كابل دبرياج 128 هل من حل غير التغير

دلوقتى انتم عارفيم مشكله كابل دبرياج 128 وكل كام شهر يتقطع من عند الكليبس الى فى الاخر ويشعر وواحده وبعدين يتقطع ده طبعا نتيجه سوء قطع الغيار والخامات

المهم مفيش اى حل او فكره او حاجه نعملها عشان الكابل ده يستحمل او يبقى امان اكتر

يعنى النهارده عملها معايا والحمد لله كانت قبل البيت مكانش على الدولى ولا فى حته مقطوعه وفضلت ماشى على الاول لحد البيت ده غير الرجه الجامده الى بتحصل عشان ادور العربيه وهى متعشقه دى غلط على قواعد الموتور والعربيه والديسك


عاوزين افكار او حلول عشان نوصل لحل

يعنى مش ممكن نعمل الكابل بأيدنا مثلا

بص ياباشا انا معاية 128 برضو و جايبها من 7 شهور و عمرى ما غيرت سلك الدبرياج يمكن معدلين فى العربية علاشان انا نوفا 1998 مش عارف ممكن ابصلك علية و اقولك

اقتباس:

---

المشاركة الأصلية كتبت بواسطة sary005

بص ياباشا انا معاية 128 برضو و جايبها من 7 شهور و عمرى ما غيرت سلك الدبرياج يمكن معدلين فى العربية علاشان انا نوفا 1998 مش عارف ممكن ابصلك علية و اقولك

---

انا فى 7 شهور مغيره مرتين

وجايب الايطالى الطويل قولت يمكن يكون احسن عشان طويل وميبقاش مشدود اوى وبرضه اتقطع بسرعه

والارضى بتاع العربيه كويس مش وحش

اية حكايتك يا ميسو

هو الواير الحديد نفسة اللي بيتقطع ولا اية بالظبط مش فاهم ؟

لو سلك الدبرياش متركب كويس ومتشحم وفيه نقطتين زيت جو الجراب بتاعه هايعيش وسوء قطع الغيار ميبقاش لدرجة انك تغيره مرتين فى 7 شهور ممن يكون السلك موش مرتاح فى مكانه أو الجراب اطول من المكان اللى هايركب فيه فبيكون فى تنيه فى السلك او فى حاجة فى الاسطون والدسك يكون فيه سوسته تعبانة هى اللي بتعمل التقل ده
بس على العموم لو حص لا قدر الله واتقطع السلك خلى الميكانيكى يحط زيت فى الجراب وينزل يقيس جراب السلك على المكان اللى بيتركب فيه ويقطع الزياده اللي فى الجراب وبعدين يركب هتالقيه ميه وموش هايتقطع لأنه معلهوش اجهادات
وربنا معاك :36_1_1[1]:

كان مطلع عين اهلى وانا فى مصر
بس كنت بعين على طول واحد احتياطى فى الشنطه وطبعا مفتاح 7 ومفتاح 13 ومفتاح 10 وابدا الشغل يا معلم اول ما تسمع طررررررراخ
هيه ملهاش حل لأن قطع ال28 دلوقتى كلها مضروبه وعشان كده هيه رخيصه

اشترى السلك من شركة النصر للسيارات السلك الى عندهم اصلى او بمعنى تانى مطابق للمواصفات انا اشتريت من عندهم حاجات من قبل وكنت عايز كاوتش كوبلن قالى مافيش وبعد كده قالى استنى تقريباً فى وبص على الكمبيوتر عشان يعرف فى موجود فى المخزن ولا لأ بعد كده قالى لأ فى بس غير مطابق للمواصفات الى طالبينها من المصنع عشان كده مابيبعوش منه انا جايب منهم 2 سلك دبرياج مركب واحد و التانى احتياطى تقريبأ كان الواحد ب20 جنيه فى فرع للشركه فى غمره بجوار المستشفى العسكرى وفى فرع فى وادى حوف فى حلوان

اقتباس:

