوكيل
وادى دجلة مشهور اوى فى المعادى و هو تقريبا عند مساكن زهراء المعادى
معتقدش حضرتك ان في علاقة بين التكييف و الباور لسبب ان في النيسان صني الباور بتاعها هيروليك مش كهربا زي الكرولا و برده نستني رأي الاعضاء
بردوا انا مستغرب من الحكاية دى , وحتى لو باور كهرباء مالوش علاقة ,
ياريت لما ترجع بالسلامة تقولنا عملت ايه وتطمنا عليك
اقتباس:
المشاركة الأصلية كتبت بواسطة semsem8100
في الاول انا مش عارف هي البور بتاع الصني كهربا ولا هيدروليك :
لو كهربا دي تبقي مشكله في الكهربا بتاعت العربيه
لو هيدروليك ممكن الحمل بيكون تقيل شويه علي الموتور لما بتكون مشغل التكيف والدنيا حر وكده سعات المتور بيبقي متكتف منك فياسر علي الطرومبه بتاعت الهيدروليك الي بتغزي البور والفرامل فاسال في التوكيل عن كده علشان ممكن يكون في حاجه تانيه غير كده مثلا الزيت مش مظبوط
موضوع الطريق بقا ركز معايا معلش :
هتكمل الرمايا وتخش طريق المنصوريه وتفضل ماشي علي طول لغايه متلاقي الدائري فوق هتاخد اول شمال وتفضل ماشي علي طول هتكزن ماشي علي دائري المنيب ومعلش انا مش عارف حضرتك هتنزل توكيل الي علي الاوتوستراد ولا الي جوا المعادي
لو هتنزل بتاع الاوتوستراد هتنزل نزله الاوتوستراد التانيه وهتلاقي في يفطه مكتوب عليها