عرض للطباعة
السلام عليكم ورحمة الله وبركاته
انا معايه بولو فوكس 1300 98 وعايز ابيعها واشتري حاجه جديده لان العربيه دي عفشتها وحشه جدا والفتيس بتعها مشكله وعلبه الدريكسون وزهقت من تصلحها كل شويه وعايز اشتري عربيه سبور شبابى هيونداى كوبيه مانيول ج كماليات حاجه جديده زيرو
رياكم ايه فى هيونداى كوبيه عفشتها حلوه ماتورها قطع الغيار بتاعتها غاليه رخيص؟
قطع الغيار بتعيش جودة المقصوره الداخليه من بلاستيك وتكيف وهدوء المقصوره الداخليه
يعنى ياريت حد يقلى على عيوبها وشكرا:)
يا جماعه حد يرد لو سمحتوا:eek:
هو انا كيس جوافه ماحدش عايز يرد عليه!!!!!!!!!!!!! ؟؟؟؟؟؟؟؟؟؟:mad:
اصبر شوية وان شاء الله حد هيرد عليك. الموضوع بقالة يوم ثم انت اصلاً مكنتش عاملة
في المكان المناسب، انت كنت عاملة في قسم الورشة!
انا لسه جديد يا نادر ما خدتش بالى
انا مستنى لغايه ماحد يعبرنى
معلهش صعب حد يرد عليك ،،
لأني معرفش حد معاه العربية دي في المنتدي و انتا كاتب اللي معاه ،،،
ممكن لو فتحت باب الفتوي ،، متشترط التجربة
يجيلك ردود كتير ،،
طيب مش لازم يكون معاه يكون حد يعرفه معاه كوبيه وشافها وركبها
يقلنا رايه
أستاذ صب واي أصبر إن الله مع الصابريناقتباس:
المشاركة الأصلية كتبت بواسطة subway
العربية دي مش منتشرة خالص لأنها رياضية فقط و لا تصلح للعائلات أو الأستخدام اليومي للمصريين و لذلك لم تجد الإجابات اللي حضرتك مستنيها من رواد المنتدى
المهم أنا لي 2 جيران معاهم العربية
و هأقولك على اللي أعرفه
العربية واطية على الأرض قوي و بتحك في المطبات العالية و بتضطر إنك تأخذ المطب بالعرض و طبعا لو فيه زحمة و الأخوة بتوع الميكروباصات أنجذبوا لسيارتك بالمغناطيس المصري اللي بيخلي العربيات تلصق في بعض يبقى مش هاتعرف تأخذ المطب بالعرض خصوصا لو كان معاك حد في العربية
و ده هو أكبر عيب فيها
أما من ناحية الأداء و التسارع و الكلام ده فهو ممتاز
أما أسعار قطع الغيار .... الله أعلم
الشكل العام للسيارة ..... رائع و جميل و جذاب جدا
-------------------------------
أنا هاقولك على نصيحة
لو أنت عايز عربية شبابي و تمشي برضه عائلي و شكل جميل و قطع غيار معقولة و معمرة و موفرة و قوة تحمل و أداء قوي يبقى عندك الجين 2 بدون منازع
و كمان هاتوفر في الثمن كتييييييير و بجودة عالية
و إن شاء الله إذا قابلت أي واحد من جيراني النهاردة في الجامع سأسأله لك على الهيونداي الكوبيه
و شكرا
شكرا اخ توت على معلوماتك بس ممكن اعرف ايه الجين 2 ؟ وبكام ؟
شكرا ليك جدا
شوف اللينك دة
http://www.nilemotors.net/Nile/showthread.php?t=15845
ومن وجهة نظرى افضل ادء رياضى شكلاً و مضموناً
تحت ال 100 ال Gen 2
فوق ال 100 الليون
اقتباس:
المشاركة الأصلية كتبت بواسطة SEATLOVER
بس الليون ب 145 ده بتهايأللي فوق الميه بشويه :D
بالنسبة لقطع الغيار الموتور الية فى الكوبية هو نفس الموتور الية فى الفيرنا 1600 والماتريكس والانترا الشكل القديم والجيتس فا قطع الغيار الميكانيكية سعرها معقول
هو الجاب كبيرة فعلآً بس مفيش اختيارات للآسف .اقتباس:
المشاركة الأصلية كتبت بواسطة memoz
بعدين subway بيسأل عن الكوبية اللى هى اصلاً ب 140 .
هوا حضرتك ساكن فين يا باشا ؟اقتباس:
المشاركة الأصلية كتبت بواسطة tutankhamoun
الجين 2 لو بتفكر فيها ممتازة و خش قسم بروتون لو عاوز تعرف عنها اكتر
شكرا ليك يا seat lover انا شفت اللنك ده وكرهتنى فيها ههههههههههههههه:D
هي gen2 شكلها رياضي بس مش عارف دي قطع غيرها اخباره ايه وتوكيلها كويس ولالا بس هيوندى منتشره جدا فى مصر
انا كنت فاكر الكوبيه 100000 مش 140 :eek:لانى شفته فى الوسيط ب 99.900 بس ماسالتش عليها بصراحه فى المعارض
http://www2.0zz0.com/2008/03/01/13/359101759.jpg
شكرا اخ بسام على توضيحك
شكرا اخ فهد هشوفها
الى ب 100 الف دية تقريبا الشكل القديم و اسأل برضة
اللى ب 100 دى فعلاً الشكل القديم و الهيونداى منتشرة اة (بس مع نفسها ) بس الكوبية نادرة جداً و مفيهاش ميزة الانتشار بتاع الهيونداى
اما الجين 2 انا مش من عشاقها على العموم ..بس الصراحة من تجربتى و من كلام اللى اعرفهم معاهم مش قادر امسك عليها حاجة معينة الصراحة غير استهلاك البنزين عالى شوية وحاجاتها مش بالسعر اللى ممكن تتوقعة والاداء ما تقارنوش غير باللى فى حدود سعرها ... يعنى باختصارهى قدرت تحل معادلة حلوة فى حدود السعر بتاعها
خد جولة كدة فى قسم البرتون هانلاقيها لها مستقبل و الشباب بيحبها واخر اخبارها
فى انتشار متزايد-حاجاتها بدأت تبقى اهدى - بقى فى ناس بتفهم فيها
شكرا ليك اخ فهد الشكل القديم حلو برضه
شكرا اخ seatlover بصراحه انت حببتنى فى gen 2 وهاخد جوله اكتر واسال اكتر شكرا ليكم
انا معايا كوبية 2005 العربية ممتازة جدا من ناحية الثبات انا بجيب بيها 170 180 مستريحة وبمشى بيها فى اى حته وكمان انا ساكن فى ارض اللواء يعنى ماشية كلو فى المطبات العربية ما بتحكش منى غير نادرإ بالنسبة لقطع الغيار ف هى زى الماتريكس والالنترا والفيرنا ممكن تنزل تسال على قطع غيار الانواع دى هتعرف انها معقوله وطبعا العربية من ناحية انها شبابى لاتقارن بالعربيات دى
لو دماغك في الكوبيه كوبيه يعني ممكن سيراتو كوبيه او النترا كوبيه ....وتحت امرك في في اي معلومة بخصوص الالنترا كوبيه ...وبرده الجين تو كويسة زي مايقال وربنا يوفقك