معلش يا جماعة أنا نسيت سؤال مهم: حد ساق المازدا 3 الجديدة؟ ايه نظام الوكيل في مصر و توفر قطع الغيار و أسعارها؟ و تفتكرو ممكن تكون أحسن من الميجان و الفلوانس ولا لأ؟
رقم العضوية : 76092
تاريخ التسجيل : 24Jul2010
المشاركات : 23
النوع : ذكر
الاقامة : Cairo, Egypt
السيارة: KIA SPORTAGE
السيارة[2]: LANOS1
الحالة :
دلوقتي يا شباب أنا والدي شغال في الخارج و باذن الله هيبعتلي عربية
أنا دلوقتي عاوز ارائكم في العربيات دي اللانسر الجديدة و الرينو ميجان و الفلوانس
و عشان متعبكمش معايا أسئلتي محددة
1- هل اللانسر الجديدة فعلا موتورها وحش و مشاكلها كتير؟
2- الرينو ميجان و الفلوانس الفرق بينهم كبير ولا صغير؟ و لصالح مين؟
3- ايه العربية اللي عفشتها كويسة و تستحمل طرق مصر الزبالة -عفوا-؟
4- انا سمعت ان الفلوانس أصلا مش عربية فرنسي يعني هي عربية "سامسونج sm3" كوري و محطوطلها بادج رينو؟ الكلام ده صحيح؟
5- أفضل اقتراحات لسيارة في حدود 140 ألف كحد أقصي؟
و شكرا جزيلا و يعلم ربنا أنا بحبكم قد ايه أصلا المنتدي ده ماشاء الله زي العسل و استفدت منه كتير جدا قبل ما اشترك ... و طمعان في انكم تكملوا جميلكم و تجاوبوني علي الأسئلة دي ... المهندس/ أحمد السيد ....
رقم العضوية : 76092
تاريخ التسجيل : 24Jul2010
المشاركات : 23
النوع : ذكر
الاقامة : Cairo, Egypt
السيارة: KIA SPORTAGE
السيارة[2]: LANOS1
الحالة :
معلش يا جماعة أنا نسيت سؤال مهم: حد ساق المازدا 3 الجديدة؟ ايه نظام الوكيل في مصر و توفر قطع الغيار و أسعارها؟ و تفتكرو ممكن تكون أحسن من الميجان و الفلوانس ولا لأ؟
رقم العضوية : 2282
تاريخ التسجيل : 23Sep2007
المشاركات : 8,887
النوع : ذكر
الاقامة : Cairo ,Faisal st
السيارة: كانت lada 2107 1989
السيارة[2]: Daewoo Nubira2 2005 auto
دراجة بخارية: No
الحالة :
1- هل اللانسر الجديدة فعلا موتورها وحش و مشاكلها كتير؟
لا
بس ماتورها مش بقوه الميجان
2- الرينو ميجان و الفلوانس الفرق بينهم كبير ولا صغير؟ و لصالح مين؟
فرق بسيط جدا
الخامات المستخدمه لصالح الميجان
الوسع والاوبشنز لصالح الفلونس
3- ايه العربية اللي عفشتها كويسة و تستحمل طرق مصر الزبالة -عفوا-؟
اعتقد الانسر بفرق بسيط
4- انا سمعت ان الفلوانس أصلا مش عربية فرنسي يعني هي عربية "سامسونج sm3"
كوري و محطوطلها بادج رينو؟ الكلام ده صحيح؟
لا فرنسى متقفله فى تركيا
5- أفضل اقتراحات لسيارة في حدود 140 ألف كحد أقصي؟
رينو فلونس ولا مناااافس فى رئى
امان وثبات و اوبشنز وشياكه ووكيل ممتااااز
قول الرسول صلى الله عليه وسلم: "خير النساء من إذا نظرت إليها سرتك، وإذا أمرتها أطاعتك، وإذا أقسمت عليها أبرتك، وإذا غبت عنها حفظتك في نفسها ومالك"
-- اللهم ارزقنيها --
رقم العضوية : 74147
تاريخ التسجيل : 29Jun2010
المشاركات : 135
السيارة: Subaru Impreza AT 2010
السيارة[2]: Daihatsu Terios Platinum GX Limited Edition 2010
الحالة :
بص يا باشا ....
يمكن انا مش ح اقدر اجاوبك على معظم الاسئلة ...
لكن ح نناقش عربية عربية ...
و ح نبتدي بالرينو ...
