وعليكم السلام ورحمة الله وبركاته
الف مليون مبروك
بسم الله ما شاء الله ربنا يحميك
تقديرك زى الفل وربنا يوفقك فى حياتك العملية
انا عاوز اقولك كلمتين بس أتمنى انك تتقبلهم من مهندس زميل ليك
أولا : مفيش حاجة فى الهندسة اسمها عملت مشروع لوحدى ,
لو عاوز تنجح فى حياتك العملية فى الهندسة شيل الكلمة دى من قاموس حياتك نهائيا وأوعى تكررها أبدا أبدا أبدا ,
وحتى لو كانت هيا دى الحقيقة -فرض مستحيل عمليا- فأوعى تقنع نفسك بيها لان هيا دى بداية الفشل صدقنى انا مبقلكش كلام انشه
ثانيا : اعضاء الفريق اللى كانوا معاك كانوا negative elements فدى مشكلة عندك انت مش عندهم ,
بمعنى ان احنا لو اعتبرنا انكم كفريق عمل وانت قائد فريق العمل وكانوا negative elements فده معناه انك فشلت كقائد وفشلتم كفريق عمل
يعنى لو هما فشلوا مرة فأنت فشلت مرتين (مرة كقائد للفريق ومرة كعضو)
وانا كده كلامى خلص واتمنى انك تتقبله بحب واخوة
واتمنى ليك التوفيق فى حياتك
والف مبروك مرة تانية يا بشمهندس
المفضلات