---

المشاركة الأصلية كتبت بواسطة pro_samir

اية حكايتك يا ميسو

هو الواير الحديد نفسة اللي بيتقطع ولا اية بالظبط مش فاهم ؟

---

بالظبط الواير هو الى بيتقطع

وبعدين هى جت عليه بس ده العربيه المشاكل نازله عليها زى المطر وركنتها والله من الخنقه الواحد مش عارف يعمل ايه ولا ايه دلوقتى وانت عارف وقفه وعطله الصنايعيه والحاجه الى تتعمل فى ساعه تاخد اليوم كله يعنى وقف حال
الله يخربيت الفيات والى عملاه فينا كله من قطع الغيار

اقتباس:

---

المشاركة الأصلية كتبت بواسطة m_mekkawy

كان مطلع عين اهلى وانا فى مصر
بس كنت بعين على طول واحد احتياطى فى الشنطه وطبعا مفتاح 7 ومفتاح 13 ومفتاح 10 وابدا الشغل يا معلم اول ما تسمع طررررررراخ
هيه ملهاش حل لأن قطع ال28 دلوقتى كلها مضروبه وعشان كده هيه رخيصه

---

تمام:rfds:

طيب متشوف اي نوع واير تاني وتظبطة عليها يكون ياباني مثلا ولا ألماني حتي لو بالجراب بتاعة

أنا ليها معايا 11 سنة ومافتكرش إنى غيرته خالص غير مرة واحدة بس عشان كان الدبرياج كان تقل مش عشان الكابل اتقطع.

اقتباس:

---

لو سلك الدبرياش متركب كويس ومتشحم وفيه نقطتين زيت جو الجراب بتاعه هايعيش وسوء قطع الغيار ميبقاش لدرجة انك تغيره مرتين فى 7 شهور ممن يكون السلك موش مرتاح فى مكانه أو الجراب اطول من المكان اللى هايركب فيه فبيكون فى تنيه فى السلك او فى حاجة فى الاسطون والدسك يكون فيه سوسته تعبانة هى اللي بتعمل التقل ده
بس على العموم لو حص لا قدر الله واتقطع السلك خلى الميكانيكى يحط زيت فى الجراب وينزل يقيس جراب السلك على المكان اللى بيتركب فيه ويقطع الزياده اللي فى الجراب وبعدين يركب هتالقيه ميه وموش هايتقطع لأنه معلهوش اجهادات
وربنا معاك :36_1_1[1]:

---

انا الى مركبه وبعدين رحت لمكانيكى يفكه ويحط زيت واتظبط
بس هو بيوطى لوحده كل فتره

اقتباس:

---

كان مطلع عين اهلى وانا فى مصر
بس كنت بعين على طول واحد احتياطى فى الشنطه وطبعا مفتاح 7 ومفتاح 13 ومفتاح 10 وابدا الشغل يا معلم اول ما تسمع طررررررراخ
هيه ملهاش حل لأن قطع ال28 دلوقتى كلها مضروبه وعشان كده هيه رخيصه

---

مهى المشكله فى العطله والمكان الى حتعطل فيه والمشكله الاكبر انك لو معاك حد من البيت

اقتباس:

---

اشترى السلك من شركة النصر للسيارات السلك الى عندهم اصلى او بمعنى تانى مطابق للمواصفات انا اشتريت من عندهم حاجات من قبل وكنت عايز كاوتش كوبلن قالى مافيش وبعد كده قالى استنى تقريباً فى وبص على الكمبيوتر عشان يعرف فى موجود فى المخزن ولا لأ بعد كده قالى لأ فى بس غير مطابق للمواصفات الى طالبينها من المصنع عشان كده مابيبعوش منه انا جايب منهم 2 سلك دبرياج مركب واحد و التانى احتياطى تقريبأ كان الواحد ب20 جنيه فى فرع للشركه فى غمره بجوار المستشفى العسكرى وفى فرع فى وادى حوف فى حلوان

---

نفسى والله اروح اشترى الحاجه من هناك بس المشكله فى المسافه لانى من اسكندريه

اقتباس:

---

المشاركة الأصلية كتبت بواسطة egyzizo

أنا ليها معايا 11 سنة ومافتكرش إنى غيرته خالص غير مرة واحدة بس عشان كان الدبرياج كان تقل مش عشان الكابل اتقطع.