الرينو الفلوانس بالفعل عربية مش فرنساوي .... كوري ... و هيا مش سامسونج لوحدها ... دي بيسموها سامسونج رينو SM3 ... و ده لأن رينو اشتريت اسهم شركة سامسونج في سنة 2000 بعد الأزمة الأسيوية الاقتصادية .... كانت في الأول سامسونج لوحدها و سامسونج بدأت في تصنيع العربيات من سنة 1994 ...
لو باباك شغال في الخليج ... يبقى ابعد عن الرينو مؤقتاً .... لسه مكتوب في الجرايد ان شركة رينو سحبت اكتر من 35 ألف عربية علشان كان فيها عيب في صمامات اطلاق الغاز في تنك البنزين مما يؤثر بذاته على دورة المحركات ... الكلام دا للفلوانس SM3 ...
و وكيل رينو في مصر ( المصرية العالمية للسيارات EIM ) قال ان هوا بيستورد رينو من مصانع رينو في تركيا ... مواصفات فرنسية و تجميع تركي .... و ان اللي بتيجي استيراد من تركيا متزودة بموتور غير موتور الكوري ... و ان الوكيل غير مسئول عن اي رينو خليجي يدخل مصر ....
----
اللانسر الجديدة ( القرش ) .... مش عاجبة ناس كتير .... و ان البومة يعني افضل منها ....
----
افضل اقتراحات لسيارة في حدود 140 الف جنيه :
- سوبارو امبريزا ... ياباني 100% و الوحيدة اللي في مصر اللي السيدان من فئتها دفع رباعي .... و بجد ثبات ملوش حل و عربية فخمة ...
- او لو تزود شوية و تجيب هوندا سيفيك ... عربية قوية جداً و متميزة جداً جداً ..... بجد ميجيبهاش الا اللي فاهم يعني ايه هوندا ...
- تويوتا كورولا 2010 ...... و لو ان لسه أمريكا بتحقق مع الشركة في مشكلتها الأخيرة بتاعت الفرامل دي لحد دلوقتي ...... يعني م الآخر عاوزة تدور و تفحفر بالرغم من ان المشكلة دي حلوها في موديلات 2010 ...
- هيونداي سوناتا ... اي نعم هيا اعلى من 140 الف بحوالي عشرتلاف جنيه .... بس موتور 2000 سي سي و عيش و عربية مش منتشرة قد كدا ...
غير كدا ممكن تدور في اقل من 140 الف ...
و عندك ...
نيسان تيدا - هوندا سيتي - سوزوكي sx4 - و عندك فولكس جولف ( و لو ان السعر عالي عليها ... بس الاسم الماني ) ... - او سوزوكي سويفت الجديدة - و عندك كيا سيراتو sx هاي لاين ...
دول اللي اقدر افيدك بيهم كعربيات زيرو .....
مازدا 3 لسه مسقتهاش
بالنسبة للوكيل : غبور ... و غبور دا اعوذ بالله ...... عاوز يبيع باي شكل و يجبرك باعلاناته اللي كل يوم بتملا الجرايد ...
قطع الغيار : أغلى قطع غيار ياباني في مصر ......
و رأيي .... لأ الفلوانس و الميجان معلهش يكسبوا ..... حتى لو متجمعين في بولاق .... برده الفرنساوي يكسب .... و قطع غيارهم ارحم نسبياً ....
و آسف لو كنت مقدرتش افيدك قد كدا ..... بس حبيت اقول لك اللي اعرفه :)
رقم العضوية : 19243
تاريخ التسجيل : 17Sep2008
المشاركات : 416
النوع : ذكر
الاقامة : EGYPT
السيارة: NONE
السيارة[2]: lancer shark
دراجة بخارية: no
الحالة :
موتور اللانسر مايفك 1500 بيطلع 109 حصان و موتور الفوانس 1600 و بيطلع 106 حصان و موتور المازدا بردة 1600 و بيطلع 106 حصان يبقى بالعقل كدة انهى موتور افضل و مشكلة الشعب المصرى لما بيقيس بي السى سى علشان كدة فى اعلانات غبور عن المازدا الجديدة تلاقية كاتب بفنط كبير 1600 و مش كاتب كام حصان غير بفنط صغير بين السطور
رقم العضوية : 76092
تاريخ التسجيل : 24Jul2010
المشاركات : 23
النوع : ذكر
الاقامة : Cairo, Egypt
السيارة: KIA SPORTAGE
السيارة[2]: LANOS1
الحالة :
شكرا يا جماعة ربنا يكرمكم
أنا تقريبا كدة استقريت علي اللانسر خصوصا بعد ما سوقتها، العربية دي جبارة فعلا و هي اللي هتنفع في طرق مصر
المفضلات