---

اديك رديت على كلامك 11 سنه يعنى من 99 ايام مكانت الحاجه بخيرها وقطع الغيار اصليه موجوده فى السوق مش الصينى المضروب

اقتباس:

---

المشاركة الأصلية كتبت بواسطة pro_samir

طيب متشوف اي نوع واير تاني وتظبطة عليها يكون ياباني مثلا ولا ألماني حتي لو بالجراب بتاعة

---

منا عامل الموضوع ده عشان كده عشان نفكر سوا على اى حل او اى حد جرب حاجه يقولها

واحد مكانيكى زمان قللى انه كان عنده مشكله زى دى وركب واير بتاع عربيه يابانى او المانى وقعد سنين متقطعش
المشكله ان المكانيكى ده كان عنده ضمير فبطل يشتغل وقفل ههههههههه


هل من حل يا جماعه

انا عرفت ان فيه نوعين نوع قصير ونوع طويل هى تفرق فى ايه

اقتباس:

---

انا عرفت ان فيه نوعين نوع قصير ونوع طويل هى تفرق فى ايه

---

تقريبا بتفرق في موديل العربيه يعني موديل عربيتي 84 بتاخد القصير و بالنسبه انه بيتقطع كل شوية فالمكانيكي بعد اما ركب السلك قالي لو قعد فترة صغيره و اتقطع يبقى تكشف على الاسطوانه

الحل النهائي لموضوع سلك ال 128

حاجة من اتنين :
1- تجيب السلك استيراد من بتوع قطع الغيار المستعمل و ده نادر انك تلاقيه بس لو لقيته بيعيش كتير

او

2- تجيب انضف سلك موجود في السوق " اغلبهم مصري او صيني مافيش حاجة اسمها ايطالي " و تخلي الميكانيكي يحط ليه صواميل حشو كتير
لأن السلك لما بتدوس دبرياش و يأخد فرش الفتيس و ينزل بيتني علي جنب و بالتالي نتيجة الخامة السيئة بيشعر و يبتدي يزيئ و بعدين يقطع

فلما تحشيه بصواميل كتير انت بتمنع انه يتني فبيفضل محتفظ بكامل لياقته

و تخلي بالك منه أنه مش هيقطع منك و هيعد فترة طويلة لكن او ما يبتدي يزيئ علي طول و تحس بتقل فيه عند الدوسة تغييره

و بعدين اما يقعد مع حضرتك سبع شهور يعتبر كويس

دا المرحومة الله يصبحها بالخير كنت باغيرها لها السلك ده كل اسبوعين او كل شهر لغاية اما زبطت الموضوع ده فاتعدل الاستهلاك شوية

انواع السلوك حسب فتيس عربيتك

العربية ال128 العادة لها سلك " تقريبا الطويل "

و المعدل لها سلك " تقريبا القصير "

مش متذكر

و لأن العربيات ال128 في الغالب بتكون مسقطة مواتير غير الاصلي بتاعها فممكن تلاقي فتيس عربية عادة زي فتيس المعدل

و بالتالي عربيتك مينفعش يركب فيها الطويل او القصير

ير كب فيها اما السلك الطويل او السلك القصير

انا في مره شفت الخراط بيعمل واحد عموله علشان كان بيقول انه عنده واير اعلي ومحمل بشكل افضل بكتير عن اللي بيتباع (دا كلام الخراط)
طيب ما تجرب وتعمل واحد عموله ومش هتخسر حاجه

اقتباس:

---

المشاركة الأصلية كتبت بواسطة khaled_bibo

تقريبا بتفرق في موديل العربيه يعني موديل عربيتي 84 بتاخد القصير و بالنسبه انه بيتقطع كل شوية فالمكانيكي بعد اما ركب السلك قالي لو قعد فترة صغيره و اتقطع يبقى تكشف على الاسطوانه

---

وانا الى عندى القصير برضه وموضوع الاسطوانه ده مش عارف بصراحه ايه نظامه

اقتباس:

---

الحل النهائي لموضوع سلك ال 128

حاجة من اتنين :
1- تجيب السلك استيراد من بتوع قطع الغيار المستعمل و ده نادر انك تلاقيه بس لو لقيته بيعيش كتير

او

2- تجيب انضف سلك موجود في السوق " اغلبهم مصري او صيني مافيش حاجة اسمها ايطالي " و تخلي الميكانيكي يحط ليه صواميل حشو كتير
لأن السلك لما بتدوس دبرياش و يأخد فرش الفتيس و ينزل بيتني علي جنب و بالتالي نتيجة الخامة السيئة بيشعر و يبتدي يزيئ و بعدين يقطع

فلما تحشيه بصواميل كتير انت بتمنع انه يتني فبيفضل محتفظ بكامل لياقته

و تخلي بالك منه أنه مش هيقطع منك و هيعد فترة طويلة لكن او ما يبتدي يزيئ علي طول و تحس بتقل فيه عند الدوسة تغييره

و بعدين اما يقعد مع حضرتك سبع شهور يعتبر كويس

دا المرحومة الله يصبحها بالخير كنت باغيرها لها السلك ده كل اسبوعين او كل شهر لغاية اما زبطت الموضوع ده فاتعدل الاستهلاك شوية

---

موضوع السلك الاستيراد ده فكرت فيه بس قولت انا ايه ضمنى انه حيطلع استيراد فعلا اغلب قطع غيار ال 128 دلوقتى مش استيراد

وموضوع سبع شهور ده انا مغيره مرتين واستخدامى للعربيه قليل جدااااااا يعنى كده فيه حاجه غلط
وربنا يقوملهالك بالسلامه
وانا فعلا كنت حاطط صواميل كتييير عشان ارفع الدبرياج لانه عندى واطى شويه فى النص يعنى وانا عاوزه عالى بس برضه معلاش كتيييير وبيوطى تانى
والمكانيكى يقوللى ده كده كويس ال128 ميعلاش عن كده

اقتباس:

---

انواع السلوك حسب فتيس عربيتك

العربية ال128 العادة لها سلك " تقريبا الطويل "

و المعدل لها سلك " تقريبا القصير "

مش متذكر

و لأن العربيات ال128 في الغالب بتكون مسقطة مواتير غير الاصلي بتاعها فممكن تلاقي فتيس عربية عادة زي فتيس المعدل

و بالتالي عربيتك مينفعش يركب فيها الطويل او القصير

ير كب فيها اما السلك الطويل او السلك القصير

---

الموتور الى عندى والسلك الى بيركب المفروض القصير مش الطويل الموضوع مش موضوع قصير وطويل الموضوع موضوع قطع غيار زفت

اقتباس:

---

انا في مره شفت الخراط بيعمل واحد عموله علشان كان بيقول انه عنده واير اعلي ومحمل بشكل افضل بكتير عن اللي بيتباع (دا كلام الخراط)
طيب ما تجرب وتعمل واحد عموله ومش هتخسر حاجه

---

كلام جميل ممكن ينفع بس مين الخراط الى عنده خبره وضمير للموضوع ده
ححاول ادور على حد او على فكره تنفع

يا جماعه الموضوع موضوع قطع غيار صدقونى كل الموجود صييييييييينى و كاتبين عليه ايطالى ده لو ايطالى ايطالى ميبقاش ب 15 جنيه يعنى شوفو المستورد كاسب كام والبياع كاسب كام
ده تلاقيه واقف عليهم ب 5 جنيه مثلا
هو فيه كابل ايطالى ب 5 جنيه ولا 15 جنيه

كابلات العربيات النضيفه بتعمل فى حدود 35 جنيه يبقى ازاى ده ب15 جنيه وكسبانين فيه كمان

اقتباس:

---

وربنا يقوملهالك بالسلامه

---

الله يسلمك
اشكرك علي الاهتمام

اقتباس:

---

وانا فعلا كنت حاطط صواميل كتييير عشان ارفع الدبرياج لانه عندى واطى شويه فى النص يعنى وانا عاوزه عالى بس برضه معلاش كتيييير وبيوطى تانى
والمكانيكى يقوللى ده كده كويس ال128 ميعلاش عن كده

---

لا يا باشا الصواميل اللي قصدي عليها مش هي اللي بتتحكم في رفع و توطية الدبرياج

انت بتركب السلك ازاي

بتحل صامولة 10 من بدال الدبرياج من جوه الصالون

و تحل المسمار اللي مثبت السلك في صدر السيارة اول ما السلك بيخرج من الصالون في طريقه لفرش الفتيس

و بعدين بتحط صامولتين شبه الهلال معروفين و شكلهم مميز مش زي الصواميل العادية تقريبا مقاسهم 17 او 19 و دول اسمهم حشو

بعد كده بتخش بصامولة عشرة و تربط علي السلك و تجرب تشوف الفصل بتاع الدبرياج فين المفروض ان الفصل يكون في ربع او تلت مشوار البدال مش اول ما ترفع رجلك تطلع العربية

و بعدين انت بتط صامولة كونتر علي الصامولة العشرة عشان الدبرياج ميوطاش منك كل شوية

ده كده زي ما الكتاب بيقول لو السلك اصلي و محترم

انما السلك بتاعنا اللي في السوق علي فكره اغلبه مصري مش صيني كمان "ههههه" و بيتصنع في ورش تحت السلم
لما بيجي بيدك السلك في الطرف الاخير اللي هو بنربط فيه الصواميل ما بيدكوش كويس

مع استخدامك للدبرياج بيبتدي السلك يتني عند المنطقة اللي ما دكهاش كويس

الحل نحط صواميل حشو كتير عشان نمنع ان السلك ما يتنيش علي جنب و بالتالي نطيل عمر السلك

و ده عن تجربة يعني السلك كان بيقعد معايا اد من عشرة لخمسة عشر الف كم

و دا انجاز بالنسبة لما كان يحدث سابقا

انما لو ربنا سهل و كان فيه سلك تاني نضيف لأي ماركة اخري ممكن يبقي حل افضل

اقتباس:

---

المشاركة الأصلية كتبت بواسطة tamer_a7

انا في مره شفت الخراط بيعمل واحد عموله علشان كان بيقول انه عنده واير اعلي ومحمل بشكل افضل بكتير عن اللي بيتباع (دا كلام الخراط)
طيب ما تجرب وتعمل واحد عموله ومش هتخسر حاجه

---

فيه واحد خراط ف الوكاله بيعملهم بس انا جربته 3 مات برضه مش بيعمر كتير اخره شهر وبيبقى اتقل من الطبيعى علشان السلك بيكون تخين ومحمل ولازم تاخد معاك جراب قديم علشان يعملك واجد عليه.ورجاء من الاعضاء الاعزاء ارجوكم دلونى اعمل ايه عندى انا كل اسبوع بغير واير وغيرت طاقم الدبرياج كامل والفورش وبرضه المشكله زى ماهيه المشكله ان الفرش بيلم لغايه اخر المسمار وده مش صح نعمل ايه بقى:majd(4):

اقتباس:

---

المشاركة الأصلية كتبت بواسطة medo980

اشترى السلك من شركة النصر للسيارات السلك الى عندهم اصلى او بمعنى تانى مطابق للمواصفات انا اشتريت من عندهم حاجات من قبل وكنت عايز كاوتش كوبلن قالى مافيش وبعد كده قالى استنى تقريباً فى وبص على الكمبيوتر عشان يعرف فى موجود فى المخزن ولا لأ بعد كده قالى لأ فى بس غير مطابق للمواصفات الى طالبينها من المصنع عشان كده مابيبعوش منه انا جايب منهم 2 سلك دبرياج مركب واحد و التانى احتياطى تقريبأ كان الواحد ب20 جنيه فى فرع للشركه فى غمره بجوار المستشفى العسكرى وفى فرع فى وادى حوف فى حلوان

---

دة الكلام الصح بالضافة لتشحيم السلك من اطرافة ووضع الزيت داخلة وتفعيلة قبل التركيب يعنى التاكد ان الزيت داخل الجراب بالكامل